بدون عنوان

للرجوع الي صفحة سوني Xperia Z الرئيسية اضغط هنا

amersuker

2013-04-30 (02:10:56AM)

السلام عليكم

ياجماعة انا النهارده روحت اتفرجت على السامسونج الاس 3 والنوت 2 وبصراحه نقاء الشاشه بتاعتهم هايله مع العلم انى ماستخدمتش الاجهزه دى خالص فامش عارف احكم بس بسمع انهم احسن من الزد فى نقاء ووضوح الشاشه واليوتيوب مبهدل الزد خالص فى الموضوع ده مع ان يوجد فرق كبير فى كثافة الشاشة لصالح الزد
الزد 441ppi
السامسونج اس ثرى 306ppi
السامسونج نوت 265ppi
ياريت اعرف الرد من الناس اللى شافت الجهازين

sherif2090

2013-04-30 (02:41:38AM)

انقا فى اية ؟؟؟
الزد شاشتة اقوى منهم ولكن يعيبة زويا الروئية فقط اما اذا كانت لا تهمك فى شاشة رائعة
اما اليوتيوب مبهدل الزد .؟؟؟ فى اية بالظبط؟؟؟

amersuker

2013-04-30 (06:21:33AM)

انا بأذن الله هاشتريه بكره او بعده بس بعد ما شوفت الجالكسى بصراحه خوفت فقولت اسال الناس اللى اشترته اما بالنسبه موضوع اليوتيوب بصراحه يا استاذ شريف بشوف مقارنات كتير بينه وبين الاس ثرى وناس كتير بتقول ان شاشه السامسونج اقوى ولو على موضوع زوايا الرؤيا انا مش فارقه معايا المهم يكون اقوى منهم فى درجه الوضوح

thelord

2013-04-30 (11:53:51AM)

الz احسن طبعاَ من الs3 هما قصدهم او في شاشه 1080 من سوبر امولد هتبئه احسن زي الي في الs4
بس في كلام ان النوت 2 يقرب من الz

alahllly

2013-05-05 (03:07:20PM)

الله عليك يا باشا لما بتمدح فى شاشات السامسونج
فعلا صدق اللى قال التجربة خير برهان
اصل فية دكاترة بيفتوا ان شاشات سونى انقى و اوضح
وبيعندوا حتى المواقع العالمية الرسمية
(عمار يا سامسونج)

ahmedaliyossef2010

2013-05-06 (01:30:22AM)

أستاذ alahllly

شاشات سامسونج اللى هى super am-oled بتبقى ألوانها أغمق من الواقع يعنى ألوانها متشبعة يعنى saturated

لكن شاشات LCD بتبقى ألوانها طبيعية و مقاربة للواقع أكتر و كانت زمان ألوانها باهتة و زوايا الرؤية بتاعتها سيئة

لكن مع التطور الطبيعى للحاجة الساقعة بقت ips اللى بتخلى زورايا الرؤية أفضل و فضلت تطور لحد شاشات super lcd 3 و حاجات كتير و فى أكيد من أنواعها tft
و شاشة الزد جيدة برضه و ألوانها كويسها و تعتبر من أفضل الشاشات اللى دقة عرضها 1080

مع تقل ألوان الأموليد بيبقى ليها أفضل لون أسود فيما يعادل اضاءة البكسل بتساوى صفر يعنى أسود 100% و على العكس الأبيض بيبقى سئ و أكيد الاضاءة بتاعت شاشات الأموليد بتبقى منخفضة

شاشات lcd أكيد على العكس الأبيض فيها بيبقى ناصع و الأسود بيبقى مقارب للرمادى على حسب كل شركة ما تقدر تخليه أقرب للأسود بس أكيد مش هتتفوق على الأموليد
و الاضاءة أعلى

الأموليد بتبقى بتقنية pentile matrix و ده معناه ان البكسل بيتكون من 2 بكسل صغيرين
lcd بتعتمد على sRGB و دى فيها البكسل الواحد بيتكون من 3 بكسلات

يعنى لو تساوت البكسلات فى الاتنين التفوق يبقى فى صالح lcd

اللى حضرتك بتقوله ده ان المواقع العالمية بتقول ان شاشات سامسونج هى الأفضل مش صحيح مفيش غير موقع وحيد هو اللى بيقول كدة اللى هو GsmArena و مش عارف ليه الصراحة مصر على كدة يمكن اللى بيعمل المراجعات من المحبين للألوان المتشبعة غير كدة معظم المواقع بتفضل الشاشات التانية

الغرض من اللى كتبته ده ان كل نوع شاشات ليه ميزة و عيب و كل فترة الشركات بتحاول على قد ما تقدر انها تتلافى الأخطاء دى مفيش حاجة اسمها الشاشة الأفضل فى حاجة اسمها انت بتفضل ايه

OmarOmda

2013-05-08 (02:30:43PM)

هو يقصد يا sherif2090 ان اليوتيوب يعنى ف المقارنات مبهدل الزد ..

- ردى انا كل اللى عايز يطلع حاجة بيحبها هى الحلوة هيطلع وازاى دى سهلة اوى بس الشرح يطول انما انت جرب وشوف ومش هتندم لان الزد متفوق ف مليون حاجة

تلك الخدمة مخصصة للأعضاء فقط