بدور علي ايه؟ اكتب رقم موديل الموبايل الابدور عليه
semsempasha
احدث المشاراكات
-
2014-04-02 (07:41:52PM) Sony Xperia Z
MadaArt أنا جبته من محل الونش في الدقي ادام بدر الدين في شارع التحرير...وآسف على التأخير في الرد لظروف خارجة عن إرادتي..وعموما يا صاحبي أنا عايز ابيعه لأني حنيت للسامسونج تاني..لو ناوي تشتري كلمني 01211992717
-
2014-04-02 (07:36:53PM) Sony Xperia Z
الأبديت تحفة ..وصلح عيوب كتير في الجهاز..توكل على الله ونزله
-
2014-04-02 (07:36:09PM) Sony Xperia Z
أشكرك يا أم يوسف على مجاملتك الرقيقة.. انتي سباقة بالخير والتميز..وآسف على التأخير في الرد عشان ظروف العمل... هو فعلا الجهاز جميل بس انا حنيت للنوت 2 تاني..بفكر والله ابيعه واشتري النوت 2...نتي ايه رأي حضرتك؟
-
2014-03-28 (07:41:16PM) Sony Xperia Z
مبروك عليك الجهاز يا صديقي..بس على فكرة كده تمنه غالي حبتين، انا اشتريته ضمان دولي ب 3200 من الدقي
-
2014-03-27 (05:15:38PM) Sony Xperia Z
السلام عليكم..انا اشتريت التليفون ده وأحب انقل لكم ملاحظاتي ورأيي كمستخدم عادي مش كخبير او محترف.
أولا سبب اتجاهي للسوني اني كان معايا سامسونج نوت 2 وكان عاجبني جدا ومريحني، بس اضطريت اغريرله التاتش وبعدين وقع مني والشاشة الداخلية اتكسرت، فبالتالي قلت مش هصلحه واشتريت السوني Z عشان المتانة والتحمل.
شكل التليفون جميل وانيق- التاتش سريع ورائع والتليفون خفيف جدا ومش بيهنج- الألوان هادية ورايقة ولكن مش بنفس درجة سطوع النوت 2(بس لذيذة جدا)ز
صوت التليفون مش عالي بس منقدرش نقول واطي، يعني هو مسموع وكويس، وبالسماعة في الأغاني بيبقى الصوت رائع.
الكاميرا بعد التحديث لنسخة 4.3 بقت تحفة وتكاد تقارب كاميرا النوت 3 ولكن كنت متوقع انها تكون افضل من كده وخاصة انها من سوني، بس فيها عيب خطير، لما بصور بالفلاش بتطلع الصورة غريبة وغامقة، بس من غير فلاش بتبقى حلوة جدا..وحاولت اعمل تظبيط مانوال بس مش نافع معايا..يعني بوجه عام الكاميرا كويسة بس مع بعض التحفظ.
الشاشة بتسيب علامات مكان الصوابع وبيكون أثر الصوابع واضح اوي..ودي مكنتش موجودة في النوت 2 خالص.
البطارية مقبولة نوعا ما، مع الاستخدام الخفيف تقعد معاك يوم تقريبا وبالنسبة للشحن بيثعد حوالي ساعتين (اما النوت 2 البطارية كانت اقوي وفي نفس الوقت بتستمر أكتر.
من الاخر التليفون معقول مش وحش، بس انا كنت مرتاح مع النوت 2 للاسباب اللي قلتها..يتفوق ال Z فقط في المتانة وقوة التحمل.
حبيت بس انقل لكم ملاحظاتي..وتقبلوا تحياتي -
2014-03-06 (10:45:19AM) Sony Xperia E dual
كريم انا ممكن لسرعة البيع اعرضه على 750 بس اقل من كده هيبقى صعب..وانا عايز ابيعه عشان اجيب نوت 3 ان شاء الله فمحتاج فلوس بس مفيش نية للبدل..تحياتي
-
2014-03-05 (10:24:59AM) Sony Xperia E dual
سوري يا جماعة ..انا جيت اكتب 800 كتبت 900..معلش خطأ مطبعي :)) يعني الموبايل انا عارضه على 800
-
2014-03-04 (08:12:42PM) Sony Xperia E dual
انا ببيع الموبايل ده استعمال شهرين فقط كالجديد بالضبط بدون ولا خدش (كسر زيرو) ومعاه كل حاجته (العلبة والسماعة والشاحن والضمان) ومتركبله سكرين بروتكتور وجراب من اول يوم ..السعر 900 جنيه..للاتصال 01211992717
-
2014-02-21 (05:56:48PM) Sony Xperia Z1
marcelomedo - OnlyOne2013- MetaEb اشكرم على التوضيح يا جماعة..اصلي بصراحة بفكر اجيبه فعلا لكني ما زلت متردد بينه وبين النوت 3 :(
-
2014-02-21 (05:34:51PM) Sony Xperia Z1 Compact
بس انا شفت في اكتر من موقع يا احمد محدش جاب سيرة ال Z1 compact
-
2014-02-20 (02:23:10PM) Sony Xperia Z1
أحمد بشكرك على الصفحة اللي انت بعتها..بس انا قريت فيها انا عيوبه انه قدرات الصوت مكبرات الصوت تحت المتوسط..ده معنته انا الصوت واطي؟ الحاجة التانية البطارية لا يمكن ازالتها أو تغييرها، ممكن توضيح للنقطة دي، ولو حصل عيب في البطارية يبقى كده الموبايل باظ؟ :) برجا التوضيح مع الشكر :)
-
2014-02-20 (09:45:25AM) Sony Xperia Z1 Compact
تسملي يا وليد باشا ومتشكر جدا على ذوق واهتمام حضرتك
-
2014-02-19 (09:53:17PM) Sony Xperia Z1 Compact
طيب يا استاذ وليد هو الكومباكت بردو هينزله كيت كات؟ هل دي معلومة اكيدة؟؟ وشكرا لاهتمام حضرتك
-
2014-02-19 (03:42:52PM) Sony Xperia Z1 Compact
السلام عليكم جميعا.. اولا ليا طلب وعندي سؤال
الطلب ان لما حد يعرف ان الموبايل ده نزل ياريت يقولنا
السؤال بقى: مكتوب هنا ان ده هيتحدث لنسخة الكيت كات، طيب يا ترى ال Z1 هيتحدث بردو ولا واقف عند الجيلي بين؟
جزيل الشكر لكم -
2014-02-15 (11:23:14PM) Samsung Galaxy Note II N7100
استاذ hardtime اشكرك يا باشا على الاهتمام والرد..بس كان نفسي فعلا اعرف ايه المشكلة عشان محجش يشتغلني..وكمان مش عايز اوديه التوكيل عشان مينسحوش اللي عليه..فلو حد يعرف محل صيانة مضمون وأمين أكون شاكر ليكو جدا
Sony Xperia Z