هذا الموضوع مرتبط بـ Xperia neo V

بدون عنوان

Ahmed17

2012-03-10 (01:47:42AM)

السلام عليكم
اولا بحييكم على هذا المنتدى الرائع وعلى ما يقدم فيه من معلومات ... بارك الله فيكم اجمعين
انا اشتريت التليفون ده Xperia neo V من يومين ... و اول مرة فتحت الواى فاى ودخلت على الماركت وعملت تسجيل دخول بالميل جوجل ودخل معايا على الماركت وكله تمام ... المهم اخترت برنامج Viber وعمل دونلود وبعدها تسطيب وكله تمام .. وبعدها طلعلى اشعار من ال notification بيقول updat للسوفت وير لفيرجن احدث عملت update بالفعل وعمل الجهاز التحديث على اربع مراحل تقريبا كل مرة يعمل ريستارت وكده ... المهم لما فتح ملقتش ايقونة (Market) .. فضلت ادور عليها فى كل مكان فى الموبايل ملقتهاش ... المهم دخلت على الاعدادات _ الخصوصية _اعادة تعيين الى بيانات المصنع وعملت زى اعادة ضبط المصنع كده .. وبعدها فتح الموبايل ولقيت ايقونة الماركت وكل حاجة عادى كانى لسة فاتحه من اول وجديد ..
بس الغريب انى ملقتش الميوزك والصور الافتراضية والفيديو اللى بتكون موجودة مع التليفون اللى كانت موجودة فى بداية تشغيله ...

هل كده انا مضطر اعمله سوفت وير من جديد ولا كده عادى ؟؟؟
الحقيقة انا اول مرة استخدم اندرويد وخايف احسن يكون فى حاجات فى الsystem افتراضية تكون اتمسحت برضه وانا مش عارفها ...

وهل التحديث اللى كنت عملته للسوفت وير قبل ما ايقونة الماركت تضيع .. ضاع هو كمان ؟؟
او كان هو السبب ان ايقونة الماركت تضيع ؟؟؟
عذرا للاطالة ... بس طمعان فى كرم اخلاقكم والاستاذ jimmy83 تفيدونى والسلام عليكم

Ahmed17

2012-03-18 (12:25:23PM)

بشكرك يا وائل

بالنسبة لموضوع نقل البرامج او الالعاب من الذاكرة الداخلية للموبايل لكارت الميمورى الخارجى
اللى كنت ذكرتها فى اخر رد ليا ... اتحلت بفضل الله اول ما عملت لغة الموبايل انجليزى
انا كنت عامله عربى عشان الموبايل كان جديد وكنت لسة بستكشف فيه
ولما عملته انجليزى بقى ينقل التطبيفات عادى
شكرا جدا ليك يا وائل

Ahmed17

2012-03-17 (03:32:41PM)

السلام عليكم يا وائل باشا
يارب تكون بخير وكل حاجة معاك تمام
انا اشتريت كارت ميمورى 8 جيجا وركبته وشغلته عادى
ولما بنزل اى لعبة او برنامج وبعملها نقل الى بطاقة SD
بيقولى فشل نقل التطبيق .. مع انه كان بينقل نفس الحاجات اللى انا بنقلها دلوقتى على الكارت ال 2 جيجا اللى كان جاى مع الموبايل ...
المهم لما شلت الكارت ال 8 جيجا وحطيت ال 2 جيجا تانى برضه بقى يقولى فشل نقل التطبيق
وانا متأكد انه كان بينقله والله قبل ما اركب الكارت الجديد
دلوقتى لا بقى بينقلهم على الكارت الجديد ولا اللى جاى مع الموبايل
ياريت لو تفيدنى يا وائل ليه بيقولى فشل نقل التطبيق مع انه ينفع تتنقل يعنى هى ممكن تكون حاجة فى الضبط

ارجو الافادة والسلام عليكم

waelgam2005

2012-03-14 (03:16:47PM)

يا جميل العفو على ايه احنا اخوات مفيش اى حاجه ما بنا

بالنسبة لسؤالك التقل ده نتيجة التطبيقات المفتوحة ادخل على الضبط وادخل على التطبيقات المفتوحة ووقف اللى انت مش عاوزه هتحس بالفرق ومش مستهله اعادة ضبط مصنع لانك كمان يوم او اتنين هتحس بالبطئ برضه عشان هتشغل برامج اكيد اهم حاجه اتاكد انك وقفتهم من القائمة اللى هتظهرلك

Ahmed17

2012-03-14 (12:52:25PM)

السلام عليكم
انا بشكرك جدا يا وائل على ردودك وعلى كرم اخلاقك وبشكركم كلكم فى هذا الموقع
وحقيقى انا بستفاد منكم

عايز اسألك على حاجة يا وائل باشا
دلوقتى انا زى ما قلت قبل كده اشتريت الموبايل ده من حوالى 4 او 5 ايام
وشغال معايا كويس ومفيش اى حاجة وبعمل الحاجات اللى بسألك عليها
لكن من امبارح بالليل كده الموبايل بقى تقيل شوية وتقيل وتقيل فى فتح البرامج
وحركته بطيئة فى التنقل بين صفحات البرامج والمينيو ويعلق فى لعبة زى fruit ninja
وبرده بطئ فى برنامج زى اذكار الصباح والمساء

انا استغربت وفى نفس الوقت اضايقت لان الموبايل لسة مكملش حتى اسبوع
المهم انا قلت يمكن حاجة من البرامج اللى نزلتها فى اخر يومين رحت ماسح اخر 4 برامج كنت منزلهم كنت منزلهم وعملت ريستارت لكن برضو زة ما هو تقيل مع العلم انى اصلا مش منزل حاجات كتير ده يادوب كام برنامج حجمهم صغير ولعبتين صغيرين اوى برضو
انا قلت اعمل اعادة تعيين ضبط المصنع ... بس مش عارف كده صح ولا لا
ف قلت اسلك الاول قبل ما اعمل اى حاجة ؟؟

