هذا الموضوع مرتبط بـ Xperia Z2

خايف اشتري الجهاز

noname13011

2015-07-06 (05:20:14AM)

أنا دلوقتي خايف اشتري الجهاز لاني رحت سألت عليه قالي من غير ضمان 2950 وقالي الموبايل لو حصله حاجه بعد ما تطلع من المحل مليش دعوه
وخايف اجيبه لاني سمعت ان غالبا كاميرته بتبقي وحشه وصوته ضعيف وان ساعات الابديت بتاع السوفت بيبوظ الجهاز وبيأثر علي اداءه

turbomedia

2015-07-10 (01:33:04PM)

الله موضوع الضمان فى مصر ده حاجة تقرف الواحد بيدفع فلوس اكتر عشان يحس بالامان لو الموبيل حصل ليه حاجة لكن تروح لهم تشتكى من عيب فى الجهاز يتحججوا ويقولوا عيب مستخدم و موبيلك خارج من الضمان و اقرأ تجرب الناس مع الوكلاء حاجة تحزن و بذات توكيل دلتا حاجة تقرف بجد
و لو عايز تشترى جهاز بالضمان اشترى بضمان رزق الله omargamer ليه تجربة كويسة معهم
وانت برحتك الموضوع راحة نفسية اشترى من التجار اللى مرتاحله وفرق سعر بين الدولى و سعر الوكيل خليه فى جيبك و لو حصل حاجة لجهاز انا اعرف طريقة تجيب بيها قطع غيار من بره و تركبها عند اقرب مركز صيانة ليك و لان تحتاج لضمان المهم بعد متجيب الجهاز لازم الزقة الزجاج لشاشة و جراب محترم يحافظ على الجهاز و كده تمام اوى

noname13011

2015-07-10 (04:24:10AM)

يعني مقلقش من موضوع ان الموبايل من غير ضمان من الشركه

noname13011

2015-07-09 (07:50:34PM)

ربنا يخليك حبيبي كل سنه وانت طيب

turbomedia

2015-07-09 (11:47:44AM)

انت من بورسعيد اجدع ناس..اه كده انا فهمت و انا اقول ايه الاسعار الرخيصة دى .بورسعيد بلد جميلة انا رحتها من سنتين فى العيد الفطر فعلا الاسعار عندكوا رخيصة جدا عن مصر عشان المحلات عندكوا عملة بطاقة استيرادية يابختكوا
شكرا على المعلومة

noname13011

2015-07-08 (03:39:34PM)

في بورسعيد عند الممشي السياحي محلات الموبيلات كلها جنب بعضها في الحته دي

turbomedia

2015-07-08 (02:11:43PM)

طب السعر ده ليقيته فين؟ افيدنا بخبرتك

noname13011

2015-07-08 (03:55:46AM)

اولا شكرا لرد واهتمام حضرتك
ثانيا سعر المويايل في المحلات كلها نفس السعر بالظبط بل وفيه محلات كمان اقل من 2950
ده غير ان كمان اللزقه الشاشه والجراب فوق اي موبايل بنشتريه ومفيش محل مزود عن السعر ده خالص بالعكس ده اعلي سعر للموبايل لاقيته

turbomedia

2015-07-08 (03:17:08AM)

@noname13011
(انا بقي محتار بين sony xperia Z2 و nokia lumia 930) ابعد عن نوكيا و وندوز موبيل ده خالص الجهازين كويسين جدا لكن فى البرامج والالعاب الاندوريد هيغلب لان اى حاجة بفلوس فى الماركت تقدر تجبها من اى موقع تانى ببلاش لكن فى وندوز موبيل كل حاجة بفلوس

turbomedia

2015-07-08 (03:12:50AM)

@waver
(انى سمعت ان الz2 دولى اللى موجود بيبقى تقفيل الامارات و تقفيل الامارات وحش) الحوارات دى تسمعها فى السامسونج بس لكن فى السونى مفيش الكلام ده

turbomedia

2015-07-08 (02:06:13AM)

