mous6fa

احدث المشاراكات

• 2013-11-24 (08:32:05PM) HTC ChaCha

  حبيت أضيف تقييم جديد بعد إستخدام 6 شهور ...
  الفون بجد رائع جداً وأنا راضي عنه تماما .. أداء البطارية أتحسن كتير بعد تخفيض سطوع الشاشة .. كل شىء يعمل على ما يرام ... الواتس أب والفايبر والفيسبوك والسكايب والياهو وكل برامج التواصل الإجتماعي تعمل بكل قوة وعلى ما يرام ..
  العيوب ... الشاشة صغيرة ولا تصلح للألعاب .. إصدار الأندرويد قديم ومش هتقدر تستخدم الـ BBM للأسف الشديد .. مشكلة الذاكرة الداخلية مستمرة ولكن بتعايش معاها ..
  فى إعتقادي لو الـ BBM نزل للإصدارات القديمة من الأندرويد فبكل تأكيد جهاز Chacha هيضرب البلاك بيري بعرض الحائط ..

---

• 2013-11-08 (03:30:31AM) HTC ChaCha

  هجاوبك بإختصار ..
  الموبايل ده محترم جداااا ومعايا دلوقتي بقاله 6 شهور من الزيرو .. مش هقدر أقولك كل مميزاته لإن إمكانياته كتير بجد .. من وجهة نظري أكبر ميزة فيه وجود لوحة المفاتيح زي البلاك بيري .. لوحة المفاتيح ميزة رهيبة جدااا للناس اللى بتحب تكتب بزراير مش تاتش على برامج الواتس والفايبر وبرامج الشات ... وكمان وجود كاميرا أمامية بحيث تقدر تعمل شات صوت وصورة ..
  العيوب : بطارية ضعيفة كالعادة زي معظم الموبايلات اللى بالأندرويد .. إستقبال الشبكة ضعيف وسيء للغاية .. ذاكرة داخلية حوالي 150 ميجا من أصل 512 وبالتالي هتتخنق ومش هتعرف تنزل برامج أو ألعاب كتير .. وكمان الشاشة صغيرة جدااا ومش هتنفع للألعاب خالص ..
  بإختصار شديد الموبايل زي اي موبايل بيكون فيه مميزات وعيوب .. مميزاته بالنسبالي بتعوضني عن عيوبه ومخلياني مستمر فى إستخدامه .. ومتهيألي سعره مناسب جدااا للإمكانيات اللى فيه ..

---

• 2013-07-22 (09:17:27PM) HTC ChaCha

  eslamesso255 .. متشكر جدااا حضرتك
  
  thelord ... صوت السماعة الخارجية واطي ولكن نقي .. بالنسبة للسرعة والأداء كويس وكل البرامج شغالة عليه بكفاءة عالية بدون أي مشكلة .. والأنترنت عليه تحفة والواتس أب والفايبر .. ولكن مشكلته الحقيقية البطارية .. يعني حسب إستخدامك .. ممكن تقعد من يومين لـ 4 ساعات .. إستخدامك هو اللى بيحدد إستهلاكها ...

---

• 2013-07-15 (08:39:30PM) HTC ChaCha

  أنا أشتريت الفون ده من شهرين ونص وكنت قولت إنى هرجع أعمل تقييم بعد الإستخدام ...
  دلوقتي أقدر أتكلم عن مميزات وعيوب الفون بكل أمانة ...
  المميزات : سمارت فون بكل ما تحمله الكلمة من معانى .. إمكانيات فذة وتواصل دائم مع الجميع سواء عن طريق الفيسبوك أو الفايبر أو الواتس أب .. الـ GPS أكتر من ممتاز .. جهاز ذكي لأبعد الحدود ..
  العيوب : بطارية من أسوأ مااااااااا يكون .. دلوقتي أنا قافل الـ 3G ولكن الـ WiFi شغال ع طوووول .. الشحن بيخلص فى خلال يوم واحد فقط لو بتكلم شوية ع الفايبر أو الواتس ومعملتش مكالمات !!! إنما فى حالة المكالمات فممكن أشحنه مرتين فى اليوم !!!!!!!! طبعا ده شىء محبط جداااا وأوقات بيفصل الشحن لما أكون بره البيت ونسيت أشحنه بليل ...
  الشبكة والإستقبال من اسوأ ما رأيت فى حياتي كلها ... الشبكة ع طووول بتقع والصوت بيقطع وحاجة بجد نكد .. يمكن الإستقبال بيتحسن ف الشارع لكن لو مكان مقفول ممكن الشبكة تسقط بالكاااااااااامل مع العلم إن معايا موبايلات تانية بنفس الشبكة وبالرغم من كده قوية جداااا ومش بتسقط ولا الصوت فيها بيقطع ...
  المساحة الداخلية .. ناس كتير حلت المشكلة عن طريق الرووم والرووت ولكن أنا شخصيا متعايش مع الوضع القائم بدون أي تعديلات لإني مش حاطط غير الواتس والفايبر وشوية خلفيات متحركة وخلاص ...
  بكل أمانة .. عيوب الفون مش هتحسسك بمميزاته .. أنا عندي إحباط شديد من العيوب دي .. مميزاته تستاهل الفلوس اللى دفعتها فيه .. ولكن عيوبه لا يمكن التغاضي عنها ...
  بإختصار شديد .. لو حضرتك بتعمل مكالمات كتير أو بتكون بره البيت كتير يبقى مش هينفعك الفون ده خاااااااااااااااااااالص ..
  إنما لو عاوز سمارت فون أندرويد وكمان كي بورد مع التاتش وعاوز تعمل Chat ع الواتس والفايبر والفيسبوك يبقى ده أنسب إختيار ..

