action11223

احدث المشاراكات

• 2013-05-26 (10:16:07PM) Alcatel OT-997D

  حضرتك مفيش مشكلة بس ممكن يكون بسبب فعلا الذاكرة ومن الممكن يكون من الاتصال بالانترنت والسرعة المستخدمة ودة ممكن يكون السبب .
  وتحت امرك فى اى وقت

---

• 2013-05-26 (09:41:41PM) Alcatel One Touch Idol Ultra

  بمعنى اخر حضرتك كل فترة فى جديد واحسن ومش تفكر انك هتشترى موبيل واحد مش هشترى تانى اكيد هتجيب تانى يبقى لو هتشترى يبقى تجيب اللى مناسب ليك الان ثم بعد فترة هتلاقى الاحسن وهتلاقى نفسك بتغير الموبيل عشان كدا شوف المناسب معاك الان .

---

• 2013-05-26 (09:37:44PM) Alcatel One Touch Idol Ultra

  حضرتك بالنسبة للجودة فالجودة متوسطة دة فى كل الاجهزة الموجودة بمصر ومعروفة بأسماء شركات كبيرة زى نوكيا سامسونج اتش تى سى وغيرهم وذلك لان الاجهزة كلها صنع فى الصين ودة مش حاجة عيب لكن ما يتم نزولة فى الوطن العربى غير الموجود فى الدول الاوروبية دة بيختلف فى الجودة ولكن الاثنين صنع فى الصين
  اما بالنسبة للتحديثات فهذا هيكون اخر تحديث لية مش هيبقى فى تحديث تانى لان النسخ اللى هتنزل بعد كدا ووفقا لما اعلنتة مطورى الاندرويد انة هيكون للاجهزة التى تحتوى على بروسيسور رباعى النواة باتالى نحن هننتقل الى على اخر يسمى ب ------ غير معروف حتى الان لكن ما نعرفة ان التكنولوجيا لا تتوقف

---

• 2013-05-26 (09:29:25PM) Alcatel One Touch Idol Ultra

  دة طبعا حضرتك لان الامكانيات افضل بكثير اما بالنسبة للدعم فأنة مدعم من توكيل وهو رزق اللة اما بالنسبة للاكسسوارات ف موجودة ولو حضرتك عاييز ممكن تتصل بى على 01020950452
  اما بالنسبة ل lg فى شركة معروفة ايضا بمصر ولها الدعم الخاص بها وكمان الاكسسورات موجودة بمعنى اصح مفيش فرق بين الاتنين

---

• 2013-05-26 (09:17:52PM) Alcatel One Touch X Pop

  بالطبع فعلا حضرتك لكن مش ارخص هو اغلى لكن حاجات بسيطة

---

• 2013-05-26 (09:16:00PM) Alcatel One Touch X Pop

  حضرتك احنا الان فى عصر التقدم التكنولوجى ففى كل ثانية شيئ جديد ينتمى الى عالم التكنولوجيا عشان كدة كل فترة قريبة هتلاقى موبيل جديد نزل وعلى فكرة الموبيل دة نازل من فترة كبيرة جدا فى الدول الاوروبية وكالعادة نحن اخر من يصل الينا.

---

• 2013-05-26 (09:11:52PM) Alcatel One Touch X Pop

  حضرتك اى موبيل يعمل بنظام اندرويد تقدر تنزل لية برامج تقوم باللتعديل على ملفات الاوفيس ودة هيكون من خلال الماركت

---

• 2013-05-26 (09:10:06PM) Alcatel One Touch X Pop

  ممكن حضرتك تتصل بخدمة العملاء وهما يقولوا لحضرتك الفرع القريب اللى موجود عندة الجهاز دا احسن وسيلة لحضرتك

---

• 2013-05-26 (08:58:47PM) Alcatel OT-997

  حضرتك انا مشترى الموبيل من التوكيل نفسة 1870 جنية من حوالى شهر تقريبا ممكن تلاقى فى اماكن تانية باقل لكن عمرة ماهينزل لحد 1430 جنية
  اة فى الاول اول مانزل كان سعرة كدة لكن لما ذاد الضغط علية التوكيل رفع السعر وبالتالى الموزعين هيرتفع عندهم لكن بيفرق من واحد للتانى لكن فى رنج معين بيمشوا علية
  من 1700 لحد وانت طالع

