The Fox
2012-04-29 (11:54:10PM)
يعنى التعليق على الاسئله دى عايز تفصيل كتير لان فيه اكثر من عامل فى الكلام .
مبدائيا الموبيلات الجديده عموما "معظمها " بيكون مزوده بشاشه ضد الخدش ولكن الموبايل نفسه ممكن لو وقع يتكسر جزء منه او لو وقع على الشاشه مباشره ممكن تتخدش . فبشكل عام لازم التعامل يكون بحرص وتشترى جراب .
موبايل ال LG مش كويس باختصار لانه فى مشاكل فى السخونه ,, بيسخن بدرجه عاليه ومش حيتم تحديثه ومعظم اللى قراته عنه كان سلبى .
بالنسبه للكيبورده والتاتش ... فى فرق كبير جدا بين تاتش 5800 و بين تاتش الاجهزه الحديثه عموما لان التكنولوجيا نفسها مختلفه فلو السبب فى الكيبورد هو الخوف من ان التاتش سيئ او متعب ,, فده مش موجود فى تاتش الاجهزه الجديده .
1600 جنيه واهم حاجه النت والشاشه والكاميرا والصوت ,,
الموديلات اللى فيها كاميره 5 ميجا او اعلى + فلاش + HD video هى :
1 - السونى اريكسون مينى 1150 وده كويس جدا ورخيص وشاشته كويسه , عيوبه حجمه صغير ومافيهوش كاميرا اماميه " للفيديو كول والشات وعن خبره انا معملتش شات فيدويو من اكتر من 6 شهور يعنى ممكن يكون عن البعض عيب او لا "
2-السونى اريكسون واكمان 1250 وده نفس حجم ال 5800 بالظبط بس يمكن النوكيا اطول قليلا والسونى اعرض ,, ميزته شاشته اكبر من المينى وفيه كاميرا اماميه وسمعات استريو وتوزيع الازرار حول الهاتف افضل من المينى .
3- السونى مينى برو 1350 وده زى المينى بالظبط وبكن زياده كيبورد وكاميرا اماميه ولكن شاشته اصغر من الواكمان ومفيهوش سمعات استريو
4- سونى اريكسون راى 1650 وده شاشته اكبر قليلا من الواكمان ولكن الكاميرا بتاعته 8 ميجا بيكسل وشكله شيك جدا وانيق وتصميمه يدخل فيه معدن , عيوبه ان الكامير الفلاش بتاعه مش اوتوماتيك " ولكن يمكن جعله ON or OFF "
5- سونى اريكسون نيو فى 1750 وده شاشته كبيره ولكن كاميرته 5 ميجا وليس 8 ميجا مثل الراى
6- سونى اريكسون اكسبريا برو 1975 وده نفس حجم شاشه النيو وكاميرا 8 ميجا زى الراى ومخرج hdmi للتوصيل بالتلفزيون وموجود بالعلبه كات 8 جيجا + كابل hdmi
7- سامسونج جالكسىW - وسعره 2150 - وده بالظبط زى النيو فى فى حجم الشاشه والكاميرا ولكن البروسيسور اسرع .
جميع موديلات سونى نفس البروسيرور والرام ,, السامسونج برويسسور اعلى ولكن نفس الرام .
جميع موبيلات سونى حيتم تحديثها للاصدار الاخير من اندرويد ICS ,, السامسونج لن يتم تحديثه ولكن سوف يتم عمل تحديث اخر لاضافه بعض مزايا ال ICS للسامسونج والتحديث اعتقد اسمه value pack .
موديلات سونى مينى ومينى برو و واكمان نفس البطاريه 1200 mAh,, الراى والنيو فى و الاكسبريا برو السامسونج W نفس البطاريه 1500 mAh .
الاختيار حسب احتياجك الشخصى والميزانيه ,, يعنى الواكمان نفس حجم ال 5800 وسعره كويس ,, المينى برو اصغر بس فى كيبورد ,, الراى شكله كويس وكاميرته حلوه ,, الاكسبريا برو فيه كل حاجه ,, السامسونج W نفس امكانيات النيو فى .
اخيرا قصه سامسونج وسونى اريكسون كموديلات هى قصه تسويق بشكل اساسى بس فى النهايه هى منافسه بين شركتين كبار جدا فى الصناعه وكل شركه ليها ميزه عن الاخرى .
بالتوفيق وعذرا على اطاله الرد .
كالعاده عندي استفسار بس قبله عايزه ابدي اعجابي الرهيب بالموقع بجد جامد وفيه اي معلومات الواحد ممكن يحتاجلها وكمان الناس هنا حبين انهم يساعدوا بعض جمييييل :)
سؤالي ؟؟
انا نويت اشتري الموبايل ده ,, لكن كالعاده خايفه لأني ما جربتش ال اندرويد قبل كده !!
هو الموبايل ده افضل ولا LG p970 وهل الفرق بينه وبين ال pro وال neo كبير ولا لأ لأني المبلغ اللي معايا 1600 بس
انا بالنسبه للموبايل اللي عايزاه استخدامي للانترنت كتير ويهمني صورة الفيديو والصور عموما .. كمان مهتمه بالكيبورد عشان الشات لكن لو الموبايل مش حلو يبقى مش مهم الكيبورد .... الصوت برضه اكيد مهم وما يكونش صعب ف استخدامه ويستحمل الخبط لأن الموبايلات بتقع مني على طول :( في واحده صاحبتي معاها موبايل قديم سوني اريكسون بس هي مش عايزه تغيره بتقولي مستريحه فيه وبيستحمل
انا موبايلي الحالي 5800 xpress nokia وبجد استحمل معايا وقع مني كتيييير جدا بس ال touch بتاعه تقيل وعايزه اجرب ال android system طولت عليكم بس ياريت حد يجاوبني حقيقي محتاره ؟؟