بدور علي ايه؟ اكتب رقم موديل الموبايل الابدور عليه
Atticus
احدث المشاراكات
-
2012-09-30 (09:13:52PM) Motorola FIRE XT311
استخدمت الموبايل ده فترة و بعدين اتخنقت منه و أديته لأختي، عيوبه زي ما ذكرتوها بيهنج و أحيانا يعمل ريستارت. مش بتاع أن يتحمل عليه برامج كتير علماً بأني مبحملش لا ألعاب و لا أي حاجة تقيلة اصلاً، يدوب أنتي فيروس و ابليكيشن أو 2 بالكتير !
من أكتر الحاجات اللي خنقتني فيه رغم تفاهتها أن الكي بورد تصميمها رخم و مش مريح للكتابة - الصوت ضعيف إلى أبعد الحدود و كمان مكان السماعة فيه بيخلي الصوت مكتوم جدا لما بسيبه على المكتب. أحيانا أثناء التصفح أو تشغيل الميديا يتصل احد و التاتش يهنج و معرفش أرد :( - و حتى الفيبريشن ضعيف جداً ميتحسش بيه. بالمختصر حسيت إني عملت مقلب في أختي لما أديته لها. -
2012-09-30 (07:01:24PM) Motorola MOTOKEY Mini EX109
تصدق كتبت لك الرد مرتين و تقريباً متبعتش:
بالمختصر:
مميزات:كي بورد مريحة جداً - حجم صغير جداً - متين جداً ..خد له كام رزعة على كام هبدة في الشغل و ر غم كدة قايم بالواجب و زيادة.
عيوب: عدد حروف اسم المتصل محدود(مينفعش تكتب اسم زي عبد القادر عبد الخالق مثلا لأنه طويل)- لا يمكن تغيير نغمة الرسائل إلا بالموجود بالموبايل(عيب بالنسبة لي على الأقل- كل ما تضغط لفتح ملف لازم قائمة بالخيارات فتح او فرمته...ألخ و طبعاً ضغطت لي مرتين كدة فرمته و ضيعت حاجات !
الصوت : عالي نوعاً ما في الرنين - مش نقي في المكالمات و الأغاني السامسونج و النوكيا أجدع.. وضع السماعة الخارجية في خلفية الموبايل من أسفل بيكتم صوت الرنين و الأغاني نوعاً ما حالة وضعه على مكتب أو أي سطح.
الشريحتين بيشتغلوا سوا و لكن واحدة بتفصل لما تيجي على التانية مكالمة - لكن في أغلب الوقت بستخدمه بخط واحد فقط
النت ..مستخدمتوش كتير لكن نوعا ما سريع بس اعتقد هتحتاج تحديث للمتصفح ، و إن كان مع تويتر يغيظ فعلاً.