بدور علي ايه؟ اكتب رقم موديل الموبايل الابدور عليه

Ronaa

Ronaa

نوع الموبايل : Nokia 5800 XpressMusic
اخر زيارة:
تاريخ الاشتراك: 2013-03-23
عدد التعليقات: 16
الدولة: مصر

احدث المشاراكات

  • 2013-07-15 (07:59:47AM) Nokia Lumia 520

    ولايهمك مفيش أى تعب بالعكس أنا متفهمة جدا الحيرة ده والواحد بيكون مش عارف ياخد قرار بشكل خاص كل الأجهزة قريبة من بعض ، للإيضاح أنا ممسكتش الهواوي أنا مسكت الأل جي ده : اضغط هنا لزيارة الرابط
    معجبنيش خامته وكشله حسيت إني ماسكة جهاز صيني مقارنة بخامات النوكيا فاللوميا أفضل بمراحل كتير

    مميزات اللوميا عن تجربة :

    شكل شيك وخامات صنع نضيفة

    جهاز سريع ومفيش أى تهنيج طوال فترة إستخدامي مابين نت وجيمز

    سريع جدا في التصفح

    شاشة ألوانها ممتازة جدا

    الكاميرا مستواها متوسط

    الصوت جيد ومرتفع

    ستور ويندوز : مليان برامج وجيمز زى مانت عايز

    شاشة كبيرة 4 إنش مناسبة للتصفح وفي نفس الوقت الجهاز مش ضخم بشكل مستفز

    البطارية : نفس مستوى الأجهزة التانية بتصمد من 12- 36 ساعة حسب إستخدامك يعني في أيام بتصفح نت وجيمز كتير مش بتكمل معايا وبتحتاج تتشحن وفي أيام مش بستخدم الجهاز غير بسيط في شوية نت ولو بتابع أخبار قعدت معايا يوم ونص تقريبا

    العيوب:

    برامج زى الواتس والفيس بوك التنبيهات الخاصة بها لما حد يكلمك بتتأخر وساعات مش بتوصل وده بسبب إن الإصدارات الحالية الخاصة بنظام ويندوز لسة محتاجة تعديلات وكل فترة بينزل تحديث لمعالجة الأمور ده

    العيب التاني إنك عشان تعمل بلاي ليست لملفات مسموعة لازم تعملها على البي سي وبعدين تنقلها للموبيل

    دول العيبين اللي واجهوني في الجهاز غير كده مقارنة بتمنه هو ممتاز

    بالنسبة لتعليقك السابق بخصوص إنك محتار بين الجهاز ده والهواوي ، ده يرجع لإحتياجاتك يعني انا مثلا مش بصور كتير وماليش في برامج وجيمز أوي كل اللي يهمني موبيل شيك ومش مستخدم كتير ويكون صوته كويس وشاشته كبيرة عشان كده أخدت اللوميا ، لكن إنت لو شايف إن إمكانيات الهواوي مناسبة ليك أكتر وخبرات الناس اللي اتعاملت بتقول كويس يبقى توكل على الله وإشتريه وبالنسبة لنقطة الأندرويد والتجديد ، عادي زى مابنغير اللاب توب أو بي سي ماحنا بنستخدم نفس الويندوز بس بنحس بتغيير في الإمكانيات اللي بيقدمها الجهاز وشكله وهكذا ، فأنت كمان هتمسك جهاز جديد أعلى من اللي معاك وهتحس بتغيير في مميزاته الجديدة ،

    ربنا يهديك للأصلح إن شاء الله وإستخير ربنا وإنت نازل تشتري وهيهديك للأصلح بإذن الله




  • 2013-07-15 (03:49:17AM) Nokia Lumia 520

    أنا كنت محتارة زيك وكمان كان فيه جهاز ال جي في نفس الرينج السعري أندرويد وفلاش لكن لما روحت أشتري ومسكت الجهازين في ايدي اخترت النوكيا لوميا الجهاز شكله شيك جدا وخامات الصنع باين عليها انها محترمة ، الجهاز رائع جدا في تصفح الإنترنت صوت عالي وألوان شاشة حلوة أوي ، لكن مشكلته الرخمة ان نظام الويندوز لسة الدعم الخاص به مش بقوة الأندرويد يعني مثلا عندك التنبيه برسايل الواتس أب والفيس بوك بيتأخر وساعات ميجيش وده عيب في النسخ الخاصة بالويندوز ، والمشكلة التانية الوحيدة هى انك متقدرش تعمل بلاي ليست مباشرة من الجهاز للملفات لازم تعملها من الكمبيوتر وتنقلها للجهاز ، بس لكن غير كده الجهاز لذيذ وشيك جدا وشاشته كبيرة


  • 2013-07-15 (03:44:32AM) Nokia Lumia 520

    تمام شكرا جزيلا يامصطفى هنزله وأجرب إن شاء الله يشتغل


  • 2013-07-14 (11:47:14AM) Nokia Lumia 520

    استفسار تاني حد عنده فكره ازاى اوصل الموبيل بالكمبيوتر ، نزلت بي سي سويت وبيطلعلي الرسالة ده

    the phone is not in pc suite usb mode


  • 2013-07-14 (10:57:38AM) Nokia Lumia 520

    فعلا كان فيه مشكلة في الستور بس خلاص إتحلت


  • 2013-07-14 (10:50:38AM) Nokia Lumia 520

    شباب عندي مشكلة عايزة اعمل بلاي ليست للأغاني المفضلة في نوكيا لوميا 520 بس مش عارفة كل مرة بتنزلي كل الأغاني اللي على الجهاز ، هل فيه طريقة لإعداد بلاي ليست بأغاني معينة أو برنامج أركبه يحل المشكلة ده


