هذا الموضوع مرتبط بـ Xperia T2 Ultra dual

اسكرينه

farahat502

2014-05-06 (05:38:11PM)

اخوانى , لوحد يعرف الأسكرينه الاقيها ببتباع فين يا ريت يرد عليا , انا سألت فى اماكن كتيير حتى فى شارع العطارين و كله بيقولى لسه الأسبوع اللى جاى بس انا خايف يتخدش منى و لو ممكن اوفق عليه اسكرينه ايه اللى تمشى عليه و شكرا

heshamhany

2014-05-11 (06:17:55PM)

اشتريت امبارح الجراب السليكون الضهر من حماده الامير بشارع العطار ب 40 جنيه بدلا من 45 والفصال وفر 5 جنيه بس وقاللى ان الجراب الكامل والاسكرينة هينزلوا الاسبوع اللى جاى
وبرضه لو وصلت لمعلومة هبلغكوا بيها

heshamhany

2014-05-08 (06:07:01PM)

انا كلمت حماده الامير فى شارع العطار وقاللى ان جراب الظهر نزل فهحاول بكره اروح اشتريها واكتبلكوا السعر كام

farahat502

2014-05-08 (12:22:11PM)

آسف يا جماعه بقالى كام يوم مبدخلش ع الموقع , الحمد لله لقيت الأسكرينه بتاعته من يومين فى شارع العطار بعد عناء شديد لأن الموبايل جديد و لسه مفيش حاجه نزلتله و لا الجراب و لا اى حاجه , المهم جبتها ضد البصمه بالتركيب 30 ج , اكبر مستورد هناك اسمه حماده الأمير ده فى شارع الزهريه اللى موازى للعطار لسه منزلش حاجته قالى بعد يومين تلاقى عندى جراب ظهر فقط و الأسبوع القادم انشاء الله تلاقى الأسكرينه , انا تقييمى للجهاز سريعا طبعا من وجهة نظرى دى آراء :
اولآ المميزات
1-التصميم : ممتاز و شيك جدا
2-الأداء : جيد جدا و مش بطئ بالنسبه 1 GB RAM كنت قلقان منها و البروسيسور Quad-core 1.4 GHz بس الأداء سريع و جيد جدا
3- الشاشه على الرغم من انها 720 x 1280 pixels بس رائعه بجد ماشاء الله
4- البطاريه ماشاء الله بتقعد يومين و نصف او 3 ايام مع الأستخدام فوق المتوسط
5- الكاميرا مش زى ما قرأت عليه و شفت فيها اوبشن كتير و ده الحلو بس تقييمى ليها مستواها اقل من 13 يعنى ممكن تحس انها 10 او 8 mp كمان
ثانيا العيوب
1- حجم المب صعب تتعامل فى كل الوظائف بأيد واحده كبير شويه
2- خامة الظهر سيئه جدا يعنى انا بحط الموبايل ع المكتب استخدام لمدة 10 ايام و بالرغم من كده اتخدشت و بتبصم يعنى وصمه عار على SONY
3- و انت بتتكلم لازم تظبط السماعه على ودنك لأن حجمه كبير عشان تسمع بوضوح و كذلك اللى بكلمه بيقولى الصوت بعيد بسبب ان المايك بيبقى بعيد عن الوجه ده بحكم الحجم الكبير بتاع الجهاز .
بالنسبه لل 4G انا مجربتهاش و متهمنيش مدام بقدر اوصل للنت عن طريق Data connect او WiFi , سريع فى كلا الحالتين
و اخيرا انا مبسوط بالموبايل و هحاول اتلافى العيوب بأنى اجيبله جراب , و اشكر أ / heshamhany على توضيحه للزملاء لأنى لفيت كل مكان ملقيتش حاجه انشاء الله تتوافر كل اكسسواراته ابتداء من الأسبوع القادم بإذن الله تعالى .

omarmukhtar

2014-05-07 (05:34:05PM)

ههههههههه ايه الغباوه دي ^_^ خلاص يعني وقتهم الثمين ميسمحلهم يركبو السكرينه ف ثواني ! :))
عالم تفقع واخدين ف نفسهم مقلب ! >.<

omarmukhtar

2014-05-07 (05:18:06PM)

لأ انا قلتلك " احتمال " :))
عموما كويس انك لقيت .. وعقبال الجراب ^_^

heshamhany

2014-05-07 (11:13:00AM)

وؤكبت اسكرينة فى محل فى ممر من شارع شريف تمشى الحال مؤقتا ب 20 جنيه وممكن تلاقيها فى شارع العطار بالتركيب ب15 جنيه
بس رزل عليهم لانهم بيكسلوا يدورا وبيكسلوا يركبوها

heshamhany

2014-05-07 (11:11:09AM)

معلش يا استاذ عمر مختار انا اخدت كلامك ونزلت شارع شريف ملقتش اى حاجة لا سكرينة ولا وش ولا ضهر ولا جرابات
وشارع العطار المستوردين اصلا قالولى الاسبوع اللى جاى
فهل انت متأكد ولا المعلومة على السمع

01275769955

2014-05-07 (01:13:57AM)

طب يا فرحات ما تقولنا تقييمك للجهاز لانى بفكر فعلا اشتريه ... وهل يدعم ال 4G ؟!

علشان لو مش بيدعم ال 4G هضطر استنى ال HTC 816

omarmukhtar

2014-05-06 (07:18:18PM)

سكرينه وش وضهر ب 50 جنيه .. محل قدام كافيه ام كلثوم في وسط البلد :))
واحتمال تلاقي اكسسوارات ليه ف شارع شريف :))

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia T2 Ultra dual

مقارنة

Android
720 x 1280 pixels, 6.0 inches (~245 ppi pixel density)
3G

2G / 3G
13 MP, 4...

مزيد من المعلومات

الموبايلات

اسكرينه

التسجيل بالموقع

دخول الاعضاء

معلومات سريعة عن Sony Xperia T2 Ultra dual

Android

720 x 1280 pixels, 6.0 inches (~245 ppi pixel density)

3G

13 MP, 4...