shaprewesh

احدث المشاراكات

• 2014-08-08 (09:21:48AM) LG G2

  قصدك اقل سعر 3800 ؟

---

• 2014-05-14 (02:57:09PM) LG G2

  طب هو انتوا عرفتوا منين ان كل اللى اشترى الجى 2 باعه بعدها بفترة قصيرة ؟؟
  ما يمكن كام واحد باعوه يمكن كانوا مزنوقين فى فلوس او حابين يغيروا موبايلات
  عموما احنا فيها .. هنا فيه كذا واحد معاهم الموبايل ممكن يقولوا هل همه بيفكروا يبيعوه ولا لأ
  ا/ لينوكس انت جبت الاسعار ديه منين .. فين ال 16 جيجا اللى ب 3300 ده ؟

---

• 2014-02-27 (11:19:22PM) LG G Pro 2

  لو عاوز فابلت يعنى شاشة كبيرة هات الجى برو 2 موبايل جاحد
  لو عاوز موبايل هات الجى 2 موبايل جاحد برده
  اما السامسونج بحس انهم بيعيدوا نفسهم مفيش جديد
  و ميزة ال جى ان موبايلاتها احسن من سامسونج فى الامكانيات و ارخص !!!

---

• 2014-02-03 (06:20:52PM) LG Optimus G E975

  يا حبيبى نزل الادوب ريدر و هيقرا معاك بى دى اف و كل حاجة

---

• 2014-01-27 (12:32:27PM) Samsung Galaxy S III I9300

  Note 2

---

• 2014-01-26 (10:54:50AM) LG Nexus 4 E960

  انا لو مكانك هشترى الاوبتيموس .. بس اقولك على حاجة برده متلغيش الاس 3 من اختياراتك انا كنت لسه جايب الاس 3 لواحد صاحبى من كام يوم و خدته منه اظبطهوله و انزله برامج و العاب .. الجهاز على فكرة ممتاز جدا جدا يعيبه فقط التهنيج فى الالعاب الكبيرة ... لكن لو انت مش من مدمنى الالعاب فالاس 3 انا شايف انه اختيار مناسب جدا ... سرعة الجهاز حلوة جدا .. الكاميرا ممتازة فعلا .. سامسونج متبعاه اول بأول و هينزله 4.3 قريب و بعدها بكام شهر هينزله الكيت كات .. الموبايل فعلا يعيبه حاجة واحدة بس و عن تجربة هيه التهنيج فى الالعاب التقيلة فقط لا غير !!!!!!!!!

---

• 2014-01-19 (02:32:43AM) Samsung Galaxy S III I9300

  على فكرة النوت 2 موبايل ممتاز بس 3500 يجيبولك جهاز ضمان دولى مش محلى يعنى الموبايل هيبقه من غير ضمان من الاخر ...
  اما بالنسبة للجى برو فطبعا موبايل ممتاز بس اللى انا اعرفه انه منزلش مصر يعنى لو هتجبيه .. هتجيبه من بره مش من هنا ... و اقصد منزلش مصر يعنى منزلش عن طريق الوكيل يعنى اللى ممكن تلاقيه فى المحلات ده غالبا هيكون ضمان دولى
  بالنسبة للشراء .. انا لاقيت سعر الجى عامل 3000 فى اكبر محلين فى اسكندرية .. بس انت برده دور يمكن تلاقى حاجة ارخص.
  Select
  الشناوى

---

• 2014-01-18 (03:14:25PM) Samsung Galaxy S III I9300

  انا معرفش محلات فى اسكندرية .. بس انتوا اكيد عندكوا محلات مشهورة فى اسكندرية زى الغنيم تقريبا انزل خدلك جولة كده و فاصل مع الناس .. لان لما هيلاقوك معاك فلوس و هتشترى ممكن ينزلك من تمن الموبايل عشان يبيع..
  تانى حل زى ما قولتلك سوق.كوم انا مجربتهومش بصراحة قبل كده بس انت ممكن تسأل حد اتعامل معاهم قبل كده ممكن يقدر يفيدك

