هذا الموضوع مرتبط بـ Xperia SP

بدون عنوان

scorpion673

2014-03-05 (01:23:28AM)

انا جبت الموبايل بناءا على نصائحكم وتجاربكم مع الجهاز فأحب اشكر كل شخص ساهم بتعليق ولو بسيط عن الجهاز وتجربته .
واحب اقول ان الجهاز ممتاز وسريع وفيه مميزات وخصائص كتير تجعله من اشيك الاجهزة فى التصميم والاناقة
الشاشة متميزة فى الالوان والنقاء
التاتش مفيهوش مشاكل زي متوقعت
البطارية ابهرتني مكنتش متخيل انها ممكن تكمل يوم باستخدام كثيف انترنت , العاب , موسيقي :D ودي لوحدها قصة تانية خالص XD
ابهرني تطبيق Walkman بصوت نقي جدا وصفاء صوت غير متناهي مع Light System يجعل الهاتف يخطف الانظار .
للاسف صوت نغمات الرنين متوسط :( ليه كده يا سوني يعني عملتى تليفون بالامكانيات دي وتيجي عند صوت السماعة الخارجية ومريتي مرور الكرام ؟؟؟ :@
ده بس تقرير مبدئي الى ان استكشف باقي الجهاز ..
بفكر اعمل تحديث 4.3 بس الاستاذ bIBOeGY قلقني من التحديث . عموما انا عملت نسخة backup وهعمل التحديث واجرب :D وهوافيكم بالنتائج .

remo000

2014-03-12 (12:47:40AM)

عنيا يا باشا بس انا مش عارف التوكيل ممكن يعمل اية انت اية رايكbIBOeGY

bIBOeGY

2014-03-11 (06:02:23PM)

باشا لو رجعت الـ Backup ورجعلك النسخة القديمة استأذنك اخده منك عشان ارجعه عندي انا كمان ولك كل الشكر

bIBOeGY

2014-03-11 (05:55:49PM)

مانا قلتلك بلاش تحدثه لـ 4.3

remo000

2014-03-11 (01:37:02AM)

انا رايح اودية التوكيل بكرة وهشوف اية الحل

scorpion673

2014-03-10 (05:26:11AM)

السلام عليكم ورجعنالكو مرة تانية :D
نزلت انا الابديت 4.3 ومجهز نفسي بكباية شاى فى البلكونة على اساس استمتع بالابديت الجديد :D
وياريتني منزلتو -_-
هو فيه حاجات اتغيرت فى الشكل بأة احلى وممكن نعومة شوية فى الصفحات وال Walkman بأة اوحش كان الاول احسن بكتير , وال photo album crashed .
ال Track id اتغير بس ملناش دعوة بيه :D
نيجي بأه للطامة الكبرى اللى اتكلم فيها الاخ remoo وهي اختفاء مساحة كبيرة جدا من الرامات ودي مشكلة فى حد ذاته فى نفس الوقت :D
كنت الاول مشغل برامج كتير فيس واتس فايبر ترو كولر انستجرام تويتر بيكاسا واخرون وكان المساحة المتاحة 400 ميجا يعنى النصف تقريبا
تخيلو دلوقتى فيس وواتس والكوتشينة والمتاح عندي 110 ميجا
لييييييييييييييييييييييييييييييييييييييييييييييييييييه :D
نزلت clean master وعملت reset وكل حاجة ونضفتو بالبلاور :P لكن مفيش فايدة
زرار screen shot اختفى بس ليه حل بالضغط على زرار الصوت مع الباور
light bar شغال طول المكالمة ولازم تضغط على الباور عشان يطفى
مفيش قدامي حل غير انى انزل السوفت القديم .
هو انا كنت عامل bakup لما جبت التليفون
لو عملت restore هل سيعود ولا ايه ؟
هوافيكم بالنتائج

remo000

2014-03-08 (05:33:24PM)

التليفون بقى تقيل اوووى بعد الابديت وبعد Factory reset زى ما هو اية الحل والتاتش بيعلق ف الجزء العلوى للشاشة اما بقيت الشاشة مفيهاش مشكلة اية الحل؟؟؟؟؟؟؟؟

abdo91

2014-03-06 (09:26:46AM)

يا ريت والله ابعتهملى في رساله و يا ريت كمان اسم المحل الى في الهرم و موجود فين بالظبط

scorpion673

2014-03-06 (04:14:11AM)

شكرا Hardtime لمرورك والله يبارك فيك يا كبير :D
انا فعلا MostafaMega شغلتو على ال X loud الصوت فرق بالفعل عن الاول بس عموما هو صوت walkman مع ال سماعات يخليك تتغاضى عن صوتو الخارجي اكيييد :D حتى انا بفكر ارتقي فى المستوى الحالي لل sound system بتاع التليفون واجيب EarPods Apple بس مش عارف متوافقة مع الموبايل ولا لا ؟.
بالنسبة للتحديث انا عملت Backup الاول عن طريق sony companion وهعمل التحديث دلوقتي . وهفولك ايه الاخبار بس الاول بحاول اعمل backup for playlists عشان بجد 890 تراك ترتيبهم صعب جدا خصوصا فرزهم ل playlists .
abdo انا جبتو من الهرم بس نزلت قبل كده وسط البلد ملقتوش لا فى موبايل شوب ولا بي تك ولا حتى المحلات فلقيتو بالصدفة فى الهرم بس انا معايا ارقام محلات فى وسط البلد قالتلي هينزلهم اخر الاسبوع هبقى ابعتهالك تتابع معاهم

abdo91

2014-03-05 (06:00:47PM)

انت جيبته منين يا scorpion673

MostafaMega

2014-03-05 (04:22:23PM)

شغل Xloud الصوت هيظبط معاك بالنسبه للتحديث اعملة و اعمل Factory reset الخياة هتظبط معاك أنا زيك هعملة النهاردة ان شاء الله

scorpion673

2014-03-05 (02:39:54AM)

الله يبارك فيك يا كبير :D

AHMED4ELALFY

2014-03-05 (02:35:32AM)

الف مبروووك عليك يا معلم ;)

scorpion673

2014-03-05 (01:25:39AM)

نسيت اقولكم السعر الى يوم 4 مارس 2014 كان 2300 جنية مصر
التليفون LTE + NFC
ضمان رزق الله

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia SP

مقارنة

Android
720 x 1280 pixels, 4.6 inches (~319 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia SP

Android

720 x 1280 pixels, 4.6 inches (~319 ppi pixel density)

3G

8 MP, 32...