بدون عنوان

للرجوع الي صفحة سوني Xperia Z الرئيسية اضغط هنا

Hector

2013-03-23 (07:29:47AM)

انا شايف تاس كتير قلقانة
فعشان كدة عملت اكونت عشان ارد
انا اشتريت الموبايل من السعودية من اسبوع c6602 3g
المميزات الملحوظة
1 انيق جدا
2 سريع
3 الدقة بتاعة الشاشة عالية(فية فرق ملحوظ بينة و بين الموبايلات التانية في الافلام الهاي ديفينيشن) يعني ممكن تعد شعر الممثل شعرة شعرة في الفيلم الهاي ديفينيشن
4 اللي قلقان من البهتان مايخافش (قارنتة بالجالاكسي جراند لاقيت الجراند الوانة افقع بس السوني اوقع و اللي بتشوفوة في اليوتيوب هجايص لانة الناس دي بتبقي مشغلة البرايتنس علي الاوتو فبيبان ابهت)من الاخر الالوان احلي و البرايتنس ممتاز و زوايا الرؤية مافيهاش مشكلة
5 السوفت وير سلس و سهل و مايتوهكش
6 ضد المايه (ماجربتش الموضوع دة للامانة)
العيوب المبلوعة
1 الكاميرا لو شغلتها من صفحة اللوك سكرين بتشتغل و تصور بس لو اخترت اي اختيار من الشاشة بتطلع برة الكاميرا (لكن في القائمة بتشتغل عادي)
2 البطارية بالنسبالي كويسة بتكفيني يوم كامل لو قاعد علية علي طول و يومين تلاتة لو استخدام متوسط و لو خفيف متهايئلي ممكن يوصل اسبوع لانة تقريبا في وضع الستامينا مابيسحبس طاقة لكن فية ناس محسساني انه المفروض البطارية تقعد اكتر بس انا مش متضايق من عمرها
3 حاتفضل خايف علي الشاشة من التجريح بالرغم من الزجاج الدرجون تيل لانة الموبايل بييجي بسكرين بروتيكتور جاهز ملزوق علية علامة السوني فلو السكرين اتخدشت او حبيت تشيلة وتشتغل علي الازاز علي طول علامة السوني حتطير
العيوب اللي مش مبلوعة
1 صوت السبيكر واطي ( انا عن نفسي مابسمعهوش لو رن و مشغل تليفزيون و في اوضة تانية)لكن السماعات كويسة و المكالمات من غير السماعات كويسة برضة
2 موضوع الموت المفاجيء دة مرابيلي الرعاش و بقلق بليل اتطمن علية (بس اللي انا ملاحظة انة اللي بيشتكوا من الموضوع دة اجانب يعني اللي معاهم النسخة الفور جي و المنتديات العربي ملاقتش ولا واحد اشتكي الا واحد او اتنين تقريبا) و الاغلبية ماشتكوش
بس الموضوع مقلق لانة الناس اللي اشتكت بتقول قعدت اسبوع او 10 ايام تمام و العيب ظهر بدون سبب
احب اسأل سؤال في النهاية لانة خبرتي بال3g محدودة
هو نظام الاشترك اية في مصر و السرعة عاملة ازاي و اخرك داونلود اد اية ؟!!
و اللي اعرفة انة الفور جي اسرع من 4 ل 10 مرات من ال3 جي
لكن مايفرقش معايا لو الثري جي سرعته تخليني اشغل جي بي اس و فيديوهات من غير تقطيع
فبرجاء الرد من اصحاب الخبرة

shenawy12

2013-03-23 (10:23:37AM)

شكرا على المعلومات الهايله دى يا hector انا معاك فعلا فى مو ضوع القلق بتاع الموت المفاجئ ده بس الاخوه الاعضاء هنا طمنونى من الموضوع ده .
عندى ليك سؤال انت اشتريته بكام ؟؟
وهو علامه السونى اللى مكتوبه فوق على الموبايل دى على الاسكرين بروتيكتور ؟
وبالنسبه لأسئلتك انا اعرف ان مفيش 4g فى مصر لكن هيشتغل قريب الصراحه مش عارف افيدك اوى لكن ان شاء الله هتلاقى اجابه

Hector

2013-03-23 (12:14:33PM)

أشتريتة ب 2499 ريال من اكسترا
و للاسف اللوجو بتاع سوني علي البروتكتور فعلا

sherif2090

2013-03-23 (09:54:34PM)

سرعة ال3 جى بتوصل المفروض لحد 40 ميجا
اما هنا فى بلدنا الجميلة الله اعلم بتوصل لحد اد اية ولكن هتشتغل معاك تمام
اما الاسعار فا بتختلف من شركة للتنية ولكن على ما اظن جميعها محدودة ( بقات محدودة الميجا بيات ؟)