مستنى ردك ياباشا .. وارجو انى مكنش بتقل عليك

Mirage7

2012-03-12 (12:34:58AM)

للعلم بردو سعات بيكون في برامج لازم تكون علي Internel memory
و انا لحد الان ما لقتش لها حل خالص
غير ان الواحد يقتصد في موضوع البرامج الي لازم تنزل علي ذاكرة التليفون
اما البرامج الي بتعرف تحولها علي كارت المومري فا دي دوس فيها زي ما انت عاوز بما في ذلك اللعب

waelgam2005

2012-03-11 (07:57:29PM)

تقريبا فى الغالب مش هتبقى متاحة للبرامج اللى نازله مع الموبايل
وهتبقى متاحة فى البرامج اللى انت منزلها كمثال البرنامج اللى انت لسه منزله ده لو كان نزل على التليفون هيظهرلك انك ممكن تنقله على الميمورى
واى حاجه عاوز تستفسر عليها وانا اقدر افيدك مش هبخل عليك انا تحت امرك

Ahmed17

2012-03-11 (07:19:51PM)

السلام عليكم
الصراحة مش عارف اقولك ايه يا وائل ... بارك الله فيك وربنا يجعل المعلومات دى فى ميزان حسنات
والحمد لله كل حاجة قلتلى عليها طلعت صح بفضل الله

بس اعذرنى بقى هتقل عليك ... انا دلوقتى محتار فى حاجة وهى ان تقريبا مساحة التليفون اللى بينزل فيها البرامج اللى بنزلها من الماركت ولما بدخل على setting-Application_Manage Application واختار اى برنامج اعمله Move to SD card
بيكون مش متاح الاختيار ده فى اغلب البرامج
هل فى طريقة معينة انقل بيها البرامج لكارت الميمورى
او هل فى اى برامج اعمل بيها الموضوع ده ؟؟
مستنى ردك يا باشا عشان الموضوع ده مهم جدا
جزاك الله خير

waelgam2005

2012-03-10 (09:50:15PM)

جرب ادخل على الضبط ومن جوا اختار التطبيقات واتاكد انك معلم على اول اختيار اللى باسم Unknow Sources
وانصحك تكبر الكارت يعنى ميبقاش اقل من 8 ويرجح 16

Ahmed17

2012-03-10 (09:22:08PM)

بشكرك لردك يا باشا .. ويارب مكنش بزعجك

لا الماركت فعلا اتغير اسمه وبقى (سوق play) زى ما قلتلى
ودخلت ونزلت كذا برنامج
بس بيحصل دلوقتى معايا حاجة غريبة .. فى برامج بختار انزلها زى القران مثلا او كذا حاجة تانية الاقى بعد الدونلود رسالة تقولى (تعذر التثبيت على وحدة تخزين USB أو بطاقة SD. )
ياترى ليه كده يا وائل .. علما بان كارت الميمورى اللى موجود فيه ال 2 جيجا بتاعه اللى جاى معاه

برجاء التوضيح وشكرا

waelgam2005

2012-03-10 (09:06:59PM)

لا مفيش مشكلة ولا حاجه وبصراحة انا معملتش اعادة ضبط المصنع قبل كدا عشان اشوف الصور والموسيقى اللى كانت مع العدة هتبقى موجودة تانى ولا لاء بس حتى لو مش موجودة واتلغت فا ده عادى مش هتبقى مشكلة بس قولى انت لسه عندك الماركت بنفس الاسم والشكل ولا رجع للنظام الجديد

Ahmed17

2012-03-10 (01:48:54PM)

السلام عليكم
انا متشكر جدا لردك يا باشا
هو لما طلعلى اشعار بالتحديث و انا عملته عمل دونلود لمدة 5 دقائق تقريبا
وبعدها ريستارت وعلامة مربع وفيها سهم لفوق الى هى بتاعة installation
ولما خلص فتح عادى وعملت انا بقى اعادة تعيين الى بيانات المصنع عشان مكنتش عارف ان الماركت بيتغير اسمه زى ما حضرتك وضحتلى ... وبعدها ملقتش الميوزك والصور الافتراضية والفيديو اللى بتكون موجودة مع التليفون فى الاول ؟؟؟
هل كده فى مشكلة انهم مش موجودين ؟؟؟ وهل انا مجتاج اعمل سوفت وير جديد ؟؟
ولا كده عادى اكمل بالتليفون ومش مشكلة الميوزك والصور الافتراضية دى ؟؟
عذرا بس عشان انا زى ما قلت انى جديد فى الاندرويد
شكرا يا باشا مرة ثانية

waelgam2005

2012-03-10 (06:31:08AM)

فى البداية احب ارحب بيك معانا
بالنسبة للماركت فا هوا متلغاش ولا حاجه هوا الموضوع وما فيه ان اتغير الاسم بدل ما كان Market بقى اسمه Play Stores والشكل اتغير بقى علامة البلاى والتحديث مش هيبوظ حاجه فى السيستم ولا اى حاجه انا بس اللى مستغربله حتة انك الجهاز عمل التحديث على اربع مراحل دى وفى كل مرحلة يعمل ريستارت ؟؟؟ حضرتك تقصد بانه تحديث عشان اللى اعرفه التحديث بيتم على خطوة واحدة وبيعمل ريستارت مرة واحدة بس

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Xperia neo V

مقارنة

Android
480 x 854 pixels, 3.7 inches (~265 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Xperia neo V

Android

480 x 854 pixels, 3.7 inches (~265 ppi pixel density)

3G

5 MP, 25...