---

• 2014-01-18 (08:14:28AM) Samsung Galaxy S III I9300

  لا مفيش حاجة احسن .. همه دول احسن حاجة
  سؤال ليك بقه .. هل انت ليك فى حوارات التفليش و تغيير الرومات .. يعنى انت من هواة الموضوع ده ولا انت لسه جديد فى الاندرويد ؟
  لو انت لسه جديد فى الاندرويد و معندكش فكرة عن اى حاجة يبقه هات الاوبتيموس جى بس التصوير الليلى بتاعه مش اد كده .. متعتمدش عالكاميرا بليل يعنى
  لو انت ليك فى حوارات التفليش و تغيير الرومات و من الناس اللى بتحب تغير شكل موبايلها علطول و بتزهق بسرعة من الشكل المعتاد عليه يبقه هات الاس 3
  بمعنى اصح الموضوع كله بيعتمد هل انت شاطر فى الاندرويد ولا لأ !!
  بالنسبة للشراء :
  1- جلاكسى اس 3 : 3050 و متشتريهوش اغلى من كده و بيتباع فى محلين فى عين شمس (888 - Restart ) هاته متبرشم و اتاكد ان برشامة سامسونج متلعبش فيها و لو قالك احنا بنفتح الموبايلات كلها قوله لا انا عاوز واحد متبرشم و ده حقك على فكرة.
  2- اوبتيموس جى : 2800 هتتعب شوية على ما تلاقيه بالسعر ده بس متستعجلش و تجيبه من موبايل شوب حرام تدفع فلوس زيادة عالفاضى كلم البحيرى جروب و 888 و دريم 2000 على الموبايل و اسالهم على سعر الموبايل و اذا كان موجود ولا لأ
  لو فشلت خالص يبقه عليك و على سوق.كوم بس لما تيجى تشترى حاجة كلمهم الاول على التليفون بتاع الموقع و اتاكد اذا كان الموبايل معاه ضمان ولا لأ و هل العلبة هتيجى متبرشمة ببرشام ال جى مش برشام الموقع .
  و ده اللينك بتاع الموبايل فى الموقع .. الحق كلمهم و اسالهم على مصاريف الشحن و اعرف منهم كل الاستفسارات اللى انت عاوز تفهمها و اسالهم لو الموبايل حصل فيه حاجة خلال 14 يوم هل ينفع ارجعه ولا لأ .. اعصرهم يعنى براحتك ..
  بس يا ريت تلحق لان تقريبا مش فاضل غير 17 جهاز بس فى المخزن عندهم
  و مبروك مقدما و يعيش معاك العمر كله

---

• 2014-01-17 (11:01:52PM) Samsung Galaxy S III I9300

  اه فيه حاجة كمان كنت عاوز اقولك عليها لو انت نفسك تجمع كل المميزات اللى فى الجهازين فى موبايل واحد يبقه تزود 1500 جنيه و تجيبلك اس 4 او الجى 2 او النوت 3 !!!

---

• 2014-01-17 (10:55:56PM) Samsung Galaxy S III I9300

  والله الاختيار صعب جدا جدا .. لان الموبايلين ممتازين و المشكلة بقه ان العيب اللى فى ده ميزة فى التانى .. يعنى ايه ؟!
  1- الكاميرا: الكاميرا ممتازة فى الاس 3 بس ادائها مش مبهر فى الجى
  2- السرعة : الاوبتيموس جى انا بعتبره اسرع موبايل شوفته فى حياتى .. الاس 3 لا يضاهى سرعة الجى نهائى .. مش معنى كده ان الاس 3 بطئ بالعكس الاس 3 حلو و التاتش بتاعه جميل بس الجى يتفوق عليه بمراحل من ناحية السرعة و التاتش و ده طبعا بيرجع للبروسيسور السناب دراجون و الرامة 2 جيجا ..
  3- الشاشة: موضوع الشاشة ده بالذات عليه اختلاف كبير فيه ناس بتحب الشاشات السوبر اموليد و ناس زى حالاتى كده بتحب الشاشات ال IPS كل الموضوع ان الالوان فى الاس 3 بتكون مبهرة شوية لكن فى الاوبتيموس جى بتكون اقرب للواقع و انا شخصيا بميل لشاشة الاوبتيموس جى اكتر.
  دول يعتبروا اهم 3 فروق بين الجهازين ... نيجى بقه للفروق الخاصة بالمستهلك المصرى !!
  الاس 3 سامسونج يعنى يوم ما هيحصل فيه حاجة حتى لو انت بره الضمان هتعرف تصلحه و مش هيكلفك كتير ده غير كمية الرومات الكتير اللى بتبقه متاحة ليك انك تقعد تغير كل يوم روم براحتك الاودين موجود و موضوع التفليش على السامسونج من اسهل ما يكون
  و طبعا يوم ما تحب تبيع الموبايل هتعرف تبيعه بسرعة و هيجيبلك سعر محترم
  بخصوص الجى الاوبتيموس جى موبايل الاجة حاجة فخمة كده تحس و انت ماسكه انك بيه بس فيه مشكلة انك ممكن تزهق منه ... ليه بقه حتة انك تغير روم و تنزل روم و تفلش و الحاجات ديه بيكون رخم شوية فى الال جى و انا مجربه و ال جى عموما مش بتنزل تحديثات مستمرة زى سامسونج يعنى ممكن تفضل على الروم اللى انت عليها طول عمرك .
  الخلاصة :
  الموضوع كله بيعتمد على متطلباتك انت
  يعنى لو انت يهمك الكاميرا اوى يبقه لازم تاخد اس 3
  لو اهم حاجة عندك ان الموبايل يكون سريع و بيفر بسرعة يبقه لازم تاخد الجى
  لو انت بتجيب موبايل و حاطط فى دماغك ان سنة و تغيره يبقه هات الاس 3
  من الاخر:
  عايز حاجة مضمونة هات اس 3
  عايز حاجة مختلفة هات اوبتيموس جى

