سعر و مواصفات Sony Ericsson XPERIA X8

يا حبيبى مش هتعمل مقارنة .... عاوز السونى انزل جيبه حالا لانه خلصان اصلا من السوق .... لو لسة هتعمل مقارنة يبقى اكيد اكيد هتجيب ال جى

انا برده شايف ان LG optimus one P500 احسن في حجات كتير

السونى افضل

مادام مش عارف تستقبل بالبلوتوث ده معناه ان نسخة الاندرويد الي على الجهاز 1.6 والحل بسيط
هتلاقي اسطوانة جاية مع الجهاز فيها برنامج سوني اريكسون وتسطبه على الكمبيوتر ولو مفيش ممكن تنزله من النت وتوصل التلفون بالكمبيوتر بوصلة USB وتشغل البرنامج وهو هيقولك انك ممكن تحدث الاندرويد حتى 2.1 وتتبع الخطوات بس خلي بالك لما تعمل التحديث كل البرامج وارقام التلفونات والحاجات الي انت حاططها على الذاكرة هتتمسح فلازم تعمل منها نسخة احتياطية على الكمبيوتر وبرده لازم يكون التلفون شحنه كامل عشان العملية ده بتستهلك كهربا جامد وخلي النت فاضي متشغلش معاه حاجة ولا تعمل داونلود والموضوع ده هياخد وقت من ربع الى نص ساعة حسب سرعة النت عندك وياريت لما تخلص تعملنا تقري كاااامل عن الجهاز من حيث السرعة واستجابة اللمس والكاميرا في التصوير الثابت والفيديو والبطارية واتمنى انك مش تكون زي بقيت الزملاء الي اشتروا التلفون ومش قالولنا اخباره ايه معاهم ونسونا خالص
بالتوفيق ولو عندك اي سؤال انا في الخدمة

بص هو اولا مفيش اسطوانة معاه ...ثانيا بقا هل ينفع اعمله تحديث للاندرويد من غير ما اوصله بالكمبيوتر (بالواى فاى يعنى) ؟ ... بص من الاخر انا مييييييييح اندرويد ومش فاهم حاجة خالص .... بس للامانة موبايل ممتاز فوق الوصف تاتش وكاميرا بس موضوع انها مفيهاش فلاش ده برضه ماثر لكنها حلوة والبطارية بقا هى اللى مشكلة معايا بتقد معايا يوم واحد ...بص من الاخر كده موبايل ممتاز بس اللى عاوز يجيبة ياريت بسرعة لانه خلصان من السوق انا جبته بالعافية من ابلاينس وكان اخر واحد عندهم وفى توكيل رزق الله كانوا بيقولوا انه جاى الاسبوع الجاى منه تانى

ياريت اللى معاه الموبايل وعمله تحديث يضيفنى [email protected]
وله جزيل الشكر..........

بص يا سيدى فى البدايه كده احب اقولك ان الموبايل ما شاء الله جامد جدا وانا حقولك كل الى انت عاوزه بالتفصيل علشان متوهش زى ما انا تهت
======================================================
طالما انت لقيت عربى يبقى جهازك متحدث وغالبا بقى كله متحدث دلوقتى بس عشان تتاكد اعمل الاتى:settings>>about phone>>firmware version
لو لقيت 2.1 يبقى انت كده تمام وغالبا حتلاقيها كده ان شاء الله لان 1.6 مكنش بيدعم العربى
====================================================
بالنسبه للتحديث من 1.6 الى 2.1 اعمل الى موجود فى الفيديو ده:

وانت كده محتاج برنامج PC Companion وده ممكن تنزله من هنا:

وعلى فكره الموبيل بقى فيه برامج Backup&restore يعنى متقلقش على اى ملفات او ارقام او رسايل عندك كل تمام بس تعمل زى الفيديو بالظبط والموضوع مبيعدش فتره طويله
======================================================
بالنسبه للبلوتوث هو فيه خاصيه انك لازم تعمل الموبيل discoverable يغنى مرئى وهى بتستنى شويه تقريبا 120 ثانيه ومحتاج تاكتفها تانى طب ازاى اقولك :)
settings >> wireless&networks>>Bluetooth settings >>Discoverable
ساعتها حتلاقى الجهاز الى انت عاوز تبعت منه شايف الجهاز وكله تمام
======================================================
الموبيل مبيجيش معاه اى ضهور (نصب يعنى :)) او اسطوانه تعريف لانه متعرف تمام على الجهاز عندى
======================================================
بص يا سيدى لو انت تعبان اندرويد ومش عارف تعمل ايه لازم فى الاول تفهم ان نظام الاندرويد ده نظام مفتوح وفيه منه يجى 200 الف ابليكاشن بس انت عشان تنزل اى تطبيق ادامك طريقتين ملهومش تالت 1- انك تكون واصل بالنت من الموبايل اما نت عادى او واى فاى ومن الماركت تنزل الى انت عاوزه والبرامج الفرى بالهبل وكذلك الالعاب
2- انك تروح لمواقع معينه تنزل منها الى انت عاوز على الكمبيوتر بتاعك وبعد كده تنقله للجهاز اما بلوتوث او بالكبل وده الحقيقه الى انا بعمله على الرغم انه مش فعال اوى الاحسن موضوع الماركت بس هو مكلف بس لو عندك واى فاى يبقى لوز الجوز :)
======================================================اهم المواقع الى انت محتاجها :