Hector

2013-03-23 (11:48:28PM)

مشكور يا اخ شريف
انا حبيت اضيف حاجة حصلتلي في الموبايل النهارده
وضع الستامينا علق
بقي زيه زي عدمة و بعد ما كان بيقولي فاضل اربع ايام و عشرين ساعة بقي بيقولي فاضل 23 ساعة
لكن لاقيت الشكوي دي منتشرة. في موقع سوني و لقيت واحد حلها باني اوقف ابليكشن في البروسيسور و بعدين اقفلة و اشغلة تاني
و الطريقة نجحت و اتصلح بس رجع عمل نفس العاملة تاني
انا بفكر اودية التوكيل بس مستني الابديت ممكن يحلها من نفسه

sherif2090

2013-03-23 (11:52:36PM)

بص يامعلم
طبيعى ان اول سوفت للجهاز يكون فية مشاكل وانتظر التحديث القادم 4.2.2
هيحل مشاكل كتير
بس انا قريت قبل كدة ان الوضع دة بيتعلم من طريقة استخدمك لية
بمعنى انة فى البداية بيدلك الفترة بتاعت البطارية اللى تقعدها
بس مع استخدماك هوا بيتعرف على طبيعة استخدامك وبيديلك الفترة اللى الجهاز يقعد بيها شغال على الوضع دة حسب الاستخدام بتاعك مش على حسب قوة البطارية
وصلت ولا ؟

shenawy12

2013-03-24 (01:00:59AM)

2499 و 3g ياعنى حوالى 4498 جنيه مصرى

امال ال 4g بكام بقى ده اكيد غالى اوى

sherif2090

2013-03-24 (01:38:55AM)

أل 4 جى فى السعودية ب 2650 ريال
وانجلترا ب 415 استرلينى بالشحن ب 445 استرلينى

Hector

2013-03-24 (02:01:23AM)

عيب سوني بصراحة انها مش بتطلع باي خبر يريح الزباين
كل واحد بيجيب معلومة من حتة شكل
يعني الابديت الجديد بيقولوا حيعالج الموت المفاجئ
انما يقولك اية باقي العيوب اللي حيعالجها او معاد الابديت بالظبط
مايفدكش
و رحت عالم سوني النهارده و لقيت الاكسبيريا زد الراجل فاكرني جاي اشترية
مع اني كنت رايح اشتريلة سكرين بروتكتور
فمسكت الجهاز التجربة اللي عندة لاقيت الستامينا مش شغالة برضك
فقلتلة.علي العيب دة و بسألة ازاي يبقي فيه عيب زي دة في موبايل جديد
علي امل انة يكون فاهم و يديني حل جذري
قالي اصل البطارية قربت تخلص
قلتلة اية علاقة دة بالستمينا قالي اصلها مابتشتغلش لما بيقرب يفصل شحن
عرفت انة بيسرح بيا لانه موبايلي ماكنش كدة
المهم بس عرفت انة عيب شايع
انا رأي بعد اللي شفتة انة الناس تهدا و ماتجبهوش الا بعد الابديت عشان تبقي الرؤية بانت و مايحصلكوش زي اللي حصلي و بالمرة يكون سعرة نزل
الموبايل اغلي موبايل في السعودية حاليا
فرقعت تلات اربع المرتب علية

sherif2090

2013-03-24 (02:51:38AM)

الاخبار بتبقا على موقع الشركة
اما الابديت فا بيعالج الموت المفاجى
اما باقى العيوب مع التحديث القادم للجهاز هيكون اخر الشهر او اول اسبوع فى الشهر الجديد على كلام سونى

اما معلش عالم سونى وتوكيل سونى والناس دى معلش ماهم الا باعين مش اكتر
ولا بيبقا فهم اية الجهاز اللى بيبيعة يعنى انتا بتبقا فاهم اكتر منهم ودى المشكلة عندنا فى العلم العربى كل البائيعن ليس على دراية كاملة بالمنتج الذى يسوقونة

والمشكلة دى مش كبيرة وارجع منتدى adsl الى هوا بوبة الانترنت الرقمية وهتعرف انها زى مابقولك وانها مش مشكلة ولا حاجة
وكمان فالنفترض انها مشكل انتظر اخى كل الاجهزة فى بداية الطرح بتكون كدة مش سونى بس وانا مش شيفها مشكلة كبيرة عالشان اللى عايز الجهاز يستنا التحديث

تلك الخدمة مخصصة للأعضاء فقط