Xperia Z بدون عنوان -118562

ahmedaliyossef2010

2013-05-14 (01:06:49AM)

طيب فيه ايه ؟؟ قولى حاجة جديدة فيه ؟

معلش يا جماعة بقة بلاش الدفاع الأعمى ده سونى شركة كويس بس مش الأحسن و لا فى المبيعات و لا فى قدرات الأجهزة و لا فى السوفت وير

حضرتك لما موبايل المفروض انه أقوى موبايل فى الشركة " أقصد الزد " و هينافس سنة 2013 ة يبقى صوته أضحوكة واطى بشكل كبير
لما تبقى جايب موبايل مفيهوش أى ابتكار معالجات قديمة و حتى الكاميرا مش عارفين يظبطوها سوفت وير عقيم

يا ريت يا جماعة بلاش الدفاع على كل كلمة بقة حاولوا لو الشركة قدمت تجربة فاشلة تقولوا و لو قدمت تجربة ناجحة تصفقولها

abosalah

2013-05-14 (01:46:57AM)

انا اعتقد ان سونى قادمه بس مش دلوقتى

kariam

2013-05-14 (02:02:12AM)

والله كلاامك صح يا احمد ahmedaliyossef2010 فعلا سونى بنسبه للزد طلع مش الموبيل اللى يترشح ل2013 وف مشاكل كتير

thelord

2013-05-14 (02:07:30AM)

الz المفروض كان نزل في اواخر 2012 كان هيبئه جامد مش جنب الs4 الone
دي لو كانت جيا زحف يا ابو صلاح كانت وصلت :)

alahllly

2013-05-14 (03:27:39AM)

أقوى رد!!!!!!!!!!؟؟؟؟؟؟

Mahmoudtttt

2013-05-14 (04:49:31AM)

فعلا الزد من حيث الامكانيات ضعيف من جوانب مختلفة يعتبر الحلقة الأضعف من حيث المنافسة فى 2013 ممكن مستقبلا تتحسن صورة سونى من خلال هواتف قادمة على راى ابو صلاح :)

Hector

2013-05-14 (02:57:14PM)

انا عن نفسي شايفة موبايل محترم
ممكن يكون صوتة مش عالي بس برضة مش واطي (وسط)
و بالنسبة للمعالجات و الكاميرا
البانشمارك علي ال antutu بيعدي ال20000 و دة رقم عالي بكفاية و بيعدي النوت 2 مرتاح حتي لو الاس فور او الاتش تي سي بيعدوة
اللي حيستعمل التلاتة حيلاقيهم مش بيهنجوا
و بالنسبة للكاميرا التلاتة مش كاميرات بروفيشنال
يعني الغرض منهم تصوير صور بجودة جيدة و نقية و متهايئلي التلاتة كويسيين (الفروق ضئيلة بينهم)
بس الزد بيتفوق عليهم في الشكل و التحمل
شكلة ماختلفش علية اتنين و اختبار الماية و التراب نجح فيهم
و كفاية لوجو سوني علية من قدام و اكسبيريا في الضهر

thelord

2013-05-14 (05:17:24PM)

احسن لاب ابل احسن كام كانون احسن موب ايل و سام مش بئلك معلومات جمده
هكتور الz مش موب سئ نهائي بس لما تقارنه ب الs4 و الone هتلاقيه اقل

Hector

2013-05-14 (05:36:07PM)

اقل او اعلي دة شئ نسبي من شخص للتاني
مثلا فية ناس يفضلوا الشكل و التحمل عن سرعة البروسيسور و علو الصوت فيختاروا الزد
فية ناس يفضلوا الصوت فيختاروا الاتش تي سي وان عن الزد و الاس فور
ة اللي يختار بروسيسور عالي (حتي لو في الاستخدام كلة مابيهنجش بس حب احساس بالقوة) فياخد الاس فور
(لو لم تختلف الاذواق لبارت السلع)

thelord

2013-05-14 (05:41:32PM)

ارجع لكلامك كاتب سوني افضل من اي شركه في كل حاجه
نزل البرنامج داه و اقراء الكلام الي فيه

..

jeneral2014

2013-05-14 (05:43:12PM)

@ahmedaliyossef2010
استاذ احمد .. بجد انت صدمتني بكومنتك ده
ال Z تجربة فاشلة !!!!
مبدئيا ال Z متعملش انه ينافس ال ONE , S4 و الدليل ان الشركة اعلنت عنه و نزل السوق قبل ما الناس تعرف اصلا امكانيات ال One و S4 ده اولا