---

• 2013-05-26 (08:42:00PM) Hisense U5

  حضرتك فى اى موبيل يعمل بنظام اندرويد تقدر تنقل applications من ذاكة الهاتف الى الذاكرة الداخلية بسهولة كمان تقدر تخلى apps يتم تثبيتها على الذاكرة الخارجية ودة من خلال برامج متوفرة فى الماركت الخاص بالاندرويد ومجانا اما فى برامج بتيجى مثبت على الجهاز ودى بتنزل مع النظام التشغيل
  ودية مش ممكن تنقلها الا فى حالة انك تعمل حاجة اسمها "روت"
  ومعناة انك تفك حماية الجهاز وفى الحالى دية هتخرج برة الضمان لانك بتعدل على ملفات التليفون بشكل غير رسمى وانا مش بنصحك بكدة .
  اتمنى انى اكون وفرت لك المعلومات اللازمة اللى تفيد حضرتك .

---

• 2013-05-26 (08:33:08PM) Hisense U5

  حضرتك لو بتبص على ان الموبيل صينى يعنى مش كويس
  لكن من الناحية دية يبقى حضرتك عمرك ما هتشترى موبيل
  لان جميع الموبيلات الان فى مصر صنع فى الصين وبالتالى يبقى مش ننظر اين صنع ولكن ننظر المواد المصنع منها هل من خامات عالية الجودة او متوسطة او ضعيفة
  والمكونات
  هذا ما نسحق ان ننظر لة ولكن مش اين صنع
  واحب اوضح لحضرتك حاجة ممكن صنع فى الصين بس ممكن يعد مع حضرتك طول العمر مش يحصلوا حاجة لية لان المواد المصنع منها عالية الجودة ممكن نفس الجهاز بس ميكملش سنة ومن نفس الشركة بردو اية الفرق ؟
  فى الجودة
  يعنى احب اوصل لحضرتك انك المفترض تنظر للموبيل من الجودة وليس اين صنع .
  

---

• 2013-05-26 (08:04:42PM) Hisense U5

  الاحسن حضرتك الكاتيل بكل تأكيد ودة لان مواصفات الكاتيل اعلى فى حاجات كتير ماعدا حاجة واحدة
  الموبيل دة البروسيسور 1.2 دول كور لكن الكاتيل 1 دول كور اما الباقى الافضل فية الالكاتيل

---

• 2013-05-24 (11:38:45AM) Alcatel OT-997

  حاجة بسيطة للناس اللى بتقول على موبيل صينى
  احب اعرفك شيئ الموبيلات جميعها فى مصر صنع فى الصين
  بس حضرتك بتفرق فى الامكانيات الموجودة ومدى جودتها
  فمتقولش دا الجهاز صينى
  لكن بص على الامكانيا والجودة
  وحابب اوضحلك شيئ بسيط ان الصين بتصنع افضل الانواع فى عالم الموبيلات
  بس بتفرق ف التوزيع الجغرافى
  يعنى الحاجة اللى بتنزلها فى امريكا مش زى الحاجة اللى بتزلها مصر لان التوزيع بيجى حسب متطلبات السوق
  يعنى عمرها ما هتنزل جهاز امكانيات متوسطة بس الجودة عالية جدا وتقول 4000 جنية مثلا لكن دا ممكن يكون فى امريكا
  الخلاصة اللى عايز اقولة بص على المكونات والجودة ومش تبص دا مصنوع فين

---

• 2013-05-24 (11:28:41AM) Alcatel OT-997

  الكاميرا حضرتك جودة عالية بس مش هتيجى زى كاميرا htc او samsung طبعا
  يعنى من الاخر لو حضرتك من هواة الكاميرا يبقى متفكرش فى الكاتيل لكن لو بالنسبة للجهاز فهو يعتبر كويس جدا اوى ومواصفات عالية وكويسة جدا والبطارية احلى ما فية
  وتحت امرك فى اى شيئ

---

• 2013-05-24 (11:22:46AM) Alcatel OT-997

  merci kteeeeeeeeeeeeeeer 3la zo2k w atmna el7ga tkon nalit a3gabk w t7t amrk fi ai w2t
  :D :D :D :D

---