بدون عنوان

للرجوع الي صفحة سوني Xperia sola الرئيسية اضغط هنا

SpeeDdEad

2013-05-08 (07:22:58PM)

يا جماعه انا جبت التليفون ده من اسبوع , التليفون جميل جدا جدا من ناحيه الشكل والسرعه والاستخدام وعملتله ابديت للايس كريم ساندوتش و بالنسبالي اسرع من الجينجر بريد والفرق الوحيد هو البطاريه لانه بيسحب جامد جدا منها والحل بسيط انك تقفل الـ 3G ولو شغال بالواي فاي تقفله والجهاز بطاريته كده بتقعد معايا يومين وممكن تكمل التالت كمان , مفيش اي مشاكل قابلتني غير حاجه صغننه و دي جايز تكون سوء استخدام مني مع انى محافظ عليه جدا لكن لقيت حته صغننه كده ملونه في الشاشه زي مايكون مياه عليها لما ايدي بتعرق بيحصل كده بس مكنتش بتتمسح ولما حطيت الاسكرين بروتيكتور اتحولت نقطه كده زي الوسخايه الصغننه لكن هي عاديه جدا وممكن يكون عرق مني انا غير كده الجهاز جميل جدا

بالنسبه للخلفيه بتاعه الشاشه بعض الناس تفتكر انها بالطول ده غلط شائع الخلفيه اصل بتاعها بالعرض , علشان تنفع تتعمل Wallpaper وتطلع جودتها عاليه ويستحسن تنزلو برنامج Zedge من البلاي استور فيه صور ونغمات و كمان خلفيات حيه متحركه يعني و برنامج تحفه جدا كل اللي عليك تختار الصوره اللي محتاجها من Wallpapers في البرنامج و تحملها و اول ماتنزل هاتلاقي كلمه Set ظهرت دوس عليها هاتتحط خلفيه للتليفون اوتوماتيك ولو نزلت اكتر من صوره وحبيت تغير هاتخش في الالبوم بتاع التليفون وتختار اللي عاوزها خلفيه وانت بتعمل Crop للصوره فيه نقطه يمين وشمال وفوق وتحت امسك كل نقطه وحركه لاخر الشاشه اليمين لليمين واللي فوق لفوق للاخر وهكذا وبعدين اعمل كروب هاتبقي تحفه ^_^

وبالنسبه لبعض الناس اللي كانو بيشتكو انهم بيسمعو صدا صوتهم في السماعات , المايك حساس جدا يا جماعه سيبو المايك عادى ماتخلهوش قريب من بؤكم مش هاتسمعه صدا صوت واللي معاكم هايسمعكم كويس جدا لانه الماسك حساس

واسف انى طولت بس حبيت افيد مش اكتر ^_^

ziko-333

2013-05-09 (02:34:01AM)

استاذ SpeeDdEad انتا جبت التليفون بكام ؟ وعملتله تحديث ب pc companion ولا ب flash tool
وشكرا

SpeeDdEad

2013-05-09 (06:06:03AM)

السعر في الموقع هنا مش مظبوط , في السوق حاليا تمنه 2099 وفي موبيل شوب بنفس السعر , انا جبته ب 2000 ضمان رزق الله من شبرا مصر , كنت بحاول اعمل الابديت ب pc companion لكن كان بيقول انه up to date مع اني اتاكدت من موقع سوني انه نازله تحديث للايس كريم , نزلت الروم و عملت الابديت بالفلاش توول و كان فيرجن اقل من الاخير , بعد كده فتحت الفون و دخلت علي السوفت وير ابديت اللي في التليفون نفسه ولقيته قرأ انه في ابديت سواء من الفون او من pc companion وانا فضلت انى اكمل الابديت التانى ده من الفون نفسه , يعني عملتله مرتين مره بالفلاش تول وكملت اخر تحديث من الفون نفسه

وكان ليا تعليق بسيط عن الكاميرا , هي حساسه جدا وكمان التظبيط فيها كتير ف خده بالكم , اللي بتواجهه مشكله اصفرار الشاشه . ممكن يعمل حاجتين يظبط الـ white Balance > او يزود الضور او يغير زاويه التصوير لانها مش مشكله في الكاميرا ^_^

انا تحت امرك يا استاذ ziko-333

samir2

2013-05-10 (12:37:41AM)

طب انا الجهاز بيهنج معايا كتير
وعلى طول لما اجى اقلب فى الصور لازم يهنج وتقليب الصور يتقل كده وانا فكرت ان الجهاز تقل بسبب الابديت اللى عملته اول ما نزلت الايس كريم بالفلاش انا اللى مضيقنى من الجهاز حاليا التهنيج بتاعه فى العموم

SpeeDdEad

2013-05-10 (02:46:56AM)