ثانيا حضرتك بتقول سوفت وير عقيم !!! انت اتعاملت معاه ؟؟ فرضا حضرتك مش بتحبه .. اوكي دي حاجة خاصة بيك بس متقللش من الجهاز لأن فيه ناس تانية بتحبه !!
انا مثلا مش بحب السوفت وير لل HTC عموما .. بس عمري ما ذكرت ان ال HTC السوفت وير بتاعه عقيم لمجرد انه مش عاجبني .. اسأل اي واحد معاه الفوون ده فى الموقع هنا و شوف السوفت وير عاجبه ولا لأ ..

ثالثا .. الصوت .. الصوت اه واااطي و جدا كمان .. طيب حضرتك اتعاملت مع ال iphone 4 .. ؟؟
علي فكرة ال iphone 4 صوته وااطي برده و اثناء المكالمات صوته زي ال Z كده .. بس هي مسأله تعود مع انها عيب بس عيب يمكن التعايش معااه .. خصوصا اني انا شخصيا الموبايلات اللي اتعاملت معاه كلها صوتها واطي زي iphone 4 , xperia sola

رابعا .. انت بتقول ان الموبايل مفيهوش اي ابتكار !!! هو فيه شركة غير سوني من الشركات الموجوده حاليا بتقدم موبايلات صالحة للاستخدام الشاق زي سوني ؟؟ مفيش
ضد المياه ضد التراب .. و ضد الصدمات برده (( المنطقي منها ))
و هل الابداع عند حضرتك انها تنزل معاجات جديدة و خلاص .. طب الفوون نازل بمعالج قديم .. هاات اي واحد برده موجود هنا و اسأله المعالج القديم ده بيأثر معاه تأثير فعلي فى الاستخدام ولا لأ ..
و بالنسبة للكاميرا .. هقول لحضرتك كلمة واحدة بس و هي متاخدش بال Reviews اللي علي النت او بالفيديوهات لأن الواقع بيكون مختلف شوية .. انا مقلتش افضل من ال ONE او ال S4 بس هي كاميرا ممتازة اذ اعتبرناها انها اولا و اخيرا كاام موبايل يعني تصوير سريع مش للتصوير المحترف ..

انا شخصيا معترض علي ال post اللي بيقول ان ال ZR هينافس لأنه فعلا مفيهوش جديد .. بس مش دفاع اعمي .. الموبايل امكانياته هايلة و ممتاز و الشركة تستحق الاحترام .. مش علشان يوجد امكانيات افضل منه يبقي يبقي الموبايل ده وحش و عقيم و مفيهوش اي ابتكار و كمان نقول عليه تجربة فاشلة ..

اسف علي الاطالة ..

اولا و اخيرا يا جمااعة بعد اذنكوا .. الموقع مخصص للأستفادة العامة للمقبلين علي الشراء و ليس للمقارنات .. لو حد عاجبه الفوون دي حاجة كويسة و لو مش عاجبه يقدر يشوف الموبايل اللي يريحوا و يقول اراءه فيه فى الصفحة الخاصة بيه .. انما مش هنفضل في شد و جذب للاراء و ده افضل و ده اسوأ لأن عمرنا كلنا ما هنتفق علي موبايل بعينه .. فبلاش نقاشات مش هتقدم جديد زي التليفون ده وحش و ده حلو و هكذا ..
ده سوق و مفيش فيه حاجة كاملة :)

@ahmedaliyossef كلامي مش موجه لحضرتك بالأخص طبعا بس فعلا اظن اننا اكتفينا مقارنات و انت عارف :)

ahmedaliyossef2010

2013-05-14 (06:38:53PM)

أول حاجة بس أحب أرد و خصوصا على العضو المحترم jeneral2014 لأن أنا من الناس اللى بتحترم وجهة نظره و آراؤه جدا

معلش يا أستاذ لما حد يقول ان شركة سونى دى أحسن شركة و فى كل تعليق و يقول الشركات التانية دى تعبانة و مش عارف ايه معلش يبقى كدة هو اتحول ل fanboy

شركة أبل اللى أنا معجب بتصميماتها و أجهزتها فى كل المجالات لو نزلت حاجة وحشة أو فيها عيب لازم اقوله زى ان ios مفيهوش أى جديد محتاج تغيير جذرى

