بدون عنوان

شكراً لكل من ساهم في مساعدتي لإيجاد مركز صيانة لتصليح الشاشة ..
لكن للأسف أنا ماروحتش ولا مكان من إللي قالوا عليهم دوول لسبب بسييييييط .. الشاشة السودا !!!!!!!!!!!

طبعاً كتيير هايستغرب ويسألني إيه هيا الشاشة السودا ديه ؟!
أقولك أنا ..
لما تبقي مش بتشتغل علي التليفون وسايبه .. بتلاقي الشاشة في الأول بتقل إضائتها لتوفي الطاقة ، وبعد شوية بتطفي خالص .. ، ولما تحب تعمل حاجة علي التليفون بتدوس مفتاح الهووم أو الباور علشان الشاشة تنور وتشتغل تاني .. كل ده جمييل جداً
لكن لسبب ما غير معروف حتى الآن لما تيجي تحاول تشغيل الشاشة بالضغط علي المفاتيح السابقة تلاقي الشاشة لازالت سودا وفقط الإضاءة الخلفية للشاشة هيا اللى بتشتغل ، وكمان شاشة التاتش شغالة عادي !! ، يعني لوجاتلك مكالمة وأنت عارف فيين مكان مفتاح السحب للرد ممكن تسحب صوباعك علي الشاشة السودا وكأنك شايف الشاشة وإتكلم عادي !!
هيا ديه الشاشة السودا !!!
وبعد البحث والفحص والتمحيص علي النت لمعرفة أسباب المشكلة وإذا كان فيه طرق للعلاج ....
لقيت إن الموضوع مالهوش حل !! ، وإن الشاشة السودا ديه بتحصل فجأة ودون مقدمات لأجهزة السوني عموماً الغالي منها والرخيص ! ، والتوكيل نفسه مش لاقي حل للقصة ديه ولما يروحلهم جهاز مصاب بالشاشة السودا لو في الضمان بيغيروله الجهاز تماماً ! ، ولو مش في الضمان يقولوله يعوض عليك ربنا !!!!!!!!!!!!
طب أنا لحقت إستخدمت الجهاز حوالي سنة ونص قبل ماتظهرلي الشاشة السودا ديه !! ، والجهاز كنت جايبة بحوالي 2100 جنيه وقتها ، طب الناس إللي بتروح تجيب جهاز بخمس أو ست ألآف جنيه زي الإكسبريا زد1 ويحصل معاها الموضوع ده ومن غير ضمان يعملوا إيييه ؟!!!
الغريبة إن رغم إن المشكله ديه منتشرة في اجهزة السوني عمري مالقيت حد بيتكلم عليها هنا في الموقع ده !! ، يمكن لو كنت لقيت حد إتكلم عليها كنت ماروحتش ناحية السوني من الأصل !!
للأسف الشدييييييييييييد جدااااااااااااااااااااً أنا من الناس إللي كنت باحترم شركة سوني لأبعد الحدود ودايما كنت باقوول إن الناس ديه مابتعملش حاجة كده وخلاص ، والدقه عندهم أهم من أي شيئ ! ، لكن لما يبقي فيه عيب قاتل زي ده منتشر بين أجهزة المحمول بتاعتهم ومش لاقيين لها حل ورغم كده لسه لازالوا بيصنعوا أجهزة جديدة بنفس العيب القاتل ويبيعوا للناس عادي كده وكأن مافيش مشكله ! يبقي الموضوع موضوع تجاري بحت وطزززززز في العميل !!!!!
عموماً أنا قررت أتعايش مع المشكله ديه لغاية التليفون مايجيب آخره ويلفظ أنفاسه الأخيرة غير مأسوف عليه ! .. لأني إكتشفت من خلال تجارب الناس اللي بيعانوا زيي من نفس المشكله إن الضغط أكتر من مرة بسرعة علي مفتاح الباور بيرجع الشاشة للعمل بشكل طبيعي لكن ده طبعاً علي حساب كفاءة مفتاح الباور نفسه إللي أكييد هايجيله يووم مايشتغلش تاني من كتر الضغط عليه !!
ولقيت إني عشان أحمي مفتاح الباور وأرحمه شوية من الضغط المتكرر لقيت برنامج بيخللي الشاشة دائما في وضع التشغيل وماتطفيش أبداً .. ، وده بالتالي هايمنع الشاشة السودا من الظهور .. لكن طبعاً ده هايبقي على حساب إستهلاك البطارية !!!
كل طريقة وليها عيوبها ، لكن زي ماقولت أنا بس باجيب آخر الجهاز لغاية مايمووت تماماً وتوبه ياسوني أجيب منك حاجة تاني لاموبايلات ولا غير موبايلات !!!
أنا بس حبيت أفضفض معاكم وبالمرة أعرف الناس هنا بموضوع الشاشة السودا علشان بس يبقي عندهم علم ... أكييد مش كل الناس حظهم وحش زيي !! لكن لمجرد العلم بالشيئ !
ربنا يخليلكم موبايلاتكم ويحميها من الشاشة السودا ياااااااارب.

انا هقلك على الزتونه روح توكيل دلتا ممتاز والتلفون ده مش قديم هتلاقى قطع غياره الاصليه
ارقمهم
0237487300-023748100

وعليكم السلام --- الشر برة وبعيد فالك معاك الله اكبر هههههه معلش اصل موبيلى راى وبحبة جدااااااااااااااااااااااااااااااااااااااااااااااااااااااا وسعيدة اووووى بية بص روح محل البحيرى جروب فى شارع مصر والسودان اكيد عندة حل لكل مشاكل الموبيل ومابيغلبش ابدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا فى اى شئ وعلى بركة الله ان شاءالله ربنا هيشفهولك يرجع سليم معاف يارب