هذا الموضوع مرتبط بـ Xperia pro

بدون عنوان

mooody

2012-06-05 (04:16:09PM)

الأخت العزيزة RinoO
يا ريت تسيبك من موضوع الاكسسورات ده خالص المهم فى الموبايل أن يكون شكله عاجبك أولا وتكون امكانياته بتلبى اللى أنتى محتجاه ثانيا وأعتقد أن الفرق بين neo v و ال pro مش مستاهل التضحية بجمال الشكل اللى لصالح neo v وأنا عن نفسى مش هبقى فرحان بوصلة تليفزيون جاية مع الموبايل وممكن أستعملها وممكن مستعملهاش المهم أكون مقتنع بالموبايل نفسه وكمان فرق الكاميرا بين الاتنين مش هيكون مؤثر قوى
وممكن تبصى كمان على الرابط ده

فيه تليفون Motorola DEFY+ وفى اعتقادى تليفون جميل جدا وينافس الاتنين اللى أنتى محتارة بينهم ويكفى أنه مضاد للماء وللصدمات والأتربة يعنى ممكن تستعمليه كموبايل وآلة للضرب (ده فى حالة أنك هتتخانقى مع حد ) وكمان شكله بناتى أكتر أو ممكن تستنى الموبايلات الجديدة من سونى وهى هتنزل قريب وبالتوفيق إن شاء الله

RinoO

2012-06-12 (11:03:43AM)

Afn5 حاسة انك زقت منى :(
مش عارفة لا انا بالنسبالى مش فارق معايا qwerty اصلا دى اللى مخلية شكلة مش عاجبنى
اما الكاميرا مش عارفة بتفرق قوى لدرجة الصدمة اللى انت فيها دى ولا اية
معلش اعزرنى لقلة معلوماتى او بمعنى اصح قلة الوقت اللى ادور فية على معلومات للموبيل ^^

Afn5

2012-06-11 (06:16:46PM)

هو فرق الكاميرا والكيبورد دا حاجة بسيطة؟!!

RinoO

2012-06-11 (01:16:40PM)

mooody هى دى الفكرة ان مش متقبلة شكل الpro فمعاك حق جدا
بالنسبة لموتورولا بصراحة انا عندى ولاء للسونى :)
Afn5 حضرتك مش موضوع شكل بس لان فرق الامكانيات بين الpro , neo v اعتقد مش كبير يعنى الpro كاميرا 8 وqwerty وبس
ولا انت اية رايك

Afn5

2012-06-06 (01:52:38AM)

اخر معلومة :D
هو اتكلم شوية عن نظام الجهاز من جوه وازاى تستخدمه
بس الجهاز دا لسة على اندرويد 2.3 القديم
لو انت اشتريت الجهاز دلوقتي هتلقيه على الاندرويد الجديد 4.0 او انت هتحدثه بنفسك من على الكمبيوتر
فاكيد هيبقى في اختلاف

Afn5

2012-06-06 (01:48:52AM)

بعد ما تقرأ الموضوع دا هتلقيه كاتب في اخر الموضوع
أشياء لم تعجبني ولست راضٍ عنها أبداً:
الجهاز يعلق ثواني معدودة أحياناً وبطيء قليلاً في بعض الأحيان..
ودا بسبب انه بيحط البرامج على الذاكرة الدخلية للجهاز بدل الخارجية
واكيد اكيد يفضل وضع البرامج على الذاكرة الخارجية حتى ما يعلق الجهاز مش بس في الجهاز دا لا في اي جهاز اصلاً مهما كان حجم الذاكرة الداخلية
بس مثلاً لو حجمها 16 جيجا!
لا يبقى حط زي ما انت عايز :D

Afn5

2012-06-06 (01:43:27AM)

بص دا موضوع رائع واحد اشترى الموبايل وعمل عنه موضوع اقرأه ممكن يساعدك

Afn5

2012-06-06 (01:41:35AM)

حوار الصوت دا انا معرفش بس انا بقرأ ردود الناس وقالوا انه صوته عالي
اما بالنسبة لحوار الشاشة دا
مين اللي قالك كدا؟!!!
الموبايلين اصلاً فيهم نفس الشاشة بكل خواصها وحتى حجمها!

mahmoud1979

2012-06-06 (12:11:31AM)

بصراحة انا شايف ان البرو شكلة ومميزاتة احلا من النيو فى بس محتار من حاجة وحدة صوت الجهاز خايف يكون واطى وكمان فى حاجة وحد شغال فى موبيل شوب قلى النيو والبرو زى بعض بس نقاء الشاشة النيو احلا انامحتار جد نفسى اشوف الجهازين شغلين ادامى علشان احكم عليهم واشترى اى واحد فيهم ياريت حد يكون مجرب الجهازين ويكلمنى محمود شديد على سكيبى (mahmoud_shedeed1979

