بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Xperia ZR
للرجوع الي صفحة الرئيسية اضغط
هنا
سوني زد ار ( الخلاصه )
تلك الخدمة مخصصة لاعضاء الموقع
معلومات سريعة عن Sony Xperia ZR
-
720 x 1280 pixels, 4.55 inches (~323 ppi pixel density)
-
3G
2G / 3G -
13.1 MP,...
انا اشتريت السوني زد ارد من شهرين تقريبا بـ 2700 وكنت محتار جدا بينه وبين الجراند تو لانهم تقريبا قريبين من بعض في السعر
بالنسبه للزد ار هنتكلم عليه نقطه نقطه
اول حاجه موضوع السخونه الي الناس بتتكلم عليه اه سعات الموبايل بيسخن ممكن هنقول عشان متقفل كويس عشان هوا ضد الميه حاجه تانيه اي موبايل بيسخن انا احويا معاه نوت تو وبيسخن برده فعادي يعني
وبالنسبه لموضوع السخونيه دا هوا الموبايل اه بيسخن بس مش دايما ولما بيسخن بيكون السخونيه العاديه مش الي تقلق
حجم الموبايل لو حطيته في جراب هتحس انهم تخين ودا مش عاجبني انا اشتريت اتنين جراب لحد دلوقت والله واحد بـ 40 جنيه وش وضهر اول لما اشتريت الموبايل جبته معاه وشيك جدا بس ركنته عشان حسيت انه متخن الموبايل واشتريت من اسبوع جراب سليكون ضهر بس وحسيت برده انه متخن الموبايل فركنته وماشي بيه كدا شكله من غير جراب احلي واشيك كتير خصوصا ان الدهر بتاعه تخس انه مقاوم للخدش علي عكس السوني زد ممكن يتخدش
نيجي للصوت بالنسبه لصوت الموبايل الصوت عادي مش عالي بس ممكن نقول اقرب للواطي لو قارنته بموبايل زي النوت تو لا فيه فرق كبير فالصوت لمصلحه النوت نو .. يعني ممكن هقلك الصوت في السوني زد ار كان ممكن يبئا اعلي حبتين بس السماعات الهدفون بتاعته جميله اوي الحقيقه وصوتها يجنن
بالنسبه للتهنيج بصراحه مهنجش معايا وسريع ومسكت موبايلات سامسمونج كتير لما بتصطبلها برامج كتير بتتقل وتحس ان الموبايل هينتحر لا الحمد لله السوني معايا خفيف جدا وربنا يدمها نعمه ومصطبله برامج والعاب واستهلكت 75% من مساحه الكارت الي المفروض ان الجهاز بيكون بطيء لما توصلها بس الحمد لله شغال معايا فل الفل وعمره مهنج والحياه زبادي فالخلاط
بالنسبه للشاشه مش هقول وحشه ومش هقول حلوة بس لو معاك سوني زد ار متحاولش تقارنه بشاشه زي الاس ثري او النوت تو عشان هتتعب نفسيا لان الفرق في صالح النوت تو والأس ثري لان الشاشه بتاعتهم سوبر أملود .. الخلاصه الشاشه بتاعه السوني من حيث النقاء والوضوح نقدر نقول متوسطه
شكل الجهاز شيكل اوي ومش صغير ومش كبير انا من الاسباب الي خلتني مجبش الجراند توو الحجم مش بحب الحاجه الضخمه ومكنتش عارف ازاي هحطه فجيبي ( بلبس بناطيل ديئه :D )
االكاميرا عاديه مش الواو بس انا فيه مشكله عندي ان نقاء الشاشه فالكاميرا سعات بحسه مش كويس مش عارف ايه السبب رغم ان الكاميرا 13 بس انا مش بحسها 13
الخلاصه الموبايل كويس مش هقول عالمي بس كويس والكلام دا والله عن استعمال وتجربه