---

• 2013-05-06 (01:21:01AM) HTC ChaCha

  الحمدلله أشتريته من موبايل شوب وكان عامل هناك 1111 جنيه + هدية عبارة عن خط فودافون مميز (01000) كنترول 40 فيه 1000 دقيقة لفودافون .. وأخدت ضمان إستبدال 14 يوم من موبايل شوب + ضمان سنة من الوكيل جوفي ترونيكس ..
  وإن شاء الله بعد أسبوع من الإستخدام هعمل تقييم هنا ع الصفحة يمكن يفيد الناس اللى بتفكر تشتري الجهاز ده ..

---

• 2013-05-05 (03:38:22PM) Motorola Pro+

  عموماً لما أخدت قرار إنى أجيبه من موبايل شوب لقيته خلص من كل الفروع ومش عارفين هيجي تاني اساسا ولا لأ .. بعدها بيومين أتكلت ع الله وجبت HTC Chacha .. الجهاز بـ 1111 جنيه وعليه خط فودافون هدية 01000 وعلى نظام كنترول 40 وعليه 1200 دقيقة مجانية !!!!! ^_^
  

---

• 2013-04-30 (11:05:12PM) Samsung C6712 Star II DUOS

  هنقل لحضراتكم تجربتي مع الموبايل ده لمدة شهرين تقريباً ..
  بإختصار شديد الموبايل مفيهوش غير 3 مميزات فقط لا غير : بيشغل خطين فى نفس الوقت - صوت سماعة التحدث فى المكالمات ممتاز وواضح جدااااااا - بطارية جباااااااااااارة بتدوم بين 3 لـ 5 أيام متواصلة مع المكالمات والأنترنت ..
  بخلاف المميزات السابق ذكرها لا أجد أى مبرر لشراء الموبايل ده بالفعل .. يعني لو مش محتاج المميزات السابق ذكرها يبقى مش هيفيدك تشتري الموديل ده ..

---

• 2013-04-30 (10:59:29PM) Nokia X3-02 Touch and Type

  أنا هقول رأيي بخصوص الفون ده بعد إستخدام سنة ونص وندمان إنى بعته ..
  أولاً: المميزات :
  الهيكل الخارجي معدني وأنيق ويتحمل الإستخدام الشاق والصدمات
  صوت السماعة الخارجية واضح ونقى وعالي
  الشاشة صورتها ممتازة وإستجابة التاتش جيدة
  الكاميرا كتصوير فوتوغرافي معقولة بما إنها 5 ميجابيكسل ... إنما الفيديو مقبول
  توافر العديد من الإكسسوارات للموبايل بسهولة
  متوافق مع برنامج Ovi بشكل ممتاز .. ويقبل تحديثات النظام
  ثانياً: العيوب:
  بطارية ضعيفة نسبياً وخصوصا مع المكالمات .. يعني لو هتعمل مكالمات كتير يبقى هيكمل معاك يوم ونص .. من غير المكالمات ممكن يوصل يومين ونص فقط
  إشارة الـ wifi سيئة جداااااااا وبتفصل أثناء التصفح
  برامج Whatsapp & Viber أدائها سىء للغاية على الموبايل ده لإنه S40 ويعتبر من اسوء أنظمة التشغيل وبتهنج أغلب الوقت
  مش هتلاقي برامج ولا ألعاب تثير الإهتمام تشتغل مع الموبايل وهيصيبك الملل مع الوقت
  ولكن ف النهاية أنا ندمان إنى بعته لإنه تصميم رائع وهيكل ممتاز وكمان قطع غياره وإكسسواره متوفرة .. ده غير إنه رفيع جدااااااا وحجمه مميز .. وللأسف الشديد أغلب الموبايلات الأندرويد هيكلها ضعيف لأبعد الحدود ... بعكس الموبايل ده اللى بعتبره حديد فى حديد :)

---

• 2013-04-30 (10:43:31PM) Motorola Pro+

  أنا عديت ع موبايل شوب عندي ف الهرم وسألت عليه ولقيته بـ 999 جنيه ولكنه مش موجود ف الفرع .. وقال لو أنا عاوزه هسيب أى مبلغ ع سبيل الحجز ويبعت يجيبه ف خلال 3 أيام .. وسألته ع واقي للشاشة وبكل بساطة الموظف هناك قال إنه هيوفق أى واقي ع مقاس الشاشة ويقص الزيادة !!! وبالنسبة للجرابات مفيش ...
  بس سؤال تاني حضرتك .. الموبايل خامة الهيكل بتاعته أخبارها ايه ؟؟ يعني بلاستيك يتحمل الصدمات والسقطات زي النوكيا E5 مثلا ولا مع أول وقعة هترحم عليه !!! لإن بصراحة أنا عندي استعداد أضحي بإمكانيات البرو بلاس والأندرويد اللى فيه مقابل متانة وقوة تحمل نوكيا E5 اللى عاجبني اوووي برضو .. فياريت حضرتك تديني تفاصيل أكتر عن قوة الهيكل بتاعه :)
  وعلى فكرة أنا قريت الكومينت بتاعك ع موقع gsmarena.com اللى كتبته بالمايك :)

---

• 2013-04-27 (07:52:47PM) Motorola Pro+

  معلش حضرتك عندي سؤال ضروري جداااااااااا ... هو الكيبورد بتاعته متعربة ولا لأ !!! يعني عليها حروف عربي مع الأنجليش ولا من غير تعريب وهنقضيها فرانكو !!! ^^
  وأخبار البطارية ايه !!!!!

---