---

• 2014-01-07 (04:19:41AM) LG Optimus G E975

  يا ريتك لو تحط صورة من الصور اللى انت صورتها بالموبايل عشان اقارنها بجودة التصوير بتاعة الجلاكسى اس 3 لان موضوع الكاميرا مهم بالنسبالى و هو ده اللى مخلينى متردد فى شراء الموبايل

---

• 2014-01-02 (11:41:10AM) Samsung Galaxy S III I9300

  3500 هات نوت 2 دولى او لو ليك حد فى السعودية يجيبهولك بارخص من كده كمان

---

• 2014-01-01 (10:14:18AM) Samsung Galaxy S III I9300

  مبقاش فيه خلاص موت مفاجئ او موت متوقع كل المشاكل ديه اتحلت فى التحديثات .. سامسونج طول عمرها لما بتلاقى مشكلة ظهرت ولا حاجة فى اجهزتها بتحلها علطول مش بتسيبها زى شركات تانية
  هات الاس 3 و انت مطمن بس هاته بضمان عشان لو طلع فيه عيب تصنيع

---

• 2013-12-23 (10:57:42PM) Samsung Galaxy S III I9300

  بص يا درش لو انا مكانك هشترى ال جى بس ده بناء على احتياجاتى انا
  و ده لسببين اولا انا بحب ان يبقه معايا حاجة مختلفة و الموبايل ده مش مع ناس كتير
  الحاجة التانية انا مش من هواه التصوير اوى و الكاميرا اللى فى ال جى هتوفى احتياجاتى ... انا اللى يهمنى سرعة الجهاز لانى بتخنق من حاجة اسمها لاج
  نيجى بقه لموضوع كارت الميمورى
  المعلومة اللى عندك اعكسها
  انت لما بتركب كارت ميمورى و تحط عليه الحاجات بتاعتك زى الافلام و الاغانى و الحاجات ديه ساعتها الجهاز ممكن يتقل لانه بيقرا من كارت خارجى
  انما لو انت حاطط الحاجات على الذاكرة الداخلية بتاعة الهاتف الجهاز عمره ما يتقل ابدا
  اللى بيتقل الجهاز كترة البرامج و الالعاب زى كده فى الكمبيوتر لما تملا السى العاب و برامج بتحس ان الجهاز تقل ... ده نفس الكلام فى الموبايل و ده شئ طبيعى !!!
  لكن فى الال جى مش هتحس بالكلام ده اوى لان فيه معالج قوى جدا و رامة 2 جيجا
  من الاخر لو انت عاوز موبايل حلو و مع الناس كلها و مضمون بس ممكن ساعات يخنقك فى بعض حاجات بس فى الاخر هوه موبايل زى الفل هات الاس 3 و انت مطمن
  لو حابب التغيير و انك تكون مختلف و معاك حاجة مش مع الناس و بتحب السرعة فى الموبايل و انك متحسش باللاج و تلاقى الموبايل معاك بيفر كده يبقه هات ال جى و كده كده انت هتجيبه بالضمان يعنى هوه كمان هيبقه مضمون و كل حاجة
  بس ممكن متلاقيلوش اكسسوارات زى الكفر و الحاجات ديه
  مع ان انا اصلا مبحبش احط الحاجات ديه على موبايل عشان بحب استمتع بالموبايل بحجمه من غير ما احط عليه كفرات تتخنه او سكرينة تغير من حلاوة و نقاء الشاشة !!!

---

اعلانات المستعمل