بدور علي ايه؟ اكتب رقم موديل الموبايل الابدور عليه

waleedsunny

waleedsunny

اخر زيارة:
تاريخ الاشتراك: 2012-03-24
عدد التعليقات: 1358
الدولة: مصر

احدث المشاراكات

  • 2016-12-04 (07:55:06AM) Samsung Galaxy A7 - 2016

    مبروك عليك
    هو في خاصية الشحن السريع وده الوقت الطبيعي لشحنه
    والجهاز مافيهوش لمبة اشعارات اصلا
    وصوت الاشعارات من الضبط ثم الصوت ثم صوت الاشعارات


  • 2016-04-11 (08:43:34AM) Samsung Galaxy J7

    وعليكم السلام
    كان علي اليوتيوب مقارنه بينه وبين ال 7010 وبين ال gr5
    وكانت النتيجه ان اعلي اداء كان ال j7
    وماينفعش اقارن شاشه سوبر اموليد بشاشه ips مهما كان اختلاف ppi طبعا السوبر اموليد افضل بكتيير
    ال 7010 يتفوق عشان
    الذاكره
    البصمه
    سنسور اضاءه الشاشه
    سنسور البوصله و سنسور الجيروسكوب
    صوت اعلي بكتيير
    لو الحاجات دي مهما بالنسبه ليك توكل علي الله وهاته
    لكن انا بصفه شخصيه برده بفضل j7 وده رأي وراحه نفسيه فقط


  • 2016-03-15 (06:36:58AM) Samsung Galaxy A7 - 2016

    طبعا فرق كبير في السعر والمواصفات
    وعدسه وخصائص كاميرا ال A7 2016 طبعا اعلي وافضل
    وفرق اداء البطاريه شاسع بمعني الكلمه
    ال A7 2016 يقارن بالاس 6 او النوت 4
    لكن ال c5 طبعا اقل
    ال c5 ميزته في الكاميرا الاماميه والفلاش الامامي
    غير كده A7 2016 يتفوق عليه فيىكل شئ
    بس ياريت تستني شويه لما الاسعار تنزل يكون افصل


  • 2016-03-04 (11:08:12PM) Samsung Galaxy A7 - 2016

    بصراحه مش عارف النسخه الموجوده في مصر بتدعم ولا لأ بس كنت تواصلت مع استاذ فاضل وكان معاه الجهاز بضمان محلي وكان نفس رقم الموديل والامكانيات بالظبط - فاتقريبا ان شاء الله بيدعم الجيل الرابع النسخه الموجوده في مصر


  • 2016-03-04 (01:47:41PM) Samsung Galaxy A7 - 2016

    الشكر لله
    الضهر بلاستيك لكن من شدة نقاءه وخامته الممتازه تفتكره زجاج وعشان كده نزله في الخارج اسكرينه وش وضهر زي نظام السونى والايفون
    البصمه في هواوي ولينوفو زي بعض فيهم حوالي 10 استخدامات
    زي فتح الجهاز - الرد علي وغلق المكالمه - التقاط الصور او الفيديو - تنزيل قائمة الاشعارات - او اظهار التطبيقات المفتوحه - وحاجات تانيه مش فاكرها عشان كان معايا ال GR5
    البصمه في سامسونج لفتح شاشه القفل - او فتح الايميل - فتح حسابك عل سامسونج وده بسبب اهمية الحاجات دي فقط من وجهة نظر سامسونج


