هذا الموضوع مرتبط بـ Xperia U

بدون عنوان

essammagdy203

2013-05-10 (04:58:20AM)

للاسف مفيش حد هنا عنده ضمير لان لو فيه حد معاه الموبايل ده وعنده ضمير في تعليقاته علي الموبايل مكنتش اشتريت الموبايل الزباله ده ورميت 1700 جنيه علي الارض واللي ناوي يشتري الموبايل ده انا هقوله علي عيوبه الكتيييييييير اوي

abdelkarem

2013-05-11 (08:39:15AM)

على فكره الكلام اللى انته بتقوله كله مش صحيح
الموبيل ده تحفه لكن اللى يعرف قيمته والله موبيل جميل وسريع جدآ فى النت وشاشه جميله فائقه الوضوح حاول تقرنه بشاشه 256 k وانت تعرف الفرق
الموبيل ده بالنسبه لى كان عيوبه الخروشه فى الصوت بجد دى اللى اضيقت منها لان ماعرفتهاش قبل ما اشترى الموبيل اما حكايه الذاكره كنت عارفها قبل ما اشترى والبطاريه كنت عارف انها 1350 يعنى مش هتقعد معايا كتير

المختصر الموبيل كويس على اد فلوسه بس عيوبه العامه
الخروشه
صوته مش عالى
الذاكره
الباقى كله مقبول
وحكايه الضمير دى الله يسمحك

nooid

2013-05-11 (12:53:50AM)

مفيش هنا حد عندو ضمير !!!!!!!!
دا ايه الذوق دا

والله يا جمى انت فعلا راجل محترم علشان رديت أصلا

DESIL

2013-05-10 (11:43:29PM)

بص يا ابو الشباب سيادتك تقول المعوذتين و سورة البقرة علي الموبيل لحسن انت لم تستمتع بية اطلاقا فممكن يكون اتحسد و ان شاء الله يعجبك و قدر الله و ماشاء فعل

gemmmy

2013-05-10 (05:50:59PM)

معلش يا سيدي ...و عموما اتمنالك حظ احسن في جهازك الجاي ...و اديك عرفت من دا انت عاوز ايه من موبايلك الجاي :)

essammagdy203

2013-05-10 (05:44:46PM)

معلش يا جيمى بس انا فعلا محروق دمى بسبب الموبايل ده لانى اتصدمت فيه وعلى فكره انا قبل ما اشترى اى موبايل لازم اتفرج على كل فيديوهاته على اليوتيوب بس فعلا اللى اتفرج غير اللى استعمل وشكرا برضو على الرد والاهتمام

gemmmy

2013-05-10 (05:21:57PM)

و بعدين لامؤاخذة يعني انت مين ؟؟ ....انا اول مرة اشوفك هنا من ساعة ماقسم الاكسبريا u دا فتح و انا فيه ...ماشوفتكش يعني و لا شوفتك سألت حد و حد فينا ضللك !!!!! لو كنت طلبت مساعدة حد فينا وحد ضللك وللا قالك حاجة مش في الجهاز قول ...وللا انت جاي داخل فينا شمال و خلاص عشان الموبايل مش عاجبك !!!!!!!!!!!!!!!

gemmmy

2013-05-10 (04:22:31PM)

معلش لو طريقتي في الكلام باينة حادة شوية لكنها مش مقصودة

gemmmy

2013-05-10 (04:19:17PM)

مفيش حاجة مفيهاش عيوب .....الموبايلات اللي ب 5000 جنيه فيها عيوب برضه و مشاكل ....المهم تكون عارف العيوب و المميزات و اول الحاجة و اخرها قبل ما تشتريها ...كون انك مكسل تدور و رامي ودانك للناس والكلام هنا و هناك و خلاص دي مش مسئوليتنا !!!!!....انا قبل ما اجيب الموبايل دا قعدت ادور شهرين او تلاتة و افاضل بين الموبايلات في حدود الفلوس اللي معايا .....لحد ما استقريت على دا ..و انا مبسوط بيه و هو موبايل محترم فعلا وعلى مستوى العالم مش في المنتدى دا او في مصر _بس_ لو عرفت انت عاوز ايه من الموبايل اللي انت حتجيبه ....وعموما الواحد مابيتعلمش ببلاش

gemmmy

2013-05-10 (04:14:16PM)