نرجع للموضوع لما حضرتك تيجى تقارن بين أفضل 3 موبايلات على الساحة اس 4 الوان و الزد
أنا هسألك انت هتحط الزد أصلا فى المقارنة ؟ استحالة

لما تيجى تقولى السوفت مش عاجبنى شخصيا يبقى مش معنى كدة انه وحش
طيب أنا عاوز حاجة جديدة فى الزد قولى حاجة واحدة قولى حاجة واحدة تخليه أفضل جهاز فى 2013

شاشة الأسوأ بين المنافسين سوفت وير مفيهوش أى حاجة هارد وير مفيهوش جديد
مفيش أى حاجة مبتكرة يعنى كمثال فى السوفت وير أنا جربته قبل كدة أول حاجة مفيش file manager بلاش دى ممكن تنزلها أى برنامج مفيش أى حاجة جديدة زى مثلا فى التصوير zoe و لا air gestures و لا أى حاجة أنا عاوزك تقنعنى انى أجيبه بدل الوان أو الاس 4

و اللى بيقول الكاميرا سونى أحسن شركة فى الكاميرات أنا عاوز أقولك ايه رأيك فى الأيفون 5 بكاميرا 8 ميجا و بيتفوق على الزد " و على فكرة بعدسات سونى القديمة :) "

و معلش أستاذ mohamedalznaty يا ريت حضرتك تقولى على دليل على كلامك أفضل لابات أكيد أبل و غيرها كمان أفضل كاميرات عندك كانون و نيكون

و فعلا احترمت ردك أوى لما بتقول على كلامى كلام فاضى و لو بتقول على مبيعات الزد جبارة يبقى ما سمعتش عن المبيعات أيفون 5 محقق فى أول يوم أكتر من 5 مليون جهاز مباع

و عاوز أقولك حاجة أنا مجبتش كلامى من المواقع و لا حاجة الناس اللى جابت الموبايل هى اللى قالت انه صوته واطى جدا متحاولش تقنع نفسك بحاجة علشان انت بتحب الشركة

أنا عاوز أقولك حاجة بس أنا من أكتر الناس المعجبين بسونى بس هى دايما متأخرة بخطوة زى ما قال اسلام الموبايل ده كان ينافس السنة اللى فاتت يبقى كويس لكن السنة دى استحالة

و أحب أقولك لو على الشكل و الخامات انا أفضل الوان بكتير عن الزد لو على السرعة و الكاميرا أفضل الوان لو على الشاشة الوان لو على أى حاجة فى الموبايل برضه الوان

لأن سونى مقدمتش حاجة كأنهم جابوا حاجات السنة اللى فاتت و حطوها فى موبايل علشان يذهلوا الناس فى الأول و يدوب لما الوان و الاس 4 نزل اتنسى الزد ده خالص

ahmedaliyossef2010

2013-05-14 (06:39:56PM)

و يا ريت يا جماعة اللى سألنى سؤال و أنا مجاوبتهوش يسألنى عليه تانى علشان أنا كنت برد على ناس كتير فى نفس الوقت و أكيد فى أسئلة وقعت منى

Hector

2013-05-14 (07:14:25PM)

شاشتة ممتازة و فية file commander زي ال file manager نازل معاة
و برنامج الوكمان ممتاز و mini apps و themes و سوفت ويرة ممتاز عماتا
شاشتة ممتازة
عاوز ققول انة اللي استعملوا الموبايل بيشكروا فية
و اللي ماستعملهوش بيذموا فية لية
مش المفروض انة اللي استعملوة هما اللي يقولوا ملاحظتهم؟

jeneral2014

2013-05-14 (08:20:54PM)

نفس رد الاستاذ هيكتور بالظبط بخصوص ان الموبايل فيه البرامج المذكورة و كلها ممتازة ..
+ انت عارف ان ال air gestures دي اول حد عملها هي سوني .. ال glove mode فى ال sola فيه نفس الفكرة و كانت فى الموبايل كله مش الكام بس ..

