AOmar

اخر زيارة:

تاريخ الاشتراك: 2012-02-10

عدد التعليقات: 5

الدولة: مصر

2012-04-09 (01:46:11PM) Sony Ericsson Xperia Arc S

انا معايا الآرك إس، وممتاز جدا والحمد لله، ومع ذلك فالجالاكسي إس تو كمواصفات أفضل منه في نقاط كتير مثل الشاشة والذاكرة والمعالج، لو معاك تمنه توكل على الله

2012-03-01 (08:31:01AM) Sony Ericsson Xperia ray

أنا روحت فعلا واتفرجت على التليفون في موبايل شوب، وهو حجمه جميل وشكله كويس فعلا، لكن فيه نقطة قلقتني منه: إن الواجهة كلها زجاج، وده خوفني من إن الشاشة هتكون معرضة للكسر مع أي وقعة حتى لو كانت بسيطة، ولو وضعته في جراب هتضيع ميزة الشكل الأنيق للتليفون، ثم مش عارف هل له جرابات أصلا ولا لأ.

أنا عارف إن كل التليفون التاتش سكرين معرضة برضه للكسر، لكن فيه تليفونات كتير بيكون زجاج الشاشة مغطي الشاشة فقط مش كل واجهة التليفون وبالتالي ممكن يكون تحملها للصدمات أكبر شوية.

2012-02-11 (09:57:58PM) Sony Ericsson Xperia ray

انا مدرك إن شاشة الراي أصغر من شاشة النيو في بفرق ملحوظ وده أكيد بيأثر على سهولة وكفاءة التصفح والقراءة على الراي، لكن كنت حابب أسأل عن التصفح والقراءة على الراي في حد ذاته (بدون ما أقارنه بالنيو في)، وده اللي إنت أكدته في ردك الأول، إن بالرغم من المساحة المتوسطة للشاشة إلا أن التصفح عليه مريح، مش كده صح ولا إيه؟؟

2012-02-10 (06:07:54PM) Sony Ericsson Xperia ray

أولا متشكر جدا على ردك يا أستاذ jimmy83 ،
ثانيا ده أول سمارت فون لي، فأكيد بإذن الله مش هتكون الشاشة صغيرة ولا حاجة، لكن حبيت أطمن بخصوص سهولة القراءة والتصفح عليه لإن ده واحد من أسباب اتجاهي لسمارت فون، والحمد لله إنت كده طمنتني إن الشاشة مش صغيرة ولا حاجة كما يظهر لأول وهلة من مقارنتها بشاشة النيو في مثلا (وهو البديل الثاني بالنسبة لي)

2012-02-10 (07:23:07AM) Sony Ericsson Xperia ray

سؤال من فضلك يا أستاذ jimmy83 بخصوص مساحة شاشة الراي، إيه تقييمك لسهولة تصفح الإنترنت وخرائط الجي بي إس؟؟ وكذلك تقييمك لوضوح ملفات وورد أو بي دي إف أو إكسل أثناء القراءة؟
مساحة الشاشة هي النقطة الوحيدة اللي قالقاني في الجهاز الرائع ده، وخايف بعد ما أجيبه أندم إني لم أختار النيو في ذي الشاشة الأكبر، في نفس الوقت حجم الراي الرائع والعملي جدا مناسب لي أكثر. شكرا على ردك