بدون عنوان

للرجوع الي صفحة سوني Xperia Z1 الرئيسية اضغط هنا

noraalex

2014-01-06 (08:43:13PM)

لو سمحت ممكن ي omyoussif او شريف او اى حد معاه المويايل يقولى بالظبط حاجتين هما اللى انا مقلقه منهم اوى فى شراء الموبايل ؟؟؟؟؟

1/ البطاريه بالظبط بتقعد قد ايه بالظبط بالارقام معلشى علشان انا سمعت حد هنا قبل كده بيقول بيتشحن ساعات 3 مرات فى اليوم ؟؟

2/ هل شحن الهاتف كتير بيأثر على عمر البطاريه

وشكرا اوى

asaadgad

2014-01-06 (09:24:44PM)

حضرتك الفون انا جربت قبل كدة مسكته متواااااصل و كنت مشغل الواى فاى و موصل سماعات البلوتوث و تصفح و شات و اتفرجت على فيديوهات و ده لمدة 5 ساعات و الفون نزل من 98% ل 54% و لما بفترى عليه اوى شحنه بيوصل ل 10% بعد يوم و نص او اكتر و مستحيل يقل عن كدة مهما كان الاستخدام

noraalex

2014-01-06 (09:28:38PM)

يوم ونص استخدام عالى جدا ده كده تبقى بطاريته حلوه اوى

hardtime

2014-01-06 (10:09:13PM)

noraalex
بصى حضرتك مفيش فون موجود فى اى ماركة ممكن يتشحن تلات مرات فى اليوم
لان دة مبالغة
واحد مش بيشحن الفون لحد 100% او واحد لما الفون يكون 30% يروح يشحنوا
وبالتالى دة اسموا اى كلام
موضوع شحن الفون كتير بياثر
ايوة طبعا ومعا الوقت بتهلك واى حاجة فى الدنيا ليها عمر افترضى

omyoussef

2014-01-07 (12:25:04AM)

انا اللى قلت انى شحنته ٣ مرات قى اليوم وده حصل فعلا بس ساعتها للامانة كان فى مرة منهم مكملتش شحن
يعنى مرتين بس يومها كان استهلاكى عالى شوية
انما فى العادى و الطبيعى يا نورا بتقعد ١٢ ساعه بالظبط ببقى مشغله واى فاى و بلعب وفاتحه الفيس يعنى بعمل كذا حاجة مع بعض و انا غالبا بفضل فاتحه الواى فاى على طول مبقفلوش اما لو انتى مش فاتحه النت على طول هتلاقى البطارية قعدت معاكى يوم كامل او فى حدود 20 ساعه
و هو الموبايل قدرته كده من ساعه ما جبته و موبايل زوجى زد بردو نفس الحوار هما بس يحسنوا اداء البطارية هاتبقى زى الفل لان انا بالنسبالى مش مرضية علشان كان معايا نوت 2 وكان نفس استهلاكى بس البطارية بتقعد معايا يوم كامل مفيش مشاكل
و ربنا ييسر لك الخير

noraalex

2014-01-07 (02:11:37AM)

شكرا ليكم كلكم assadgad و hardtime و omyoussef

noraalex

2014-01-07 (02:16:41AM)

بس متهيألى 12 ساعه يا ام يوسف لو استخدام عالى اوى يبقى كويس لان باقى اليوم اكيد الواحد بيقى نايم مثلا او فى البيت ياعنى انا شايفه ان لو الموبايل بيصمد 12 ساعه مع الشغل المكثف اوى يبقى حلو

omyoussef

2014-01-07 (12:01:42PM)

طيب تمام :)
يبقى توكلى على الله و هاتيه و مستنيين منك ريفيو عنه
:)

hardtime

2014-01-07 (12:51:41PM)

omyoussef
noraalex
بصوا بقى علشان كدة افترى
الموبيل يقعد 12 ساعة نت والالعاب متواصل دى تكاد تكون مستحيلة
لان احنا شايفن ان بطارية النوت3 افضل بطارية وبتقعد فى حدود 9 ساعات
فانا شايف من وجهة نظرى ان الفون كدة ممتاز كا بطارية ولو فعلا عجبك يا nora
توكلى على الله وهاتية والف مبروك مقدما

omyoussef

2014-01-07 (02:49:46PM)

طيب هاقول حاجة اخيرة
خالينا نتفق ان كل واحد حسب استخدامه يعنى انا بالنسبالى حاجة اساسية ان فاتحه النت على طول لو جوه البيت واى فاى ولو بره نت الباقه
انا علشان كان معايا جهاز بطاريته اقوى ( مع انها بردو 3000 امبير ) بس بتقعد معايا اليوم كله من غير ما اعمل ستامينا مود بالتالى بطارية الزد وان مش عاجبنى ادائها لانها بتقعد 12 ساعه بالاستامينا مود ولو من غيره هما ٩ ساعات
ممكن حد غيرى يكون استعماله اقل يبقى الجهاز تمام معاه و هكذا
انما الجهاز قوى جدا لما تقارنه مثلا باجهزة تانية تلاقى بروسيسور اعلى و رامات اعلى و كاميرا انا شيفاها كويسة جدااا
وعلى الاستخدام الفعلى الجهاز اسرع من النوت 2 سواء فى التصفح او سرعة التاتش و الالعاب
ده غير ان لغاية دلوقتى ماقبلتنيش مشكلة تهنيج خاااالص
انا راضية جدا عن اداؤه فى الآخر
:)

hardtime

2014-01-07 (02:56:28PM)

omyoussef
يا ستى ربنا يحفظوا ليكى ويباركلك فية
وما يحسد المال الا اصحابوا :))

mohaamedshafey

2014-01-07 (05:28:55PM)

انا ماشوفتش موبايل بيقعد 12 ساعه دي ابدا حتي النوت 3 والزد وان بيقعد 7 مع الاستخدام

mostafahalawa1

2014-01-07 (05:35:49PM)

حد يعرف حل لية النت مبتشتغلش و اعمل داونلود لبرامج من ال بلاي مثلا غير واى فاى بس مش من الشبكة و ازاى الحل باتفصيل لو سمحتو

asaadgad

2014-01-07 (09:23:53PM)

استاذ مصطفى

اول حاجة حضرتك هتخش على ال settings و بعدين more و بعدين هتضغط على تالت اختيار internet settings و بعدين accept و مبروك عليك النت من الشريحه