  • 2016-03-03 (10:02:03AM) Samsung Galaxy A7 - 2016

    الجهاز في مصر للاسف سعره عالي جدااا
    وده عيب تسعير مش عيب موبايل
    انا اشتريت الجهاز ب 3300 مصري من السعوديه قبل ماسعر الريال يعلي اليومين دول
    لون نحاسي ممتاز جدااااا
    مميزاته
    بيقبل شريحتين بالاضافه لكارت ميموري
    شاشه سوبر اموليد عليها طبقه حمايه وجوده في الالوان والاضاءه
    فيه سنسور بوصله واضاءه
    في خاصيه OTG
    فيه خاصيه NFC
    فيه خاصيه OIS للكاميرا ودي اول اجهزه استخدمتها كانت الايفون ودي بتسمح بصوره جيده في الاضاءه الضعيفه شويه وكمان تقليل الاهتزاز اثناء التصوير
    في حساس بصمه 360 درجه لفتح قفل الشاشه ولحساب الايميل ولحسابك علي موقع سامسونج
    ذاكره الجهاز 16 المتبقي منهم حوالي 9.5
    الرامات 3 لكن بالظبط 2.75 جيجا والمتبقي منهم في المتوسط 1.5 جيجا
    تصميم سماعه الجهاز من اسفل زي النوت 3 والنوت 5 بالظبط
    اطار الجهاز من المعدن بالكامل
    ضهر الجهاز من ماده بلاستيك لكن تحس انها زجاج
    نزله في الخارج اسكرينه وش وضهر زي سوني كده
    تصميم الجهاز متقارب بنسبه 95% من النوت 5 حتي انا مركبله جراب نوت 5 ضهر مؤقتا لحين نزول جراب اصلي ليه
    وبخصوص الاسكرينه فدي مشكله لان شاشه الجهاز فيها انحاء من الاربع حواف فاصعب انك تركب اسكرينه غير الاصليه
    طبعا الاداء ماشاء الله عالي جدااا وخاصه في استخدام النت 3 جي من اسرع الاجهزه اللي استخدمتها في ال 3جي بعد اجهزه سوني
    صوت سماعة المكالمات نقي وواضح وعالي
    صوت سماعه النغمات كويس بس يفضل تحط نغمات عاليه من عندك لو انت موجود دايما في مكان دوشه
    الجهاز بيدعم شبكات الجيل الرابع
    شرحتين الجهاز نوعيه نانو
    البطاريه غير قابله للازاله
    ومن المميزات الجامده هي اداء البطاريه في الجهاز ده مقارنه ب A7 2015
    بيقعد معايا نت 3جي متواصل حوالي 10 ساعات ولو واي فاي حوالي 12 ساعه
    ومافيش ادني سخونه او لاج او تقل
    وبيجي مع الجهاز شاحن بيدعم الشحن السريع
    بحيث ان اول 50% بيتشحنوا في حوالي 35 دقيقه
    والجهاز بيتشحن بالكامل في حوالي 1.25 ساعه
    الجهاز نازل معاه برنامج اوفيس كامل ورد واكسل وباور بوينت
    اداء الكاميرا ممتاز وسريع سواء الخلفيه او الاماميه
    الجهاز بيدعم تحميل سيمات بتغير كل شئ في الموبايل من حيث الشكل والالوان والايقونات والفونت كمان
    من عيوب الجهاز في رأي
    سعر مبالغ فيه في مصر
    مافيش لمبه اشعارات لكن فيه اشعار بالصوت فقط
    مافيش خاصيه تصوير 4K
    المفروض كان ينزل باندرويد 6 مارشيملوا عالطول
    كان المفروض جهاز بالمواصفات دي ينزل بذاكره 32 مع انه بيدعم كارت ميموري
    كان المفروض اضافه اوبشن اكتر للبصمه زي موبايلات هواوي ولينوفو


  • 2016-02-08 (12:14:28PM) LG G3 Stylus D690N

    جوده الصوره افضل في gr5
    والتلاته كانوا معايا
    مانصحش حد انهارده بال g3 stylus
    عشان اصبح غالي جداااا علي مواصفاته انهارده ده لو موجود اصلا
    الافضل من التلاته
    لو بندور علي جوده الشاشه واداء البطاريه ودقة الكاميرا يبقي سامسونج j7


  • 2015-09-26 (01:13:21PM) Samsung Galaxy J7

    وحضرتك طيب وبخير
    طبعا مايجيش من بعد خبرتك بصراحه ومشكور علي الرد علي استفسارات الاعضاء
    وصدقني في الاخر بعد استخدام شهر بتلاقي كل الموبايلات واحد لان الواحد بيكون خلاص اتأقلم مع الجهاز
    وربنا يوفق الجميع للخير ان شاء الله


  • 2015-09-24 (01:34:11PM) Samsung Galaxy J7

    هاقول لحضرتك اختيارات
    لو محتاجه خط واحد وجهاز قوي جدااااا ورامات 3 جيجا يبقي هواوي هونور 6 ب 2450ج
    لو محتاجه خطين وكارت ميموري وبطاريه قويه وجهاز سريع جداااا ونسخه اندرويد محترمه وحديثه واداء عالي جدا في الكاميرا وفلاش امامي كمان واعلي جوده شاشه وبيقرا من فلاشه ميموري بس صوته ضعيف شويه ولازم تحطي نغمات عاليه من عندك يبقي j7 ب 2200ج
    لو محتاجه جهاز مصغر من اوبشن وسوفت وير النوت 4 يبقي هاتي سامسونج e7 ب 2450ج بس ده مش بيقرا من فلاشه كمبيوتر وكمان بيشغل خطين من غير كارت ميموري او خط وكارت فقط ودقه الكاميرا اقل شويه من ال j7
    لو عايزه حاجه بسعر اقل وتعتبر نسبيا افضل من ال j7 و ال e 7 يبقي هاتي هواوي 4X ب 1800ج وكنت كاتب هنا في الصفحه بعد تقييمي لجهاز j7 ليه ال 4X يعتبر افضل بالتفصيل