و مبدئيا كده لو هنتكلم عن افضل فوون فى 2013 ف ال Z بره الحسبة .. بس برده مش معناه ان ال one و ال s4 افضل منه فى كل حاجة .. لأنه بيتفوق باكتساح فى حاجات مش موجوده فى الباقى زي مقاومته للاستخدام الشاق .. اظن هو افضلهم (( و ده سبب يخلي الناس تعتبره الافضل لأن اهتمامهم بالسوفت وير و الامكانيات اقل )) مع ذكر برده ان فرق الامكانيات مش هو الفرق الشاسع اللي هيأثر علي الاداء اطلاقا .. فالأفضلية هنا افضلية تقنية بحته مش هيحس بيها اي مستخدم لأن امكانيات الفوون كافية الي حد كبير لأي مستخدم

سوني مش الافضل علي الساحة اكيد .. خصوصا فى الدعم لأن بنسبة كبيرة دعم sony كله منصب دلوقتي فى ال Z و ناسيين باقي الموديلات .. + تأخير وصول التحديثات للموديلات اللي قبل ال Z ..
انا شخصيا مش معجب غير ب apple و لو غيرت ال Z هغيروا ب apple .. بس سوني انا معجب بيها في انها دخلت سوق ال smart phones من سنة بالظبط >> june 2012 .. كان اول اصدار xperia U و دلوقتي هي ليها هاتف من افضل 3 فى العالم .. حتي لو مش الافضل بينهم ..

و يا احمد .. ملوش لازمة الجدال .. لأن الناس المتعصبة لرأيها مش هتغيره و انت برده شفت قبل كده و عارف ..

ahmedaliyossef2010

2013-05-14 (08:27:53PM)

يا أستاذ Hector محدش قال انه موبايل وحش اللى أنا بقوله انه موبايل أقل من انه ينافس على أحسن موبايل فى 2013

حضرتك بتقولى الشاشة حلوة ؟ تمام هى حلوة لكن لما نيجى لزوايا الرؤية سيئة جدا

تطبيق الووكمان كويس ؟ تمام هو كويس بس لما يبقى الصوت نفسه منخفض ؟ و لما تيجى بقة تقارنه ب htc one اللى فيه السماعات ستيريو و البيتس أوديو هيبقى كويس ؟

سوفت وير ممتاز ؟ تمام ممتاز لكن لما تيجى تقارن بينه و بين الاس 4 هتلاقى الاس 4 يكتسح بسهولة
لما تيجى تقارنه مع الوان الوان يكسب بسهولة بالبساطة و الخفة و السرعة و مع zoe فى الكاميرا و تصوير slow motion و مع كمية الاعدادات الكبيرة اللى تقدر تعملها ده غير الشكل العام للسينس 5 أحسن أكيد

و حتى شاشته 5 بوصة متاخد منها جزء علشان مفاتيح الأندرويد

أنا عاوز سبب يخليه موبايل فعلا يستحق المنافسة مفيش باستثناء انه ضد المياه و دى سهل جدا انك تجيب جراب و تحفظ الموبايل و خلاص ده غير ان فيه شركات كتير " خارج مصر " ممكن تبعتلهم الموبايل و يخلوه ضد المياة بتقنية nano coating

ahmedaliyossef2010

2013-05-14 (08:37:30PM)

فى حاجة بس أحب أوضحها air gestures دى مش اللى موجودة فى السولا
اللى موجود فى السولا اللى مسماه floating touch و برضه اللى موجود فى اللوميا 920 و اللى مسماه super sensitive touch هو ده الموجود فى الاس 4 و ده معتمد على الهارد وير مش السوفت وير

air gestures دى انك تقدر تقلب فى الصفحات و الصور و غيرهم عن طريق التلويح باليد
و أنا لما قولته ده كان مجرد مثال يعنى فيه حاجات كتير جدا غيره فى الاس 4

بالنسبة للزد بيتفوق باكتساح فى الخامات ؟؟ فأنا شايف خامات الوان راقية جدا جدا و بفضلها كتير أوى عن الزد الاس 4 مش هقولك انها أحسن لأن أنا عن نفسى مش بفضلها
و رديت قبل كدة على موضوع المياه ده

لكن لو اتكلمنا عن باقى الامكانيات مش هتلاقيله مكان بينهم
و لا صوت و لا شاشة و لا سوفت وير و لا و ولا .....
ده طبعا غير الدعم اللى انت قولت عليه

و بالنسبة لاكسبيريا يو الناس فضلته علشان سعره كويس و امكانياته كويسة و مش هجادلك فى دى

Hector

2013-05-15 (12:51:52AM)

