بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Xperia SP
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن Sony Xperia SP
-
Android
-
720 x 1280 pixels, 4.6 inches (~319 ppi pixel density)
-
3G
2G / 3G -
8 MP, 32...
الاول احب اقول اني بعد حيرة كبيرة بينه و بين Moto g و S4 mini اختارته برغم مأيدين السامسونج هنا في الموقع لأن الاكسبريا ده فعلا جهاز كويس جدا
طيب موضوع السرعه الجهاز كان 4.1 و سريع جدا و اتحدث ل 4.3 و عيب سوني الوحيد انها مش بتجرب تحديثاتها كويس قبل ماتنزلها فبيطلع فيها عيوب بعدين بتحدث الموبايل تاني تصلح بيه العيوب
طب ايه الحل >> 4 حلول
1- في تحديث رسمي هينزل ممكن تستناه هيظبط كل حاجه
2- ممكن ترجع ل 4.1 و ده عن طريق انك هتدور على نفس الروم الرسميه اللي معاك بعدين تسطبها ببرنامج اسمه flashtool و مش هتحتاج تفتح البوت لودر
3- تسطب روم مش رسمية اسمها eXistenZ Ultra و في نسخه بلاك منها بس هي فعلا تحفه في حاجه انها جايبه كل مزايا موبايلات اكسبريا الجديده كلها منها مزايا الكامرة في ال Z2 و اي حاجه تانية في موبايلات اكسبريا الغالية موجوده فيه و كمان واجهة المستخدم هي بتاعه سوني يعني مش هتحس انك متغرب .. و كمان مش هتحتاج تفتح البوت لودر
4- تسطب رومات معدله زي CM11 و AOKP و دي هتبقى كيتكات على طول و ليها واجهة مختلفة و كل حاجة مختلفة بس ليها ناس بتحبها لانها مفتوحه جدا و خفيفه و تقدر تعمل فيها اي حاجه بس عيبها لازم تفتح البوت لودر
نصيحة مهمه : لو قررت انك هتفتح البوت لودر اوعى تعمل كده قبل ماتعمل backup لل TA Partition ده اللي فيه السيريال و المفاتيح الخاصه بجهازك و ماينفعش تاخدها من جهاز تاني هتبوظ موبايلك لو فتحت البوت لودر هتضيع و مش هتقدر تجيبها تاني عشان كده بنعملها باك اب و بتحتاج طريقه تعمل بيها روت من غير ماتفتح البوت لودر و الطريقه دي متوفره في ال 4.1 بس ... طب ايه فايده المفاتيح دي >> دي اللي بتشغل البرافيا انجن و الخدمات بتاعة سوني و من غيرها الخدمات هتبقى موجوده في الجهاز وممكن تفتحها من السيتنج بس ولا اكنك شغلت حاجه
الكلام ده كله من بحثي في موقع XDA اللي عايز مصادر او طرق شرح هجيبله بس بالانجليزي كله
اللي ناوي يعمل اي حاجه في جهازه يعملها بعد قرايه و تأني و على مسئوليته الشخصية لان في خطوات لو اتعملت غلط ممكن تبوظ الجهاز .. عشان محدش ييجي يدعي عليا