بدون عنوان

للرجوع الي صفحة سوني Xperia Z1 الرئيسية اضغط هنا

asaadgad

2013-12-25 (06:35:43PM)

من فضلكم يا رجاله محدش يعرف اجيب سماعة البلوتوث SBH52 من انهى مكان او مول فى مدينة نصر ضرورى عشان نازل بكرة ان شاء الله

sherif2090

2013-12-25 (07:02:54PM)

شوفها فى سكلت موبيل
او فية واحد اسمة الهلالى تبع سونى مصر
لو عايز رقمة ابعتلى على الخاص السماعة عندة وبيتهيئلى عملة 600 جنية تقريبا

asaadgad

2013-12-25 (07:11:35PM)

سيلكت عندهم SBH50 و هلالى ده حبيبى اصلا انا جايب الفون منه و عامله 625 بس بيقول تقريبا خلصت و قالى هتأكدلك و لسه مش رد عليا لان فرح اخته بكره :D

sherif2090

2013-12-25 (07:21:38PM)

بيقا والله اعلم مش هتلقيها لان اكسسورات سونى فى مصر قليلة جدااااااا ام الوكلاء ربنا ياخدهم
لو لئتها قلى اية فين وبكام واية رئيك فيها لانى بفكر اجبها
واية نظام الصوت فيها وهل ينفع انى اشغلها انى اسمع فيها الاغانى على طول ولا دى ملكلمات فى الاصل ومتفعش موسيقا

asaadgad

2013-12-25 (07:43:27PM)

انا شوفت ريفيوهات للسماعة دى و لل 50 الاقل منها الصراحه ال 52 عجبتنى اكتر عشان فيها مايك و سبيكر كانها موبايل صغير اما ال 50 على قد تشغيل الاغانى و المكالمات من السماعات بس ال 52 ممكن تتكلم من الهيد فون او من السماعه نفسها اصلا و السبيكر بتاعها صوته عالى مش واطى اطلاقا و لسه هلالى قايلى هيجيبوها يوم السبت و على العموم هلف بكرة فى السراج مول و كدة و ربنا يكرم

HussienArfa

2013-12-26 (03:27:53AM)

رزق الله فرع ش مصطفي النحاس ب650ج

HussienArfa

2013-12-26 (03:39:13AM)

الناس اللي بتقول السماعة مش موجودة
السماعة في جميع فروع رزق الله
sbh 50 450L.E.
sbh52 650L.E
SBH20 350 L.E
MH750 120L.E سماعة Z1السلك العادية

واي حد عاوز يستفسر عن حاجة في رزق الله يبعت علي الخاص

HUSSIEN Rizkalla Sales

shenawy12

2013-12-27 (03:54:07AM)

هو ايه الفرق لو سمحت ما بين sbh 50 و sbh 52 ?????? وهل هما احدث سماعات بلوتوث ؟؟؟وهل سماعات السونى افضل سماعات بلوتوث فى العالم ؟؟؟ شكرا

asaadgad

2013-12-27 (01:29:23PM)

بص يا شناوى السماعتين زى بعض بالظبط فى الصوت و الشاشه لكن ال 52 فيها مايك يعنى ممكن تتكلم منها بدل ما تحط الهيد فون و فيها سبيكر برضو ممكن تشغل عليه اى حاجة وصوته مش واطى على فكرة و بالنسبه لسماعات سونى انا مشوفتش شركه تانيه بتعمل سماعات زى دى و لو عملوا بيبقى كل اهتمامهم بالصوت لكن محدش عمل سماعه تقرأ بيها رسايلك او تتكلم منها الــخ

shenawy12

2013-12-27 (03:31:14PM)

طيب معلشى يا asaaadgad السماعه دى لما حد يتصل بيك هى بترن مع الموبايل وبتظهر الاسم ؟؟
هل السماعات دى بتعمل على اى موبايل ولا لازم سونى ؟؟؟؟ علشان خلاص دخلت دماغى وهاجيبها وقولى هى فين يا برنس ؟؟؟؟؟ وعامله كام

shenawy12

2013-12-27 (03:33:52PM)

معلشى اخر حاجه ايه الفرق مابينها وما بين السمارت وتش 2 اظن الاتنين نفس المهام بتاعتهم واحده بالظبط ؟؟؟؟

asaadgad

2013-12-27 (05:30:52PM)

السماعات بتشتغل على اى موبايل فيه nfc او بلوتوث و ايوة بتظهر اسم المتصل و بترن كمان لان فيها سبيكر زى الفون و هى قريبه اه من السمارت ووتش بس انا شايف ان السماعه احسن لان السمارت ووتش من الآخر مش لينا احنا و مش هتعيش معانا لاننا مخربين :D

السماعه فى فروع رزق الله هتلاقيها من 620 ل 650

sherif2090

2013-12-27 (08:07:46PM)

asaadgad
جبتها ولا لا
لو جبتها زى ما كنت متوقع جامدة يعنى ولا اية
كمان ليا سوال انا هجيب الزد وان ولحد صحبى بس بنفكر نجيبة بدون ضمان علشان الفل بكدج
اية رئيك نجيبة بدون ضمان ولا اية ...
كمان اية رئيك فى السراج مول مضمون ولا اية ؟؟؟

shenawy12

2013-12-27 (10:55:58PM)

هو ازاى يا شريف من غير ضمان العلبه بتاعه الزد ون كامله واللى بضمان العلبه بتاعته مش كامله مع ان المحلى اغلى من الدولى ممكن تفهمنى ؟؟؟؟؟ وتقولى ايه هى محتويات العلبه ؟؟؟

asaadgad

2013-12-27 (10:56:04PM)

للاسف يا استاذ شريف مش لقيت السماعه و مستني هلالي يوفرهالى و انضحك خليك فى الضمان لان الحاجات اللى بتبقى لسه نازله دى ممكن تكن لاقدر الله فيها عيب كدة ولا كدة فالواحد بيرتاح لما يكون معاه ضمان و بالنسبه للفل باكدج لو انت ناوى تجيب السماعه يبقى مش ليها لازمه و انا شوفت اكتر من ريفيو للسماعه و بجد تحفه ماشاء الله و السراح مول الصراحه مش برتاحله لو ناوى تجيب منه تليفون لان ناس كتير بتشكك فى المحلات اللى فيه و عليهم كلام كتير مش تمام ممكن تشوف حد من التجار اللى هنا افضل و على فكرة هلالى كان عارض الفون بمناسبه راس السنه على 4700 و تقريبا بالسماعات و تقدر تساله برضو

تلك الخدمة مخصصة للأعضاء فقط