الشاشة بتبقي خمسة بوصة بالكامل و الزراير بتختفي عند تشغيل افلام او صور
و بالنسبة للصوت الاتش تي سي وان مميز عنة و عن الاس فور بمراحل بس الزد و الاس فور شفت فيديوهات تقريبا الزد و الاس فور زي بعض تقريبا
الشاشة انت بنفسك قلت انة الاتش تي سي و الزد بييجي لكل بيكسل 3 sub pixel علي عكس الاس فور اللي بييجي ب 2
و الزد شاشتة 5 بوصة يعني اكبر من الاتش تي سي
يعني الزد هو الوحيد اللي 5 بوصة ب 3 sub pixel
هو الفرق في البكسلات مش ملحوظ بس اكيد دي ميزة للزد حتي لو مش ملحوظة و زوايا الرؤيا اقل منهم لكنها جيدة مش سيئة و في الشمس بيتشاف كويس
سوفت ويرة انا بصراحة مش شايف فية حاجة ققل منهم بالعكس انا شايفة مميز
صدقني كلمة ققل منهم دي شيء نسبي من شخص و التاني
انا عن نفسي كان نفسي صوتة يبقي زي الاتش تي سي بس انا شايف انة الزد احلي منة كشكل و خامات
بتفكرني بايام لما كنت بشتري كوتشيات مع صحابي و نقاوح مع بعض انهو احسن ال Nike ولا Adidas ولا puma ولا ولا .....
صدقني كلة في الهجايص كل واحد بيجيب موبايل بيدقق قوي كدة في الاول و بعد كدة كلة محصل بعضة

OmarOmda

2013-05-15 (01:07:31AM)

الناس اللى بتقول الS4 مش بيهنج ... انا استعملته وطلع بيهنج اكتر ما بيشتغل وربنا موبايل عقيم جدااا وجربتو ف ايدى مع الايفون 4S والايفون اكتسح ف جودة الكاميرااا وسرعة فتحها وسرعة الجهاز وانه بيشيل كم كبير جداا من الApps ومش بيهنج انما السامسونج جلاكسى s4 كان بيعيط منى حتى الوان الكاميرا مش واقعية ودا جربته بايدى ادام عينى مش ف اختبارات ملهاش اساس من الصحة على النت .. انما الhtc 1 مع الاسف الشديد سه ممسكتهوش ف ايدى لحد دلواتى ومن وجهة نظرى واللى انا شفته ادام عينى من غير اختبارات على النت ولا حد قالى ان الZ يتقارن مع الايفون على حسب اللى شوفته ادام عينى ومع الhtc 1 لان الشركة كبيرة بردو ومنتجاتها محترمة والموبايل يستحق بشهادة ناس مجربااه بس بردو مقدرش اجزم لانى مجربتوش وانا من النوع اللى لازم اجرب الحاجة بنفسى واحكم بنفسى مش حد يقولى دا حلو اجيبه وخلاص لاء :) والناس ازواق وكل واحد بيحتاج لحاجة ف ياااريت بلاش نكره حد ف اى سلعة ولا اى منتج ولا اى حاجة اصلا وكل واحد فاهم ويشوف هو بنفسه ويختار ويقرر ويشترى وهو حر :) وبردو معنى كلامى انى مش بقول السامسونج وحشة بس كل اللى بقوله انى برد على اللى بيقول مش بيهنج لاء على فكرة بيهنج وربنا وتقيل جدااا :)

ahmedaliyossef2010

2013-05-15 (01:18:57AM)

الزراير بتتشال فى الأفلام و الصور ماشى بس فى الألعاب ؟؟ لأ :) يعنى برضه حجم الشاشة متاخد منها و فى التصفح كذلك

و أنا قولت ان الاس 4 أحسن علشان الفرق مش هيبان ده بالاضافة ان زوايا الرؤية أحسن
الألوان بتبقى فاقعة كدة ناس تحبها و ناس لأ " أنا مش بحبها :) "

بالنسبة للسوفت وير مقولتش انه وحش أنا بقول مفيهوش أى حاجة جديدة كأنهم جايبين الأندرويد و حاطينه كما هو حتى الكاميرا مفيهاش أى جديد حتى hdr video ده أصلا موجود حتى فى oppo 5 مفيش حاجة زى sequence shot و لا zoe و لا أى حاجة

لو على الشكل مش عارف ازاى الزد أحسن من الوان مثلا الزد قطعة مستطيلة مفيهاش حاجة مميزة يعنى بس برضه دى آراء و التحمل سبق و قولتلك ان الألومنيوم خامات نضيفة جدا

و بالنسبة للكلام ده أنا من تعليقى الأولانى مكونتش بفكر أعمل أى مقارنات لكن معلش لما حد يقولى سيبك من الكلام الفاضى اللى انت كاتبه كان لازم ابدأها

