spikeygirl

احدث المشاراكات

• 2014-10-01 (11:11:16AM) LG G Pro 2

  استخدم كوفر موبايل ميجا 5.8 والاسكرين برضه لحد لما الموبايل ينزل مصر ان شاء الله

---

• 2014-09-30 (06:19:05PM) LG G Pro 2

  كوفر سامسونج ميجا اللي بشريحتين علي قده بالظبط ومكان الزراير ورا شغال كويس عشان انا جايبه الكوفر سيليكون خفيف والسكرينه برضه بتاعه الميجا والراجل بيقصهالي شويه من فوق，，لحد ما حاجته تنزل ان شاء الله

---

• 2014-09-30 (11:13:40AM) LG G Pro 2

  انا اسفه جدا يا جماعه اني مبعتش من فتره تقييم الجهاز زي ما وعدتكو بس ان شاء الله هقولكو علي كل حاجه ممكن تحبو تعرفوها عن الجهاز الوهمي ده
  اولاا انا جبت الجهاز من الامارات..في موقع حلو اوي عملت الاوردر اون لاين عاااادي جدا ووصل لبابا صاحبتي بعدها بيومين وجالي اليوم التالت..حاجه سهله خالص
  ثانيا نبدأ باحاجات المهمه : الشكل تحفه بمعني الكلمه，احلي من الصور ومسكته سهله وممكن اكتب عادي بأيد واحده وهو اصلا فيه اوبشن حلو اوي اني اضغرر الشاشه علي قدي وممكن اجيبها يمين او شمال (عاملين حساب الناس اللي بتكتب بالشمال)
  2) البطاريه هو انا مش عارفه هي كده حلوه ولا لا بس انا شغاله عليه تقريبا 10 ساعات لعب وفيس بوك واغاني ونت وبتعد معايا يوم，，بيتهيألي حلوه اوي علي حجمه ده
  3)الاوبشنز اللي فيه وهميه فعلا ممكن تشوفوها كلها في اي فيديو علي اليو تيوب بس اهم الحاجات اللي انا بحبها اني ممكن بحركه معينه اخلي اكتر من بيج مفتوحه كأنو ويندوز وبنفس الحركه افتحهم كلهم يباو ورا بعض واختار انا عايزه ايه
  3) الكاميرا تحفه وصورتها جميله اوي
  بصو من الاخر الموبيل فعلا جميل وكفايه انك تبأه ماسك حاجه مش مع اي حد مع ان مواصفاته رائعه
  الموبيل انا جبته ب 3800 نقريبا من علي الموقع اللي بقولكو عليه ده
  اي حد عايز يسأل اي حاجه انا في الخدمه

---

• 2014-06-09 (09:10:37AM) LG G Pro 2

  انا جبته من الامارات ب 2000 درهم تقريبا...هو طبعا ارخص عن لما ينزل بكتيييير بس برضه ضمان دولي
  التقرير هعملو مفصل بس لما اهرسه شويه :D
  مبدأيا هو تحفه التاتش بتاعه وهمي وشكله تحفه ومش متعب وانا ماسكاه
  التقرير قريبا ان شا الله

---

• 2014-06-04 (09:27:05AM) LG G Pro 2

  اخيرا جبته..والله كنت بحلم بيه.الموبايل تحفه بمعني الكلمه واللي هيفكر في غيره هيندم بجد..شاشه وهميه والصوت فظيع..النت مش طبيعي..بجد وهمي

---

• 2014-04-02 (07:19:07PM) LG G Pro 2

  حد يعرف سعره في الامارات لو سمحت

---

• 2014-04-02 (02:26:37PM) Alcatel One Touch Hero

  استاذ عصام ممكن تقولنا معلومات اكتر يعني صوته مثلا والكاميرو،،حضرتك وعدتنا تعمل تقرير مفصل فياريت لو سمحت عشان نقرر هنجيبه ولا لا،،وياريت برضه تقولنا عيوبه

---

• 2014-04-01 (08:29:52PM) LG G2

  يا جماعة انا مش لاقية النسخة ال 32 خااالص بجد تعبت او يمكن انا بدور في اماكن غلط،،ممكن اي حد يقولي الاقيه فين في القاهرة او الجيزة،،حتي المالكي مش عنده

---

• 2014-03-31 (04:43:52PM) Samsung Galaxy Note 3

  شكرا اوي ليكو يا جماعة بس معلش سوال تاني,, ايه رأيكو في اتش تي سي ONE
  هل فيه نفس المواصفات تقريبا وياريت لو حد مجربه

---

• 2014-03-31 (11:59:25AM) Samsung Galaxy Note 3

  يا جماعة بلييييز محتاجو رأيكم لاني خلاص تعبت من كتر قراية الكومنتس علي اي حاجو تعجبني
  انا نفسي في موبيل بنفس مواصفات النوت 2 بس مش عايزة سامسونج
  في ناس قالت lg g2 بس البطارية بتاعته مش اوي زي النوت 2
  وشفت الكاتيل هيرو بس هو لسة نازل وفيش ناس كتير جربته
  فارجوكو نصايح لحاجة مماثلة لنوت 2 في الحجم والبطارية والاداء

---

• 2012-03-10 (09:47:04PM) Samsung Galaxy W I8150

  شكرا قوي عالمعلومة دي الواحد من كتر اللي قدامه جاله حول

---

• 2012-03-10 (04:10:09PM) Samsung Galaxy W I8150

  سؤال لو سمحت يا جماعة ,,أنا أعرف إزاي موضوع حماية الشاشة إذا كان موجود في الموبيل ولا لأ ,,يعني الميزة دي بتبقى مكتوبة إزاي فالمواصفات سواء عربي أو انجليزي

---