بص انا كمان الجهاز سعات بيهنج مني لكن ده معروف سببه ايه انى بكون فاتح برامج كتير او بكون فاتح الفون نفسه بقاله كتير , عاوزو ميهنجش منك خالص دي مستحيل بس عاوز تقلل التهنيج علي قد ماتقدر دي سهله , للمعلوميه هو ده مش بسبب الابديت ولا حاجه بس هو الايس كريم بياخد من الرامات مساحه اكبر من الجينجر بريد فبالتالي هانفترض انك كنت بتفتح عليه 4 برامج وتسيبهم مفتوحين واتس اب فيس فايبر و اسكايب مثلا علي الجينجر ومكنش بيهنج لما حطيت الايس وفتحت هما هما بس هنج ده مش عيب ابديت ده لانه بس بيسحب من الرامات اكتر , حضرتك هاتنقل كل البرامج و الملفات اللي تقدر عليها من السيستم لـ Internal Storage , هاتدخل علي settings وبعد كده apps وبعدين تختار من فوق downloaded و تخش عليهم واحد واحد وتوديهم لـلاستوراج Internal storage مش phone storage بس هو لو فيه احد الاعضاء هنا يقدر يقولنا ازاى ننقلهم للكارت الميموري هايكون افضل بكتير لكن من غير روت لتفادي خسران الضمان , وتاخد بالك مش تملي الاستوراج علي الاخير وتحاول تخليهم فريش علي قد ماتقدر او لو مستغني عن الضمان اعمله روت و استخدم الكارت , كمان دوس علي الهوم وخليك دايس علشان تقدر تقفل اي حاجه مفتوحه انت مش محتاجها , وممكن تحط خلفيه عاديه بدل المتحركه هايخفف من علي الفون , وده كله برده مؤقت لحد مانلاقي حل لاستخدام الميموري ودي المشكله الحقيقيه لانى اشتريت كارت 4 جيجا لحد دلوقتي مش قادر احط عليه حتي اغنيه

وارجو رجاء محبه من الاعضاء الكرام اللي توصل لكيفيه استخدام الميموري لانه فعلا كده حرام يقولنا ضروري جدا ويستحب انه يكون من غير روت لانه بعض الناس زي حالاتي ميقدروش يستغنو عن الضمان وفي نفس الوقت محتاجين الكارت , بس اللي مش قادر افهمه فعلا ازاى اشتري كارت و الفون مش بيديني القدره انى احط عليه اى حاجه , وجايز جدا اكون انا اللي مش فاهم ومنتظر ردكم ^_^

samir2

2013-05-10 (01:19:31PM)

الف شكر لحضرتك بس انا مابفتحش كذا برنامج مع بعض وعارف كل اللى حضرتك قولت عليه انا بقول حضرتك لو بقلب فى الصور اللى على الجهاز بلاقيه يهنج :D :D يعنى حاجه بسيطه خالص
وموضوع الكارت انا حاطط كارت للجهاز وحاطط عليه اغانى وكل حاجه ازاى بقى
1- انك تشيل كارت الميمورى وتوصله بالكومبيوتر عن طريق الريدر
2- الكابل اللى جاى مع الموبايل انا معايا لما وصلته قبل ما اسطب ال pc companion فتحلى الميمورى وحطيت عليه وبعد ما سطبت البرنامج برده كمان
3- لو عايز تنقل اى حاجه من ال internal storage للميمورى عندك برنامج ال astro وبرنامج office suite الميمورى اسمه SD card او ext_card وتقدر تنقل عليه
والف شكر لحضرتك جدا بس انا شايف ان عيب الجهاز ده هى ان راماته صغيره بس :D

SpeeDdEad

2013-05-10 (08:13:32PM)

شكرا لحضرتك بس انا مش عاوز كل شويه افتح التليفون واطلع الكارت , ومش بفهم اوى لسه في برامج astro و office suite لكن انى اوصله بالكابل هو فعلا بيفتحلي الميموري لكن الملفات مش عارف ارتب الملفات ازاى احط فيه علي طول ؟ لانه بيكون فيه فولدر واحد وملفين من بره ومش عارف احط ملفات الاغانى مثلا فين او الصور فين ولا المفروض اعملهم انا فولدر خاص لكل حاجه منهم واحطهم , هههههههههه وعارف انك فاهم يا استاذ سمير انا الاقل خبره بينكم هنا في عالم التليفونات بس جايز غيرك مش يعرف ^_^ و اللي قولته ده للتخفيف عن الرامات وده اللي مضايقك بس التهنيج في الصور لو دايم وانت مش فاتح حاجه والمساحه انت مش متقل عليها يبقي اكيد الجهاز نفسه لانى انا عندي مبيهنجش غير قليل جدا حتي وانا فاتح برامج , ومبيهنجش غير لما بفتح برامج تقيله علي الرامات مش اكتر ^^ واسف انى بطول اوى كده في الكلام بس انتو اخواتى والكلام معاكو حلو هههههه ^_^