و أنا عند رأيى سونى متأخرة بخطوة دايما و لو بالطريقة دى عمرها ما هتمسك سوق

OmarOmda

2013-05-15 (01:29:48AM)

السونى عمرها ما هتمسك سوووووق ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الناس هنا بتقول كلام جباار بجد
وكمان السونى اسوء الكاميرااات دا انت جاى من اورانس يا ابنى مش من الارض زينااا :)) هههههههههههههههههه لا حلو الكلام دا جدااا مفيش مشاكل ماشى اللى انت متعرفهوش ان الايفون 4S اصلا عامله الكاميرا بتاعتها من عدسات سونى وسينسور سونى واحسن كاميرا ف العالم من وجهة نظرى يا سيدى علشان متوجعكش الكلمة اوى احسن كاميرات موبايلات هى السونى وانا طول عمرى بجيب سونى ومش بجيب غيرها واحسن كاميرات سونى بردو يا سيدى لو بتدايق يبقى بردو السونى احسن :DD هههههههه ناس غريبة بجد دا حتى المصورين الفوتوغرافى لما بيحبو يجيبو كاميرا بروفيشنال قوية مش بيبعدوا بفكرهم عن الكانون والسونى والنيكون :)

ahmedaliyossef2010

2013-05-15 (02:01:33AM)

OmarOmda

بصراحة أنا مكونتش أحب ان أسمع رد بالطريقة دى

بس توكلنا على الله

أول حاجة انت لو قريت كلامى هلاتقينى قولت ان أصلا العدسات بتاعت الأيفون من سونى ده لو قريت مش أول مرة أعرفها و لا حاجة

و متشكر أوى عن كلمة أورانوس دى تحسها حلوة كدة

و أنا عند رأيى سونى مش هتمسك سوق لأنها شركة بتغلب نفسها بنفسها هى مصنعة العدسات لكن أى شركة تانية فى أى حتة بتغلبها فى جودة الصور بدون نقاش شوف صور الأيفون 5 عاملة ازاى و قارنها بموبايلات سونى بتاعتك مش عارف الناس هنا بتتكلم و خلاص طيب متشوف

كمان شركة معندهاش ابتكار مفيش أى حاجة قدمتها فى السوفت وير و لا حاجة لما تشوفها تحس انك مذهول على عكس شركة زى نوكيا مثلا لحد دلوقتى مفيش موبايل بيصور تصوير ليلى الا لوميا 920 و مفيش موبايل عدسة الكاميرا بتاعته بتتكون من 6 عدسات صغيرة

مش بيبعدوا تفكيرهم عن كانون و نيكون و سونى لأ سونى هى الخيار التالت مش هتتنافس معاهم

و ده بسسب وفرة العدسات و تعددها من شركة نيكون و كانون

يا ريت يا جدعان كل واحد يا يقول كلام يتعقل يا ما يقعدش يفتى و خلاص

OmarOmda

2013-05-15 (02:22:43AM)

كويس جدااا ان يبقى ف نقاش بينى وبينك دا ف حد ذاته ممكن يوصلنا لحل اولا انا لو متابعنى انا دايما بنتقد بشكل كوميدى ساخر علشان منعملش خناقات وخلاص عادى يعنى بس عن علم بردو وعلى فكرة شوفت كومنتك وبكلامى كله مقصدكش انا اقصد كذا واحد وعلى فكرة انا مش بعترف بأى مقارنة على النت بعترف وهى ادام عينى بس دا بدايتا بس ثانيا شركة سونى مش بتاعتى :D
وعلى فكرة اورانس حلو مفيش كلام مظنش انها حاجة تزعلك بس انا ليا رأى تانى ف موضوع ان شركة سونى مفيش ابتكار الكلمة بصراحة جديدة لانج على ودنى طالعة من ايدك للكى بورد على الكومنت زى العسل :D
انا بصور فوتوغرافيا ^^ وانت بتقولى يتعقل وفتى وبتاع :D مبسوط بيك والله انا على فكرة كومنتى اللى حطيته مش قصدى بيه رد على حد انا بوريكو شكلكو بيبقى عامل ازاى وانت متعصبين لرأى يعنى كأنها مراية بس حبيت اوريكو انتو بتستفزو الناس ازاى انا بس عايز اقول ان اللى بيحب حاجة بيحبها عن تجربه ومش انت او هو او هى اللى هتكرهنى ف حاجة وتحببنى ف حاجة زى ما انا كمان مبكرهكش ولا بحببك ف حاجة والموقع اتعملو تعليقات علشان تسال ف حاجة مش فاهمها فيه اى حاجة غير المقارنات واظن هما معملوش صفح مقارنات هما عملين الصفحة دى لسونى واكسبريا زد بالاخص تقول رأيك فيه لما تشتريه تقول اللى عجبك تقول اللى معجبكش تسأل اهل الخبرة عن حاجة مش فاهمها مش علشان الناس تتخانق :D ومش عايز اى حد يزعل من اى كومنت بحطه احنا كلنا اخوات قبل اى حاجة بس سيبو كل واحد يختار بمزاجو ويجرب هو بعينه احسن ;) نفسى الرسالة توصل وعلى فكرة inBox me هقولك على كام حاجة مهمة بس بعيده عن الموبايلات والشغل دا :)