حضرتك بتتعامل مع الموبايلات من 12 سنة لكن واضح ان دي اول مرة تختار فيها موبايل بنفسك..... لان الف باء الاختيار يا سيد عصام انك تقرأ مواصفات الموبايل و بعد مابتفهم المواصفات بتشوف له فيديوهات على النت عشان تشوف انت حتجيب ايه على الطبيعة ...و اما تقرا مواصفات الموبايل حتلاقي كل اللي انت بتقوله دا موجود قبل كدا...موضوع الشاشة الصغيرة ... الكيبورد حروفه صغيرة نتيجة ان الشاشة صغيرة مش عارف انت كنت متخيل ان الحروف حتبقى كبيرة ازاي...لكن الكيبورد دقيقة و التاتش بتاعه سريع ...و فعلا مافيهوش تاسك مانيدجر لكن موجود في التحديث سيادتك ...الاندرويد بيتحدث ياباشا و النسخة اللي انت اشتريت بيها الموبايل دا قديمة نسبيا ...الموبايل نزله كذا تحديث ......و موضوع الذاكرة برضووو موجود في المواصفات و حاجة سهل تعرفها من قبل ماتجيبه ...و كانت نصيحتنا هنا لاي حد عاوز يشتريه انه ياخد باله من موضوع الذاكرة دا ...............و البار اللي تحت دا ياباشا فيه حاجة اسمها APPS بتنزلها على الجوجل ماركت الapp دا اسمه : Illumination Bar Notification دا بيخليك تتحكم في البار دا و قوة اضائته و حتى ممكن تلغي الاضائة خالص ! ............................اما عن موضوع الصورة اللي انت عاوز تعملها خلفية دي فدا لان ممكن تعملها برضه بابليكيشن او بلانشر launcher حاجة زي الثيم يعني ...بينزل بسهولة من الماركت برضه... ............................اما عن موضوع الصوت دا فنسبي ...كان فيه السماعة الخارجية بتلغوش حبة اما تعليها على الاخر الموضوع دا قل نسبيا في التحديث الجديد ...لكن الصوت مش واطي يعني في اجهزة صوتها اوطى من كدا . وانا بصراحة عن نفسي راضي بمستوى الصوت

essammagdy203

2013-05-10 (03:56:36PM)

وعلى فكره انا بقالى سنه نفسى اجيب الموبايل ده

essammagdy203

2013-05-10 (03:50:26PM)

عيوب الموبايل ده كالاتى
1 شاشته صغيره ورفيعه وممكن يبقى موبايلات بنفس حجم الشاشه واقل كمان بس متحسسكش انها صغيره زى الموبايل ده
2 الكيبورد حروفه صغيره ومتعرفش تكتب كويس وبسرعه عليها مع العلم ان صوابعى رفيعه اوى
3 مفيهوش تاسك مانجر زى بقيت الموبايلات
4 الذاكره وحشه جدا 4 جيجا بس وانا كنت فاكر انى ممكن انزل الالعاب على الميمورى الاتنين جيجا بتاعت البرامج بس مينفعش طبعا
5 البار اللى بينور تحت ده شكله حلو بس لو عينك وجعتك منه مينفعش تطفيه
6 خامة الصنع مش حلوه
7 صوته ضعيف اوى مش زى ما كانو بيقولو مش عالى ومش واطى ده كله كلام فاضى
8 لو انت فى صوره عجبتك وعايز تعملها خلفيه مينفعش تعمل كل الصوره هتعمل نصها بس تقريبا
ولو فيه حد فاضى وعايز يعرف بقيت العيوب انا تحت امره

essammagdy203

2013-05-10 (03:36:45PM)

ايوه معندكش ضمير عشان لو حد معاه الموبيل وكان قال على عيوبه الكتير اوى مكنش حد اشتراه وعلى فكره انا بتعامل مع الموبايلات بقالى 12 سنه يعنى فاهم كويس انا بقول ايه

gemmmy

2013-05-10 (01:46:15PM)

هو عشان انت جبت حاجة ماعجبتكش تقوم تقول علينا كلنا ماعندناش ضمير ؟؟؟ ايه الاشكال دي ؟

essammagdy203

2013-05-10 (05:00:28AM)

وكمان انا عارضه للبيع وهخسر اكتر من 300 في استعمال اسبوع

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia U

مقارنة

Android
480 x 854 pixels, 3.5 inches (~280 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia U

Android

480 x 854 pixels, 3.5 inches (~280 ppi pixel density)

3G

5 MP, 25...