هذا الموضوع مرتبط بـ Live with Walkman

بدون عنوان

Mgms88

2012-12-02 (01:04:30PM)

اللى محتاج جراب للعدة او لزقة شاشة
هيلاقيها فى محل العفاريت اول شارع مراد من ناحية ميدان الجيزة
الجراب لونه اسود بــ 20 جنيه
لزقة الشاشة بـــ 20 جنيه مع انه مبالع فيها بس المضطر يركب الصعب لان الحاجات دى نادرة جدا وممكن متلافيهاش تانى

miz0ooo0

2012-12-08 (01:51:30AM)

الف شكر يا معلم :)
انا مسترخم موضوع ال root لأن عل gb لازم ارجع لأصدار اقدم من اللى عندى بس اول ما اعملو هجرب ال bravia eng عشان عايز اعرف بتعمل ايه :)

Mgms88

2012-12-07 (09:20:18AM)

بص يا ميزو لو عامل روت يبقى شوف اللينك دا انا اللى عامل الموضوع :D

انما بقى لو مش عامل روت فانا كنت عامل مزامنة مع حسابى على جى ميل
ونزلت برنامج عشان اعمل باك اب للرسائل
والباك اب بيبقى على الميمورى كارد انا قعدت ادور على برنامج يعمل باك اب على الكمبيوتر زى بتاع نوكيا كدا بس ملقتش حاجة
على العموم لينك البرنامج اللى انا قولتلك عليه اهو

miz0ooo0

2012-12-06 (11:19:08AM)

الف شكر عل شرح الوافى ده انت فينك من زمان :))
اول ما اعمل للموبايل root هجرب الحوار ده بس قولى ازاى بتعمل backup و بيبقى عل موبايل نفسو ولا ال pc
و ياريت لو عندك اللينك بتاع ال topic الأصلى عشان اشوف لو فى لل GB ولا لأ

Mgms88

2012-12-05 (01:13:42PM)

للاسف يا ميزو النسخة اللى عندى بتاعت الايس كريم وجيت اشوف اللينك بتاع الجينجر بريد اتمسح ومش لاقيه على العموم اللينك بتاع الايس كريم اهو لو حاولت تجرب

والشرح كالتاتى
البرنامج يدعم جميع أجهزة xperia 2011 وأنصح بأخد backup في حالة حصول أي مشكلة لاقدر الله !!
الخطوات لكي يعمل البرنامج بصورة صحيحة :

1- لابد يكون جهازك به root وتكون مسطب النسخة الرسمية للجهاز ...
2-تقوم بتفعيل خيار USB Debugging ... وذلك من Settings >>> Applications >>> Development
3-تفك الضغط عن البرنامج ثم تفتح افتح SE_Extreme_Tweak_Installer.exe
4-من قائمة ---------select option------------ تختار التعديل المطلوب ثم تضغط install
التعديلات التي يدعمها البرنامج :

1-الريكفري ... أو cmw ...
2- mega-bass وهي تقوم بتعديل صوت الجهاز في headphones وليس هناك خيارات لتشيغلها أو ايقافها

3-java وهي لتشغيل ملفات الجافا أو الملفات بصيغة jar.
4-bravia engine لأجهزة x10 , live with Walkman
هناك أيضا خاصية لتسطيب ملفات apk من علي الكمبيوتر ... ولعمل ذلك تنقل الملفات المراد تسطيبها بصيغة apk. الي مجلد apk والذي يوجد بمجلد البرنامج ... تؤشر علي apk installer في واجهة البرنامج ... تختار الملف الذي تريده ثم تضغط install .
المهم هتوصل جهازك بالكابل لحد ما الجهاز يتعرف عليه
هتختار من Select Option الحاجة اللى انتا عايز تسطبها وبعدين Install
هيخلص ويرستر وبارك الله فيما رزق عشان تتاكد هتتدخل على setting >display >brightness
لينك تانى من رفعى الشخصى على الفورشيرد

miz0ooo0

2012-12-05 (09:39:24AM)

يا ريت تدينى اللينك كده اشوف الحوار ده :)
لو فكرت ترجع لل gingerbread خلى بالك ان فى 3 اصدارات لل gb واحد اخرو 42 و واحد 58 و واحد 62
لو ناوى تعمل root نزل الأصدار 42 و 58 شغال برضو ما تعملش زيى و تنزل 62 ملوش طريقة انو يتعملو root لازم ترجع لأصدار اقدم و بعد ال root تقدر تعمل update لل 62 عادى

Mgms88

2012-12-04 (12:39:26PM)

بالنشبة لـــ587 هو كان معايا حلو بس كان الرام بتاعه9 بيتملى كل فترة كدا وبيتقل من الالعاب التقيلة فكنت بعمل ريسترت للموبايل ويفتح والرام فاضى كل 5 ايام ولا حاجة
وبالنسبة للبرافيا فانا ملحقتش اللاحظها لانى نزلتها من هنا وتانى يوم كانت منزل الــ cyanogenmod9.1
فملحقتش الاحظ الفرق بتاع البرافيا اللى بيتقال عليه
وبالنسبة للـــ اكس لويد فادا عاملى مشكلة ان التليفون فقد اهم ميزة ليه بالنسبالى وهى صوته وبالزات لما بيجى يرن فرق شاسع والله فى الخاصية الخرافية دى ودا اللى خلانى افكر بجد انى ارجع تانى للروم الاصلى بتاع الشركة بس تقريبا كدا هشوف اى روم يكون فيه البرافيا والاكس لود وكنت شوفت اكتر من روم كدا على الــ xda هادخل اقرى عليهم واقارن اكتر روم مفيهوش مشاكل وانزله واجرب لحد ما استقر على روم او ارجع للروم الاصلى تانى سواء كان الايس كريم او الجينجر بريد
* ممكن ابعتلك اللينك وتفاصيل تسطيب البرافيا لو تحب وتجربه نفسك وتقولى انطباعك

miz0ooo0

2012-12-04 (09:33:03AM)