======================================================
اهم البرامج علشان تعرف تشغل الجهاز :
1-ES explorer (ده لازم تنزله فى الاول علشان تقدر تشوف الملفات)
2-Rock player
3-Adobe reader
4-Office suite
5-camera zoom fx
======================================================
اخيرا حبيت اقول ان على الرغم من مميزات الموبيل الكتيره الا ان فيه عيوب بعضها ليه الحل وبعضها لا وانا ححاول اقولك العيوب والحلول الى ممكت تحلها
1-الشاشه بتاعت الموبايل فى النهار ضعيفه جدا وصعب انك تميزها
2-الكاميرا ضعيفه جدا ومن غير زووم او options
3-البطاريه الى مبتعدش غير يوم او يومين بالعافيه :(
بالنسبه للكاميرا البرنامج الاخير الى انا حطه بيظبط موضوع الزووم ده لغايه 6X
وفيه برنامج اسمه Battery saver ده بيساعد انك تحافظ على البطاريه لانه بيقولك فاض اد ايه وايه الابليكاشن الى مستهلكه البطاريه على الاخر وديه شويه نصايح علشان تحافظ على البطاريه
1-اقفل البلوتوث والواى فاى لو انت مش محتاجهم وده ضرورى
2-اقلل screen brightness خليه 50%
======================================================
كده يبقى انا خلصت ضميرى من ربنا علشان مش عاوز حد يقعد مش فاهم زى ما كنت انا فى الاول
على فكره انا لسه جايب الجهاز اول امبراح من سليكت وكنت اول مره استخدم موبايل تتش او اندرويد سلااااااااام

ده طبيعي في كل موبايلات السوني ايريكسون و البطارية بتسخن كل ده عادي

شكرا كتير بس قريت ان الميني شاشته بتبوظ
و S7230E Wave 723 حلو برضه
مش عارفة محتارة خصوصا حاجات زي سرعة الجهاز وسرعة النت وامكانية انه يسيف على كارت الميموري
عاوزة تجريب وناس عارفة

اعتقد LG optimus one P500 هيكون افضل من الجلاكسي ميني ومن XPERIA X8 وبص في تعليقي الي تحت وانت هتعرف السبب

سعر LG optimus one P500 في موبيل شوب ب 1180 والصراحة كتير على النت بيشكروا فيه
وبالنسبة ل samsung galaxy mini فخامته سيئة جدا والوان شاشته ضعيفة ورديئة وكامرته سيئة جدا جدا جدا وانا مش متحيز لحاجة ضد حاجة بس اتمنى ان محدش يجيب تلفون وبعدها يندم عليه

انا عارف ان اداء XPERIA X8 هيكون افضل من LG optimus one P500 في تشغيل البرامج وان X8 خامته افضل من LG بس LG optimus one P500 بيتميز عنه في الكاميرا وانه بيقبل الاندورويد 2.3 بنسخة رسمية معربة تماما وده فرق كبير جدا ومهم وكمان بطاريته اطول وانا ما زلت ابحث عن تلفون افضل ومش يزيد عن 1500 جنيه و X8 عاجبني جدا بس لو كان بيقبل التحديث حتى ل2.2
شكرا ليك استاذpenoleno88 على تعليقات المميزة وياريت لو حضرتك عندك تلفون كويس ترشحولنا

الف مبروك عليك
اشتريته منين؟ وقلنا انطباعك عن الجهاز وايه رايك فيه

الانطباع الأول كعادة السونى اريكسون رائع
لكن انا لسة بكتشفه واكيد الجهاز هيكون ليه مميزات وعيوب

جميل ربنا يباركلك فيه