بدون عنوان

للرجوع الي صفحة سوني Xperia Z1 الرئيسية اضغط هنا

MetaEb

2014-01-13 (05:14:00PM)

شباب الموبايل ده يستاهل ولا مقلب؟
الاخوة اللي جابوه يعني شايفين ايه

OnlyOne2013

2014-01-13 (06:37:42PM)

بص هو مش معايا انا بس صحبي معاه الجهاز و بشيله اكتر منه.
الجهاز 10/10 في كل شيء والله.
صدقني شاشة و صوت و سرعة و كاميرا و شكل انيق جدا.

MetaEb

2014-01-13 (06:53:01PM)

اذن نتكل على الله
انا كنت زميل لك في اللوميا لحد اسبوعين فاتوا :)

omyoussef

2014-01-13 (07:28:52PM)

الجهاز كويس جدااا فى حاجات كتير
سرعة وهمية ما شاء الله بجد سريع جدا فى التصفح و الالعاب
التاتش سريع اووى بردو
الكاميرا كويسة جدا
صوته عالى نسبيا بس فى اعلى منه
طبعا شيك ومتميز وماتتلاقيهوش فى ايد اى حد
انا مشكلتى الوحيدة معاه بس تقريبا دى مشكل شخصية ان بطاريته بشحنها مرتين فى اليوم
وبقول انها شخصية لان فى اعضاء قالوا انها بتقعد معاهم يوم او يوم ونص

MetaEb

2014-01-14 (09:12:10PM)

شكرا ام يوسف
اطمني بطاريات الاندوريد كلها خربانة D:

OnlyOne2013

2014-01-16 (06:04:28PM)

MetaEb.
اولا شرف ليا انك تبقى زميلي.
ثانيا اللي مسك اللوميا هو بس عارف امكانياتها و تميزها عن الباقي و اكيد انتا عارف.
بس مش هتقدر تقاوم Xperia Z1

MetaEb

2014-01-16 (07:38:20PM)

الله يخليك :)
اللوميا مكنش فيه اي عيوب تذكر الصراحة بخلاف ان النظام محتاج شوية حركات كده وان شاء الله هتتعدل مع الوقت بس مكنش فيه اي عيوب
لكن بردو بصراحة انا بحب السوني ويعتبر اكتر جهاز بحب اشيله :)

oon9dc

2014-01-17 (01:05:27AM)

الجهاز انا جبته من ٥ ايام تقريبا وكان معايا samsung s4 i9505
الفرق ما بين الجهازين
الكاميرا: الزد وان بجد اقوى من السامسونج وبخصوص الزوم هو فعلا كاميرا السونى بتنغمش بس الاهم الصورة بتطلع صافية وعلى فكرة كاميرا السامسونج بتنغمش مع الزوم برده بس اقل من السونى بس الاهم هو ازاى الصورة بتكون بعد التصوير والسونى من وجهة نظرى افضل من السامسونج فى الكاميرا.
السرعة: السونى والسامسونج تقريبا نفس السرعة بالرغم من ان البروسيسور بتاع السونى اقوى ولكن الفرق من وجهة نظرى شبه معدوم
الشاشة: الاتنين متقاربين الى حد كبير ولكن السونى الوان الشاشة اهدى شوية عن السامسونج
الصوت: السامسونج اعلى فى الصوت ولكن بفرق ضئيل
البطارية: بطارية السونى بتقعد معايا حوالى يومين ليومين ونص تقريبا
استخدامى هو التصفح زى الفيس بوك الخ وتصوير وبستخدمه حوالى ساعة يوميا فى مكالمات وبطارية السامسونج كانت برده بتقعد معايا من فى المتوسط ثلاثة ايام بنفس الاستخدام يعنى السامسونج اقوى فى البطارية
الخامة والتصميم: السونى افضل فى التصميم والخامة وميزة انه ضد الميه
نظام التشغيل: انا خبرتى بصراحة فى السوفت وير ونظام التشغيل متواضعة جدا ولكن رأيي ان نظام التشغيل فى السامسونج اسهل وفى ميزات اكتر من السونى
ده رأيي فى السونى بعد ٥ ايام استخدام

تلك الخدمة مخصصة للأعضاء فقط