هذا الموضوع مرتبط بـ Xperia ray

بدون عنوان

AOmar

2012-02-10 (07:23:07AM)

سؤال من فضلك يا أستاذ jimmy83 بخصوص مساحة شاشة الراي، إيه تقييمك لسهولة تصفح الإنترنت وخرائط الجي بي إس؟؟ وكذلك تقييمك لوضوح ملفات وورد أو بي دي إف أو إكسل أثناء القراءة؟
مساحة الشاشة هي النقطة الوحيدة اللي قالقاني في الجهاز الرائع ده، وخايف بعد ما أجيبه أندم إني لم أختار النيو في ذي الشاشة الأكبر، في نفس الوقت حجم الراي الرائع والعملي جدا مناسب لي أكثر. شكرا على ردك

AOmar

2012-03-01 (08:31:01AM)

أنا روحت فعلا واتفرجت على التليفون في موبايل شوب، وهو حجمه جميل وشكله كويس فعلا، لكن فيه نقطة قلقتني منه: إن الواجهة كلها زجاج، وده خوفني من إن الشاشة هتكون معرضة للكسر مع أي وقعة حتى لو كانت بسيطة، ولو وضعته في جراب هتضيع ميزة الشكل الأنيق للتليفون، ثم مش عارف هل له جرابات أصلا ولا لأ.

أنا عارف إن كل التليفون التاتش سكرين معرضة برضه للكسر، لكن فيه تليفونات كتير بيكون زجاج الشاشة مغطي الشاشة فقط مش كل واجهة التليفون وبالتالي ممكن يكون تحملها للصدمات أكبر شوية.

jimmy83

2012-02-12 (01:51:24PM)

تمام
كل ماكبرت الشاشة زادت سهولة التصفح و القراءة.
والراي بوجه خاص(بسبب شاشتو الممتازة)من اجمل الاجهزة للقراءة و التصفح ولو تقارنو ب99% من الاجهزة الي اكبر منو حتلاقي انو احسن منهم كلهم بالوضوح و جمال الشاشة.
(مساحة صورة/صفحة اكبر لكن على حساب الوضوح)

AOmar

2012-02-11 (09:57:58PM)

انا مدرك إن شاشة الراي أصغر من شاشة النيو في بفرق ملحوظ وده أكيد بيأثر على سهولة وكفاءة التصفح والقراءة على الراي، لكن كنت حابب أسأل عن التصفح والقراءة على الراي في حد ذاته (بدون ما أقارنه بالنيو في)، وده اللي إنت أكدته في ردك الأول، إن بالرغم من المساحة المتوسطة للشاشة إلا أن التصفح عليه مريح، مش كده صح ولا إيه؟؟

jimmy83

2012-02-11 (04:19:04PM)

اصل من كلامك على الفرق بين حجم شاشة النيو و الراي..انا فهمت انك فهمت ان الفرق مش كبير بس هو بالواقع في فرق لا باس بيه.
وتحت امرك بالي اقدر عليه

jimmy83

2012-02-11 (04:15:03PM)

استنى عندك يا عمر..
هي حجمها اصغر من النيو و بفرق كويس بالحجم..يعني انا الي عايز اوصلهولك ان شاشة لراي افضل والكلام عليها اجمل واضح بس طبعا عالنيو التصفح اسهل بس على حساب حلاوة الصورة والكلام وكل حاجة..يعني حاجة على حساب حاجة

AOmar

2012-02-10 (06:07:54PM)

أولا متشكر جدا على ردك يا أستاذ jimmy83 ،
ثانيا ده أول سمارت فون لي، فأكيد بإذن الله مش هتكون الشاشة صغيرة ولا حاجة، لكن حبيت أطمن بخصوص سهولة القراءة والتصفح عليه لإن ده واحد من أسباب اتجاهي لسمارت فون، والحمد لله إنت كده طمنتني إن الشاشة مش صغيرة ولا حاجة كما يظهر لأول وهلة من مقارنتها بشاشة النيو في مثلا (وهو البديل الثاني بالنسبة لي)

jimmy83

2012-02-10 (01:22:28PM)

وعلى فكرة الجهاز دا تم تصنيعو من شركة سوني لوحدها(منغير تدخل من اريكسون)بس لان اصدارو كان وهم لسة شركة واحدة فكان لازم يبق اسمو سوني اريكسون.

jimmy83

2012-02-10 (01:18:25PM)

معاك حق هو ال3.0 و 3.2 و 3.5 بيبقو كويسين جدا و نقلة كبيرة للي جاي من جهاز عادي واول مرة يجيب جهاز بشاشة تتش..انا عن نفسي متعود وبشوفها عادي بس مثلا لم اخويا يمسك الجهاز بيقولي مش عارف ازاي بتظبط الخيارات بالزات جوة الخيارات و القوائم الصغيرة..(الخيارات قريبة من بعض و احيانا بتدوس على الخيار الغلط) بس برضو بيقولي كمان ياريت عندي وضوح شاشتك وهو معاه جالاكسي s
وهو الجهاز دا بالزات لان كثافة البكسل ممتازة جدا.. فالكتابة في بتبان كانها طباعة على ورقة او كخط اليد(واضحة جدا و معظم المواقع بقدر اقرأ الكتابة منغير ما اعمل zoom بعكس 99% من الاجهزة الي احجامها صغيرة لان شاشاتهم كثافة بكسل تحت ال200(فيما عدا الايفون 4 و 4s بس) و لازم عشان تشوف الكتابة تعمل zoom ..نفس الكلام للpdf (مجربتش اكسيل و وورد)و الكلام دا على فكرة على الشاشة بالطول ولم تحول للشاشة بالعرض الكلام حاجة تانية خالص..اوضح واوضح و كانك بتقرا الكلام من على صورة.
فالنقطة يا صديقي لو انتا جاي من جهاز شاشتو 3.7 او 4.0 و طالع حتحس ان دي صغيرة وفالاول حتتعزب لاكن بعد فترة استعمال حتشوف ان استعمالو مريح بايد وحدة ومش محتاج تحريك صوابع كتير و بنفس الوقت و مهما كان نوع جهازك القديم حتحس بقد ايه شاشة الجهاز دا اوضح بمراحل.لدرجة انك لم اتشيل الاجهزة الكبيرة ام 3000 جنيه و4000جنيه حتحس ان شاشاتها وحشة قوي.
وفي نقطة مهمة الي هي بطاريتو..مع شوية تعتيم للشاشة و wallpaper اسود الجهاز بيقعد معايا اسبوع منغير مبالغة(استعمال عادي..مكالمات و تشييك ايميلات)
بتفرج على فيلم 1:45 دقيقة و البطارية بتنزل 6% او 7%
طول نهاري السماعات بوداني و هات يا موسيقى وبالعربية بشغل التسجيل منو وبروح البيت الساعة 7 و 8 ومبينقصش من البطارية غير 8 و اكتر حاجة 10% في حال استقبلتلي مكالمتين من حد رغاي.
الكلام دا الي انا بقولو شبه معجزة على جهاز اندرويد و على اي جهاز تاني.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Xperia ray

مقارنة

Android
480 x 854 pixels, 3.3 inches (~297 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Xperia ray

Android

480 x 854 pixels, 3.3 inches (~297 ppi pixel density)

3G

8 MP, 32...