  • 2013-07-14 (10:47:57AM) Nokia Lumia 520

    تقدر تنقلها عن طريقة أب إسمه Transfer my data


  • 2013-06-30 (05:02:28AM) Sony Xperia TX

    أستاذ حسام ليه حضرتك خرجت أكرو إس من المنافسة ؟ عشان مشكلة التصوير ولا حاجة تانية؟ تفتكر مش ممكن تتحل بتحديث نسخة الجيلي الجديدة ؟ ، انا بالظبط زى أستاذ أحمد محتارة بين التلات أجهزة دول وبميل أكتر للتي أكس عشان صوته أفضل من الفي ، كنت عايزة أسألك بخصوص الأسعار سمعت ممكن ترخص بعد شهر سبعة هل ده صحيح ؟ وكمان موضوع السكرين بروتيكتور وجرابات للأجهزة هل عندك فكرة إذا متوفرة ولا لأ ؟


  • 2013-06-29 (06:25:48AM) Sony Xperia acro S

    السلام عليكم ، عندي شوية اسئلة بعد إذنكم ، إيه أخبار الموبيل بعد التحديث هل تم حل مشكلة التصوير ؟ الحقيقة محتارة مابين الجهاز ده وجهاز إكسبيريا تي إكس ، لكن مشكلة الموبيل ده حسب ماقريت التصوير فيه مشكلة ومنتظرة أعرف لو هتتحل بالتحديث الجديد لجيلي بين
    هل السكرين والجرابات والحاجات ده متوفرة لأجهزة سوني ولا مش هقدر ألأقيها بسهولة ؟ وهل الجهاز متوفر بفروع فودافون لو حد عنده فكرة أكون شاكرة جدا


  • 2013-06-24 (03:12:31AM) Sony Xperia sola

    أستاذ shin545

    متشكرة جدا جدا الموبيل فعلا واضح انه ممتاز جدا ومنافس قوي لجلاكسي اس ثري من ناحية الإمكانيات ، من الناحية العملية حضرتك جربته ؟ ورأيك أشتريه من كارفور ولا منين ؟ لأني بصراحة ماليش خبرة في الأجهزة فعايزة مكان مضمون وايه نوع الضمان اللي بيكون معاه ؟ يعني كأنك إنت رايح تشتريه وقولي اتصرف ازاى ومتشكرة جدا مقدما


  • 2013-06-23 (11:37:26PM) Sony Xperia sola

    كمان هل تقترحوا عليا أشتريه من موبايل شوب ولا من الشناوي عادي في إسكندرية ؟ وفيه كمان سوق دوت كوم ؟


  • 2013-06-23 (11:36:30PM) Sony Xperia sola

    أستاذ ArchieDeacon ، متشكرة جدا لذوقك وإهتمامك ، إقتراحك ممتاز وكنت فعلا بقارن بينه وبين LG OPT L9 ، بس عيب الأل جي ان إكسسوارته مش متوفرة على عكس السامسونج حاليا مغرقة السوق المصري ، طيب هل حضرتك إستخدمت الجلاكسي وهل نسخة الجيلي عليه مفيهاش أى مشاكل ؟


  • 2013-06-23 (11:28:49PM) Sony Xperia sola

    أستاذ ellithy متشكرة جدا لحضرتك على الإفادة بتجربتك الواقعية بالظبط ده اللي كنت ببحث عنه تجربة واقعية بعيدة عن المواصفات والأرقام المعلنة ، ممكن أنتظر إن شاء الله مش مشكلة لو فعلا حاجة أحسن مش عارفة لوعندك خبرة بموديلات تانية ولا لأ كنت بفكر في LG OPT L9 بسبب شاشته الكبيرة


  • 2013-06-23 (12:06:59PM) LG Optimus L9 P768

    السلام عليكم

    عايزة أعرف رأيكم في الجهاز وسرعة تصفح الإنترنت ، لأن الحقيقة أكبر ميزة أساسية ببحث عنها هى جهاز له شاشة كبيرة وخفيف في التصفح لأن هتابع عليه شغل وإيميلات وكده ، وكمان يكون شكله حلو وصوته وميوزيك حلو ، كنت محتارة بينه وبين Sony Xperia Sola بس بعد ماقريت ريفيوهات بدأت اقتنع أكتر ب LGL9 عايزة رأيكم من واقع تجربة أتوكل على الله وأشتريه ؟

    أنا من إسكندرية أشتريه من الشناوي أحسن ولا من موبيل شوب ؟ أو إيه أفضل مكان أشتريه منه ومفروض يكون ضمانه إيه ومعاه إيه وكده لأني هنزل أشتريه لوحدي

    شكرا جزيلا مقدما


  • 2013-06-23 (10:56:28AM) Sony Xperia sola

    عايزة رأيكوا بخصوص التليفون ده من واقع تجربة فعلية ، أنا طلباتي جهاز يكون سريع في تصفح النت لأن هتابع عليه شغل وبريد اليكتروني وكده وطبعا الشاشة تكون كبيرة قدر الإمكان ، ثانيا يكون شكله حلو وصوته في الميوزك حلو ،

    هل رأيكوا الجهاز ده مناسب للمواصفات المطلوبة ده ولا فيه جهاز تاني في نفس الرينج أو اعلى حاجة بسيطة يقدم المواصفات ده وياريت لو اقتراح يكون من واقع خبرة وتعامل شخصي

    متشكرة جدا مقدما