بدور علي ايه؟ اكتب رقم موديل الموبايل الابدور عليه

bassamsanad

bassamsanad

نوع الموبايل : Alcatel OT-995
اخر زيارة:
تاريخ الاشتراك: 2013-05-05
عدد التعليقات: 12
الدولة: مصر

احدث المشاراكات

  • 2013-10-12 (03:39:08AM) Samsung Galaxy Ace 3

    نصيحتي لأي حد بيدخل فيس كتير ونت عموما ميجيبش موبايل أقل من 4.5 بوصة عشان أنا جبت الموبايل ده وللأسف هبيعه عشان شاشته صغيرة والكي بورد مش عملي في الكتابة ---- بصراحة الأندرويد حلاوته في الشاشات الكبيرة مش اقل من 4.5بوصة


  • 2013-10-10 (05:15:34PM) Samsung Galaxy Ace 3

    الأخ semsemSIR بالنسبة للكاميرا فأنا صورت بالموبايلين في نفس ظروف الإضاءة ونفس المشهد وأنا لحد دلوقتي مندهش إزاي كاميرا الألكاتيل تدي صورة أحلي من السامسونج وكنت بوري الصورتين لأصحابي بدون معرفهم أنهي صورة لأي موبايل وأسألهم أنهي أفضل فيختاروا صورة الألكاتيل .... للأسف واضح إن كل الشركات بقت زي عض بس الناس بتحب السامسونج عشان إسمه وشكله .....أنا سمعت إن هاواوي وZTE منزلين شغل جامد جدا بس مشكلتهم في الإسم والتوكيل ....


  • 2013-10-10 (02:32:55PM) Alcatel OT-995

    ياريت ياجماعة اللي معاه التليفون ده يقولي الشاشة مطلعة نور من الجناب ولا تقفيل الشاشة مع الشاسيه كويس عشان أنا معايا الشاشة مفارقة شوية ومش عارف ده عيب تصنيع ولا إيه ؟؟؟؟


  • 2013-10-10 (12:15:13PM) Samsung Galaxy Ace 3

    تقريري المبدئي علي الجهاز ace3 وبعد مقارنة مع الألكاتيل ot-995 في نقاء الصورة والتاتش والتايبينج
    ========================
    أولا الكاميرا .... الإتنين 5 ميجا بيكسل
    المفاجأة التي أذهلتني إن كاميرا الألكاتيل مطلعة صورة أحلي ... وعملت إختبار لكذا شخص وريته الصورتين وكان بيختار الأحلي ويقوللي دي أكيد صورة السامسونج والحقيقة هي العكس تماما !!!!!
    ======================
    ثانيا الشاشة .....
    شاشة السامسونج أحلي وأنقي وفيها عوامل إبهار أكتر من الألكاتيل والتاتش أكثر سلاسة من الألكاتيل بس عموما الفرق في الوضوح مش كبير قوي في الفيديو وإستعراض الصور .....
    =======================
    ثالثا لوحة الكيبورد أثناء الكتابة ....
    الألكاتيل يتفوق لإن كل حرف في العربي لوحده وفي سلاسة في الإنتقال بين الأحرف والأرقانم والعلامات والإيموشنز ....السامسونج رخم في موضوع إن في حروف مشتركة .... بمعني إن الراء والزين مع بعض والعين والغين مع بعض والصاد والضاد مع بعض والجيم والحاء مع بعض وده شئ رخم جدا من وجهة نظري في أثناء الشات ...ده غير إن مساحة الحروف صغيرة جدا وكتير بتغلط في الحروف ..... الألكاتيل الصراحة عملي أكتر في الكتابة ..... مع ملاحظة إن شاشة الألكاتيل أكبر بحاجة بسيطة .....4.3 إنش مقابل 4 إنش للسامسونج !!!!!
    ================
    رابعا ..... التقفيل والجودة
    السامسونج طبعا يتفوق في الشكل والتقفيل والجودة .... الألكاتيل لقيت فروق بين الشاشة والبودي أو الشاسيه وفي نور باين من ضهر الشاشة !!!!!!! أنا الصراحة مش عارف الألكاتيل كله كده ولا الموبايل اللي معايا فيه عيب صناعة !!!!!!!!
    ==========================
    بخصوص البطارية بقي فدي صعب أحكم عليها دلوقتي لإني لسة مشتغلتش عليه العاب ونت بس عموما هو قعد معايا يوم ونص مع الإستخدام المتوسط بدون إجراء مكالمات علي شحنة المصنع
    ================
    دي الملاحظات الأولية علي الموبايل .... بالنسبة لإجراء المكالمات بقي ولاكلام ده فأنا لسة مركبتش الشريحة .....
    ================
    بصراحة الواحد ندمان إنه جاب موبايل 4 بوصة .....


  • 2013-10-10 (01:57:26AM) Samsung Galaxy Ace 3

    ياريت ياجماعة حد يفيدني في موضوع قص الشريحة أقصها ولا أجيب شريحة جديدة من فودافون .... الصراحة أنا مستخسر ال60ج اللي هدفعهم في فودافون عشان أنا هقص شريحتين .... وفي نفس الوقت ناس قالولي القص بيبوظ الشريحة .... هو في فرق بين الميكرو والميني ولا إيه بالضيط .... عشان اللي فهمته إن في كذا شريحة خصوصا للأيفون 4 والأيفون 5


  • 2013-09-25 (11:22:26PM) Samsung Galaxy Ace 3

    أكيد أول ماهجيبها هعملها تقييم مبدئي وأقولكوا عاملة إيه ......أنا زميلي في الشغل لسة جايب سامسونج fame والصراحة لاحظت فرق جامد في كاميرا السامسونج عن كاميرا الألكاتيل ot995 الفوكس في كاميرا السامسونج شديد وبيدي صورة واضحة كتير عن كاميرا الألكاتيل ....


  • 2013-09-25 (11:04:31AM) Samsung Galaxy Ace 3

    أنا دفعت فلوسه والمفروض أستلمه النهاردة ...... ربنا يستر بقي وتطلع عدة كويسة عشان أنا كنت متحير بينها وبين الالكاتيل Xpop


  • 2013-09-25 (11:01:39AM) Samsung Galaxy Ace 3

    هو أنا ليه لما بعمل سيرش علي موقع سامسونج مبلاقيش أي تليفون بالإسم ده ؟؟؟؟؟؟!!!!!!!!!!!!!!
    أنا سمعت إن اللي موجود في السوق هاي كوبي وليس من إنتاج شركة سامسونج ؟؟؟؟؟؟؟؟؟


  • 2013-05-23 (04:45:50PM) Alcatel OT-993

    لو توافق علي 800 كلمني
    01013509060


  • 2013-05-11 (05:00:39PM) Alcatel OT-995

    اعمل سيرش علي جوجل ياباشا هتلاقي الموقع بتاعهم اضغط هنا لزيارة الرابط
    دول ليهم فروع كتير حوالي 5 فروع


  • 2013-05-05 (05:58:58PM) Alcatel OT-995

    دريم 2000 ب1540جم


  • 2013-05-05 (05:53:23PM) Alcatel OT-995

    الأخ اللي بيسأل أشتريه منين .....التليفون موجود عند دريم 2000 وأنا لسة جايبه من 3 أيام ب1540جم والتليفون كويس جدا من كل النواحي فيما عدا الكاميرا مش عجباني أوي ......لازم تبقي إيدك ثابتة والإضاءة كويسة عشان تديك صورة حلوة ......بالنسبة لسعره يعتبر كويس