  • 2015-09-24 (10:48:38AM) Samsung Galaxy J7

    اولا مبروك علي التليفون
    وماقصدش من كلامي ان اكره حد في تليفون او احبب حد في تليفون
    انا بقول تقييمي بما يرضي الله
    السؤال بتاع المقارنه من زمان قوي اتقال بين ال e7 اول مانزل وبين ال 820 ونصحت بال e7 وكمان في الخارج نصحوا بالe7 عن ال 820
    ونفس السؤال انهارده وبرده رأي المستخدمين نفس الرد ان 820 غالي جدااااا علي مواصفاته فيه عيوب سخونه وبطاريه متوسطه وكاميرا عاديه من حيث الجوده
    شركه HTC للاسف عامله زي شركه ال جي عايشين في الوهم ومش عايزيين يقتنعوا ان في منافسيين كتيير واقوياء علي الساحه حاليا متسببين في خسائر بالمليارات ليهم
    حضرتك لو اشتريتي مثلا جهاز هواوي 4X ب 1800ج هاتحلفي انه افضل من ال 820 مليون مره في كل شئ
    انهارده بلاش نمشي ورا الاسماء
    انهارده في موديلات وشركات مواصفاتها وسعرها وأدائها اعلي بكتييير جداااا من شركات لسه عايشه في الوهم


  • 2015-09-24 (10:39:04AM) Samsung Galaxy J7

    لو سمحتوا
    تدخل بسيط
    انتي مش عايزه حاجه بتسخن والسوني كله بجميع فئاته مشهور بالسخونه وده بسبب انه محكم جدا عشان موضوع انه ضد المياه اللي طلع في الاخر فشنك وياما حذرت الناس من سوني وان مواصفات علي الورق اكبر بكتيير من الاستخدام الفعلي والحمد لله طلع كلامي صح بعد مانشرت شركه سوني علي صفحاتها انها بتحذر المستخدمين من استعمال اجهزتها للماء بانواعه وانها غير مسئوله عن الاجهزه اللي يحصل فيها مشامل بسبب المياه وده بعد ما اتخرب بيتها بسبب ارتفاع نسب الصيانه بشكل غير متوقع لاجهزتها
    الحاجه التانيه بخصوص الكاميرا
    السوني اعليةاوبشن كاميرا موجود في العالم
    لكن الجوده متوسطه وبتستخدم ارقام ميجل بيكسل عالي زي عشرين وارقام اعلي لكن لما تقارن الصور بصور كاميرات تانيه اقل في البيكسل بكتيير بتلقيها متساويه
    خلينا في سامسونج حاليا او هواوي افضل لانهم هما المكتسحين حاليا علي الساحه
    وكل عام وحضراتكم بخير


  • 2015-09-22 (08:25:25AM) Samsung Galaxy J7

    اكسسواراته حاليا متوفره في جميع المحلات بدون استثناء واشكال وموديلات والوان وزي ما انت عايز
    محلات حماده الامير بتبيع الاكسسوارات النادره او للموبايلات اللي لسه نازله من اسبوع او اسبوعين مثلا وكمان مالوش في سامسونج قوي هو بيشتغل علي الماركات التانيه اللي اكسسوارتها قليله


  • 2015-09-16 (06:59:09PM) Samsung Galaxy J7

    كوبون الخصم حاليا 150ج
    الكود sep150
    وده صالح لحد يوم 9-20


  • 2015-09-14 (09:07:58AM) Samsung Galaxy J7

    اضغط هنا لزيارة الرابط


  • 2015-09-14 (09:04:48AM) Samsung Galaxy J7

    الموضوع ده حصل معايا مرتين لثواني
    بس قولت ان السبب ممكن يكون ان الكارت اللي معايا قديم جدا وكلاس 4 وبقاله اكتر من سنه ماعملتش ليه اعاده ضبط او فورمات