@noname13011 اولا موضوعك ينقسم لجزئين
1-المحل اللى روحتوا و اسلوب البائع معك و سعر الجهاز
الجهاز الدولى ياتى من غير ضمان و ده حاجة معروفة فمتخافش من الموضوع ده ..عادى جدا
المشكلة فى ايه؟؟؟ سعر الجهاز الدولى 3200جنية و بالفصال 3150 ازاى يقولك 2950 فى فرق 250جنية و كده ان مش مطمن ممكن جدا الجهاز اللى عنده يكون فيه مشكلة و عايز يخلص منه
و كون ان يقولك( لو حصله حاجه بعد ما تطلع من المحل مليش دعوه ) ده بياكد تحليلى لموقف
نصيحة منى متشتريش من المحل ده ابدا و اسال على الجهاز فى محلات اخرى زى دريم او محلات السراج مول وشوف

بنسبة للجهاز
(كاميرته بتبقي وحشه)كلام فارغ طبعا و الناس بتقول كده بسبب ريفيو gsmarenaبس مش هو الموقع الوحيد اللى عمل ريفو لكاميرا موقع dxomark وهو موقع متخصص فى اخبار الكاميرات بصورة خاصة عمل اختباراته و حصل الزد2 على 79 درجة و هو نفس الدرجة اللى حصل عليه Samsung Galaxy S5 و iPhone 5s حصل على 76 درجة يبقى ازاى الكاميرا وحشة!!!!!

(صوته ضعيف) الزد2 صوت الرنة 75dB ديسبل و هو نفس شدة صوت Galaxy S5 و المعلومة دى منgsmarena

(ساعات الابديت بتاع السوفت بيبوظ الجهاز وبيأثر علي اداءه) الابديت زى الفل كون ان فى ناس مبتعرفش الخطوات الصحيحة لتحديث ده قلة خبرة لا اكثر

omargamer

2015-07-07 (07:57:15PM)

لو عاوز تكون معاك افضل جهاز في الوندوز فون روح علي لوميا 930 افضل في التصميم و الكاميرا الخلفيه اما z2 افضل في البروسيسور و الكاميرا الاماميه و ضد الميه و الغبار بشهاده ip 55 /58 و البطاريه و اهم حاجه انو اندرويد يعني الستور مليان برامج و لعب عكس الوندوز فون وفي الاخر انت الي بتحدد انهي تلفون افضل لاستخدامك الشخصي .... بلتوفيق في اختيارك

noname13011

2015-07-07 (11:34:34AM)

وانا بقي محتار بين sony xperia Z2 و nokia lumia 930
ترشحولي مين فيهم

omargamer

2015-07-06 (10:54:49PM)

هاته من الوكيل لو باظ هيديلك واحد تاني انا جبته من ( رزق الله ) بي 3600 معه ضمان 12 شهر وي 14 يوم التلفون حلو جدا العيوب الي انت قولتها بعضها صح زي الكاميرا مش وحشه لو خلتها 8 ميجا او 15.5 ميجا بكسل بتكون كويسه جدا بس لو خلتها 20.7 ميجا في لون بنفسجي سعات بيجي في الصوره وهو صوته مش ضعبف او قوي هو متوسط اما بقا الابديت انا عندي تحديث 5.0.2 والتلفون مش بيهنج لغايه دلوقتي خالص لكن في اقوات بيكون سوخن جدا اما بقا لو عاوز تحته في الميه انا لسه ما جربتش الصراحه بس بيبقي مع التلفون ورقه علشان تعرف تستخدمه ازاي تحت الميه

waver

2015-07-06 (01:55:25PM)

انا مسمعتش العيوب اللى انت بتقولها دى بس انا كمان عاوز اشترى الجهاز وخايف من حتة الميه دى و خصوصا انى سمعت ان الz2 دولى اللى موجود بيبقى تقفيل الامارات و تقفيل الامارات وحش فياريت حد يرد علينا من الى معاهم جهاز دولى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

خايف اشتري الجهاز

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...