Afn5

2012-06-05 (08:13:54PM)

طيب انا قرأت عنه اخي الكريم الموبايل اللي انا كنت بتكلمه عنه اسمه Motorola DEFY
لكن اللي انت بتتكلم عنه اسمه +Motorola DEFY
ودا فعلا شغال بنظام اندوريد 2.3
وقرأت على تحدثه لاندرويد 4.0 ايس كريم
من على موقع موتورولا قرأت ان مجموعة Defy مش هتتحدث وهتفضل على نظام اندرويد 2.2 و 2.3
والناس بتشتكي من كدا
دا الموقع

اقرأ ردود الناس وشوف هم قاليين ايه عن defy
في امان الله

Afn5

2012-06-05 (08:04:23PM)

أنا هقرأ عن Motorola DEFY وهشوف حكاية الاندوريد 4.0 دي تاني
وكمان هقرنه بسوني
وهشوف الناس بتقول ايه على موتورولا وسوني انهي احسن

Afn5

2012-06-05 (08:01:23PM)

فترة تجربة الاندوريد ايس كريم دا خلصت دلوقتي بينزل كامل من غير مشاكل
الا حاجات بسيطة مالهاش لزمة
وغير كدا انت ممكن تحدث النظام كل شوية من على النت من خلال برنامج سوني عملته
كل ما هيكون في تحديث للاندرويد هيقولك عشان توصل موبايلك وتحدثه
وبعدين Motorola DEFY انا قرأت من على موقع gsmarena ودا اشهر موقع موبايلات اجنبي وعليه معلومات موثوق منها 100%
وكان مكتوب ان اصلا نظام التشغيل بتاعه مش اندرويد 2.3 لا دا 2.1 ودا اسمه Eclair
وهما بيخططوا ان يحدثه لاندوريد 2.2 ودا اسمه Froyo
ودا قديم جدا ومشهور اوي بمشاكله الكتير
دول حتى محدثهوش لحد 2.3 اللي اسمه gingerbread
مش كتبيين اي حاجة عن انه هيتحدث لاندرويد 4.0 sandwich

mooody

2012-06-05 (07:02:22PM)

Motorola DEFY+ هيتحدث للآيس كريم ساندوتش وتقدروا تتأكدوا من اليوتيوب بس هى السونى سبقت كل الشركات فى الموضوع ده ومع ذلك أنا شايف أنه عيب مش ميزة لأن التحديث مشاكله كتير ولسه مظبطش هو أكيد أحسن بكتير وبيفرق فى حاجات كتير بس لو كان بدون مشاكل وفى الآخر أحب أقول أنه مفيش موبايل مفيهوش عيوب مهما زاد سعره فلازم الواحد يضحى بحاجة على حساب حاجة واللى أنا شايفه عيب ممكن غيرى يكون شايفه ميزة ودى مسألة أذواق

Afn5

2012-06-05 (05:57:07PM)

أخي الكريم الموبايل الموترولا دا نظام التشغيل بتاعه اندرويد 2.3
السوني pro اندرويد 4.0.3
يعني احسن منه بمليون مرة!
الاندرويد كل ما كان احدث كل ما كان احسن اكيد يعني
أما بالنسبة للاخت RinoO والاخ mahmoud1979
انتوا بتختاروا الموبايل على اساس شكله؟!!!!!
انتوا بتهزوا!
ماشي ايوة المفروض يكون شكل الموبايل حلو وكل حاجة بس لما يكون عندي موبايلين
واحد امكاناياته احسن من التاني بس التاني شكله احلي منه
يبقى اختار انهي؟!!!
اكيد الاول اللي هو pro
كل واحد وحسب الامكانيات اللي هو محتاجها زي ما الاخ mooody قال
الكاميرا
في برو 8 ميجا بكسل
في نيو في 5 ميجا بكسل
هو دا الفرق الوحيد بينهم
باقي كل حاجة زي بعض باختلاف حاجات بسيطة اوي
بس في برو في كيبورد للناس اللي مش بتحب التاتش في الكتابة وانا من الناس دي
دلوقتي دا القرار عائد اليكم
انا من رأي ونصحتي ليكم
ان برو احسن لان فرق السعر بسيط والكاميرا أعلى
وانا بالنسبة ليا الاتنان شكلهم حلو وزي بعض بالظبط مش شايفة اي اختلاف غير بس في سماكة برو هو اسمك شوية عشان الكيبورد بس!
في أمان الله

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Xperia pro

مقارنة

Android
480 x 854 pixels, 3.7 inches (~265 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Xperia pro

Android

480 x 854 pixels, 3.7 inches (~265 ppi pixel density)

3G

8 MP, 32...