لأ كنت عامل update ل 587 انا لسه مغير ال ICS من شهر بس ,بس ساعتها كنت عملت حاجة كده وقعت ال rom بعيد عنك فا مكنش ادامى حل غير انى اعمل flash من الأول تانى فا قلت فرصة بقى اخلص من مشاكل ال ICS ارجع لل gingerbread بس من اسوأ الحاجات اللى كانت فى ال ICS ال wifi و انى كنت بحس بتهنيج جامد او تقل لما اجى اغير ما بين برنامج و برنامج و ان كان فى فرق فى الأداء واضح خصوصا فى ال applications التقيلة
لو كنت لسه عليه كان ممكن اجرب حوار ال rom المعدلة قبل ما اعمل downgrade
انا معاك ان حوار ال Xloud ده سخيف بس لو ال rom ظابطة الدنيا خلاص ,ممكن تنزل برامج بتحسن الصوت زى bass boster مثلا
بس قولى ال bravia engine فرق معاك فى ايه ؟

Mgms88

2012-12-03 (01:37:46PM)

معلش يا ميزو الاسامى دخلت فى بعضها :D
ايوة يا عبده انا فعلا اشتريت من المحل دا لزقة الشاشة وهو لزقهالى على العدة بنفسه ومظبوطة وكله تمام بس دا كان من زمان ومكنتش اعرفه انها لسه موجودة عندiه لحد دلوقتى
هابقى انزل اجيبلى لزقتين على جراب تانى اخليهم للزمان محدش عارف بكرا هيحصل ايه :D

Mgms88

2012-12-03 (01:30:38PM)

لا يا عبده فى رومات جميلة زى ال CM خفيفة وسريعة وصرف بطاريتها اشد مليون مرة من الروم الاصلى بس عيبها انها مفيها الXLouD و الBRavia Eng
تقريبا انتا عملت ابجريد للايس كريم اول مانزل ودا كان بطيئ اوى بعد كدا نزل التحديث ليه ظبط الدنيا اللى هو اخره 587 لو عايزه قولى وانا ابعتلك اللينك بتاعه
اما بخصوص الـ bravia engine فانا نزلتها من منتدى المطورين وظبطت معايا لو عايزها قولى اظبطك ف الحوار دا
هو فعلا العيال اللى شغالة ف العفاريت عيال سمجة كدا اللى بيدخل يشترى ويكون فاهم احتمال كبير مبيرحش عندهم تانى

miz0ooo0

2012-12-03 (01:27:42PM)

انا فعلا كنت جايبها من هناك مش فاكر من آنى محل بس كانت رديئة جدا مكملتش شهرين و بقت شوارع :)

abdogivara1

2012-12-03 (12:08:14PM)

والمحل اسمو الامير عندو جربات الواحد ب 20 اسود وشفاف

abdogivara1

2012-12-03 (12:05:32PM)

يا جماعة لزقه الشاشه موجود فى شارع عبد العزيز قدام محل الامير ورخيصه
متعديش 10 جنيه وخامتها نظيفه

miz0ooo0

2012-12-03 (11:49:33AM)

لأ ماشى بال rom الأصلى لسبب انى مش لاقى rom مفهاش لعب كتيير ,كنت بدور على rom تكون مظبطة العيوب ال فى ال rom الأصلى من غير ما تغير المنظر تماما زى المعظم لكن مش لاقى ,انا كنت عاملو upgrade لل ICS بس بعد فتره من الأستخدام حسيت بفرق جامد فى الأداء فا رجعت لل Gingerbread تانى و كفارة اعملو upgrade تانى :)
بالنسبة لل bravia engine عمرها ما كانت عندى انت جبتها ازاى :)) ولا هى فى ال ICS بس اصلى نسيتو :))
بالمناسبة لسة ما عدى على الفاريت و جبت اللزقة بس الراجل السخيف اعدت افاصلو ساعة ما رضيش ينزل جنيه :)

Mgms88

2012-12-03 (12:01:15AM)

اكيد طبعا :D ميشترويهوش
بقولك يا ميزو انتا ماشى بالسوفت الاصلى بتاع الجهاز ولا منزل روم مطبوخة
انا منزل الــ cm 9.1
بس مشكلته انه مفيهوش الــ X LouD ودا مضيع اهم ميزة ف الجهاز وكمان ضيعلى الــ BraViA EnG
واهو بالمرة نتبادل الخبرات مع بعض :D

miz0ooo0

2012-12-02 (11:16:59PM)

و لو حد لقا الموبايل نفسو هناك اوعى يشتريه طبعا :))

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Live with Walkman

مقارنة

Android
320 x 480 pixels, 3.2 inches (~180 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Live with Walkman

Android

320 x 480 pixels, 3.2 inches (~180 ppi pixel density)

3G

5 MP, 25...