OmarOmda

2013-05-15 (02:30:48AM)

الناس اللى مش بتحب سونى ومش بتعترف بيها ومعرفش ليه بس مش مهم دا دلواتى لييه اعدين على صفحة الاكسبريااا زد :) اعد ف الصفحة بتاعة موبايلك وشركتك اللى انت بتحبها :)) ادعم الحاجة اللى انت بتحبها مش تكره الناس ف حاجة وعلى فكرة ادخل دور عليا ف اى موبايلات غير سونى مش هتلاقينى وبدخل على كله وبتابع بس مش بشارك لانى ولا بكره حد ف حاجة ولا بحبب حد ف حاجة :)

ahmedaliyossef2010

2013-05-15 (03:13:28AM)

OmarOmda

انت خليت المناقشة تاخد منحنى تانى ملوش أى دعوة بالكلام ده

الموضوع مش ان الواحد مبيحبش سونى أو شركة بعينها " أو على الأقل الكلام ده بالنسبة لى "

أنا بنتقد سياسات الشركة ليه متطورش فى الكاميرات ما دام هى أصلا المصنعة للعدسات ليه تبقى الشركة هى الأخيرة فى كل المقارنات مع انها المصنعة

و كلمة سونى اللى قولتلها بتقول عليها جديدة لانج طيب لو قارنتها بشركة زى نوكيا عندها كمية كبيرة من براءات الاختراع و كمية كبيرة من وسائل التقنية المضافة لأجهزتها

شركة زى htc أول شركة تنزل موبايل بدقة عرض 720P و أول شركة تنزل موبايل بدقة عرض 1080p و مرضتش تستخدم سينسور للتصوير بدقة 13 ميجا بكسل و حطت 4 سينسور 4 ميجا بس ultra pixel و من الأوائل اللى تحط سماعات ستيريو فى موبايل

زى شركة أبل تصميماتها ميختلفش عليها اتنين و اللى قدرت تطلع أكبر قدر ممكن من الكاميرات فى موبايلاتها " بالسينسور بتاع سونى :) " و تفوقت عليها باكتساح

بل حتى انك تتكلم عن سامسونج و اللى بتضيفه فى السوفت وير بتاعها

تقدر تقولى بقة سونى مبتكرة فى ايه ؟

الموضوع و ما فيه ان الناس مقتنعة ان شركة سونى دى أفضل شركة و ده مش صحيح
أنا هقولها صراحة أنا من محبين شركة سونى لكن صراحة فى الوقت الحالى أنا شايف انها قدمتش موبايل يستحق انه يبقى رقم واحد الموبايلات فى مختلف الفئات التانية هى كويسة جدا فيه

لكن flagship لحد دلوقتى لأ

shandidi

2013-05-15 (03:14:41AM)

الزد ار سعره مش حيقل عن 4الاف ونصف

OmarOmda

2013-05-15 (04:34:44AM)