SpeeDdEad

2013-05-10 (08:15:51PM)

وحاجه كمان معلش هو انا لو عرفت يعني واتعلمت انقل الملفات علي الميموري ونقلت برنامج هاقدر افتحه عادى من غير برنامج استرو ؟ ولا لازم يكون علي الفون علشان افتحه عادى زي اي برنامج تانى , وبالنسبه للصور والاغانى نفس الوضع ؟ ولا ايه ^_^

samir2

2013-05-10 (09:26:07PM)

يا باشا والله انا لسه التليفون ما كملش معايا شهرين لسه بتعلم زيك بس اللى قصدته ان الحاجات دى انا دوست فيها وجربتها اوعى تفهمنى غلط خالص وبالنسبه للاغانى والصور انت لما بيفتحلك الميمورى على الجهاز بتعملها انت فولدر ليها وتحط اللى انت عايزه الصور بتظهرلك فى الالبوم والاغانى فى ال walkman لكن لو فتحتهم من ال office suite و ال astro هايظهرولك الفولدرات اللى انت عاملها والبرامج مابتتسطبش على الميمورى خالص انت لو منزل السورس بتاع برنامج من الكومبيوتر وسطبته على الموبايل هايشتغل عادى خالص البرنامج واتكلم براحتك يا باشا خااااالص

SpeeDdEad

2013-05-11 (06:34:55AM)

ريحت قلبي بجد ^_^ جاري التجربه و صدقني مفهمتكش غلط ولا حاجه انا بس قولت الحقيقه ^-^ تسلم بجد علي الافاده وانا تحت امرك لو فيه اى استفسار جايز اقدر افيد ^_^

raouf

2013-05-11 (07:43:58AM)

-بالنسبة للأغانى و الأفلام لو عايز تنقلهم ع الفون من غير ماتشيل الكارت حط الكابل و شغل الـ pc companion و أعمل browse للملفات هتلاقيه قرا الكارت فتقدر تنقل اى حاجة من الكمبيوتر للكارت.
-لو عايز تنقل التطبيقات اللى عندك ع الفون او الذاكرة الداخلية على الذاكرة الخارجية من غير رووت عشان الضمان و كده فيه برنامج فى الماركت اسمه appmgr تقدر تنقل الحاجات على الذاكرة الخارجية وده اللينك.

.
- بالنسبة للتهنيج بتاع الجهاز ففيه حاجتين بعملهم و الحمد لله مش بيهنج معايا:
1- بعمله ريستارت كل يوم بعد مايشحن.
2- شايل كل البرامج اللى بتنضف الرامات و كده و مسطب برنامج واحد بس اسمه Android Booster. مخلى الجهاز سريع و مش بيهنج.

.
أتمنى أنى أكون قدرت أساعد حضراتكم.

SpeeDdEad

2013-05-11 (09:16:11AM)

تسلم يا استاذ raouf اكيد ساعدت طبعا ^_^ وجاري التجربه

ahmadsamir

2013-05-11 (09:17:07AM)

ممكن أعرف الفلاش تول بينزل ازاي
عشا عاوز احدث التليفون وبعد الأبديت التليفون في تغيير ولا مفيش فرق

SpeeDdEad

2013-05-12 (12:50:21AM)

بص ده الشرح

ده لعمل ابديت للايس كريم ساندوتش , وده لينك شرح العوده لـ جينجر بريد في حاله انك تحب ترجع تانى

بس لو هاترجع للجينجر بريد ماتستخدمش الروم اللي في الشرح ده استخدم النسخه دي

اللي هي 2. 6.0.B.3.184

وكمان ده شرح ابديت للجيلي بين لو انت من اصحاب الروت بس ده هايخسرك الضمان ف خد بالك ,

لينك الابديت في الشرح مش شغال وده لينك الابديت منفرد ^_^

بالنسبه للمميزات في الـ الايس كريم

المراجعه بالعربي طبعا ^_^ اما بالنسبه لتجربتي انا , رجعت للجينجر بريد تانى مش علشان اى سبب لكن الايس كريم مش بنفس كفائه الجينجر بريد علي التليفون ده , وكل الناس اللي جربو الجيلي بين اللي اللينك بتاعه فوق بيقوولو انه تحفه جدا وانه بيكون فيه حوالي من 150 لـ 180 فري في الرامات و الفيس و برنامج كمان بيكونو في الخلفيه وده يعتبر جميل جدا بس للاسف ده مش رسمي فـ هانتظر الابديت وهاستني علي الجينجر بريد وانصحك بكده بس الابديت جميل جدا ولك الاختيار ^_^

تلك الخدمة مخصصة للأعضاء فقط