اولاااااا السونى اكسبريا زد اول موبايل شاشته full HD بدقة 1080p وهى بردو اللى عملت التصوير البانورامى وهى من ايام سونى اريكسون وهى احسن كاميرات ف السوق ومش حكاية وجهة نظرى ولا وجهة نظر غير الموبايل ف ايدى وانا اللى اقدر اقرر واشوف ومليون حاجة سونى بتبتكر انما انت اللى مش عايز تشوف دا انت اللى حاطط ف مخك حاجة ومتعصبلها ومش عايز تغير رأيك ودى حاجة غلط وترجعلك انت مع ان دا اسمه جهل مع احترامى ليك انا بقييم موقف مش بقول عليك انت كا شخصك جاهل وانا مش فارق معااايا مين احسن من مين ان شالله يكون احسن حاجة ف السوق الموبايل الكاتريكس الصينى اللى سمعااااته Dj :D يعنى انتو بتتخانقو على حاجات ملهاش لازمة وربنا وبردو مهما الدنيا قامت واعدت انا السونى ف نظرى احسنهم زى ما انت بالنسبالك الشركة المفضلة ليك احسنهم وزى ما قولتك انا مرايتكو علشان تشوفو بتبقو عاملين ازاى ادينى متعصب لرأى اهوه والسونى احسن وانا من عشاق سونى لانى بشوفها بتقدم احسن حاجات وبشوف عدستها وسينسورها وسلطاتها وبابا غنوجها الافضل على مستوى راقى جدا وعالمى وبشوفها متطورة جدا وبشكل سريع ومتقدمة جدا ومش ف موبايلات بس لا ف شاشات والعاب زى البلاى ستيشن واللابات بتاعتها والتابلتات و و و دا حتى الدراعات بتاعتها الاحسن ف السوق تنكر :D على العموم يا سيدى والله اللى عايز حاجة يجبها وانا قولتلك وقولت كتير انى مش بؤمن بحاجة غير لما بجربها وانا جبت السونى ومرتاح لها ولاستعملها ولشغلها انا معايا موبايل سونى اريكسون غير اللى معايا دلواتى معايا واحد بقاله اربع سنين وعايش وبيعمل شغل جااامد اوى :D والكاميرا بتاعته عجباانى جداا ولونها 2 ميجا بيكسل بحالهم مش هينه يعنى :D والموبايل السونى ف ايدى شغال زى الفل وبموته شغل ولو نطق كان شتمنى بس بردو متحمل وقوى جداا وانا بصراحة بعشق تصميمات سونى وشايفها الاحسن لانها مش بتلقد :) وتصميمتها قمة ف الروعة والانسيابية وانا مقولتش ان سونى هى الاولى لكنها من الاوائل (شايف الفلسفة) :D
هقول كلمه اخيرة مفيش موبايل الاول لان مفيش موبايل كامل ...
مبسوط انى اتناقشت معاك واتمنى نكون وصلنا لحل والرسالة وصلت :))

ahmedaliyossef2010

2013-05-15 (12:29:19PM)

أول حاجة لو أخدت بالك من تعليقاتى أنا مش متعصب لرأى أو شركة

أنا بقول الكويس فى كل شركة يعنى مثلا ان شركة سونى كويسة جدا فى كل فئات الموبايل بس موبايل الشركة مش بيبقى رقم واحد و ده مش جايبه من دماغى أول حاجة المبيعات بتتكلم تانى حاجة الاختبارات بتتكلم
زى ان سامسونج كويسة بنسبة كبيرة فى السوفت وير و رديئة جدا فى الخامات

زى ان htc كويسة جدا فى التصميمات و سيئة فى دعم الموبايلات الأقدم

تانى حاجة الزد مش أول موبايل بشاشة full hd عندك htc butterfly و droid DNA و عندك oppo finder 5

و عاوز أقولك حاجة ايه الحاجة اللى حاططها غلط فى دماغى مش معنى انها ضد الشركة اللى بتحبها تبقى غلط بل ان ده مخليك fanboy

أنا بقولك انت متتعصبش لشركة زى حد فى بالى كدة زى ما بيقولوا شجع اللعبة الحلوة

thelord

2013-05-15 (01:23:17PM)

كله قال رئيه و كله اتكلم و في ناس طريقتها سيئه في الحوار
انا اعرف اتنين جابو الz واحد ندمان انه جابه و التاني باعه خلال اسبوع و اشتري النوت 2 الي هوا اقل منه و قال انه احسن

OmarOmda

2013-05-15 (02:55:34PM)

يا احمد اختبارات ايه اللى حضرتك بتتكلم فيها :) سوفتها بعينك على الواقع ولا على النت دى حاجة ثانيا سونى مش محتاجة مبيعات والا كانت عملت اعلانات بحجم اعلانات السامسونج والاتش تى سى دا عملين اعلان واحد على التلفزيون ولسه قريب وعلى النت احنا اللى عملينلو دعم كمان مش الشركة :) وانا مسكت الاس فور ف ايدى وبيهنج :)

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia Z

Android

1080 x 1920 pixels, 5.0 inches (~441 ppi pixel density)

3G

13.1 MP,...