هذا الموضوع مرتبط بـ Xperia M

بدون عنوان

MostafaMega

2014-01-04 (11:07:56AM)

والله يا جماعه انا كنت محتار جدا بين الموبايل ده Xperia M و ACE 3 حتى كنت بسأل هنا في الموقع خصوصا الاخ الليثي

المهم بعد بحث طويل لقيت ان انسب موبايل متوسط السعر في العالم كله Motorola Moto g سعره 200 دولار النسخه ال 16 جيجا يعني حوالي 1400 جنيه و امكانيات جبراه فعلا اكنك ماسك S4
الرابط اهو

هو بشريحه واحده و انا كنت متمسك باني اجيب موبايل بشريحتين بس بعد ماقريت العيوب اللي قابلتكو هنا في الموقع عايز اشتري موبايل بخط واحد احسن و هشتري اي موبايل تعبان ب 100 جنيه للشريحة التانية

عيبه الوحيد و بالنسبالي مش عيب انه لا يدعم كارت ميموري بس انا مش شايف اني هحتاج اكتر من 16 جيجا في الموبايل ده كتير كمان

فيه ميزه تانيه انك لو مش عايز تدفع كتير ممكن تشتري النسخه ال 8 جيجا ب 180 دولار حوالي 1260 جنيه بس ال 16 جيجا افضل طبعا طالما مش بيدعم كارت ميموري

انا هتشل بقى اني بعد اعجابي الشديد بالموبايل مش عارف اشتريه :(

مافيش توكيل لموتوريلا في مصر ولا اي حد بيبيعه ... الحل الوحيد اني اشتريه من امريكا و اشحنه لمصر و ده هيكلفني حوالي 450 جنيه زياده كنت عامل الموضوع ده بقول فيه مشكلتي

-!!-(#.Uske3fQW1qk

انا عايز رأيكم اولا في موضوع اني اشتريه من برا و عايز اعرف لو حد اشترى بالطريقه دي يقولي تجربته و هل في طريقه اني اشتري موبايل موتوريلا في مصر ؟!!! مش لاقي موتوريلا في مصر خااالص

ahmed2014

2014-01-17 (01:30:14PM)

بعدين 200 دولار في 6.50 جنيه = 1300 جنيه بس المشكه مين يشتري ويبعت علي مصر والمشكله الاكبر لو مفهوش عربي

ahmed2014

2014-01-17 (11:58:48AM)

طيب ودا نشتريه ازاي يا برنس

ahmed2014

2014-01-17 (11:54:28AM)

مكتوب سعره 130 يورو

ahmed2014

2014-01-17 (11:53:28AM)

دا بيتكلم 24 ساعه مده التحدث دي بطاريه فاجره يا عم

engbelal

2014-01-04 (05:38:40PM)

استاذ مصطفى الموبايل امكانياته رهيبه بس هو و الام و الجالاكسى ايس 3 قريبين فى المواصفات بس تفتكر ليه ده تكلفته اقل ممكن تكون خامات او كفاءة تصنيع انا مش عارف لان رخص سعره مع ارتفاع الزاكره و نظام التشغيل يقلق شويه و كمان مش معنى ان الموبايل unlock يبقى هيشتغل فى بلدك ده معناه ان لو الموبايل locked يبقى بيشتغل على شبكه واحده كانه هيشتغل على موبينيل بس او فودافون بس او اتصالات بس و لو انت عايز تعرف هيشتغل هنا ولا لا ابقى شوف هو gsm متوافقه مع بلدك ولا لا gsm فى مصر 900, 1800 و بالنسبه للجيل الثالث 2100 و هو متوافق معاهم و بالنسبه للهاردوير بتاعه انا لو مكانك مش هشتريه غير لما ينزله صيانه فى مصر علشان لو حصلت اى حاجه مركنهوش و انت ليك حرية الاختيار

mohamedkamal3

2014-01-04 (03:55:45PM)

تمام جدااا ربنا يوفقك وتجيبه , ويا ريت لو جبته تقولنا تجربتك مع شركات الشحن ايان كانت ادفعلى او او شركة تانية لانى كنت بفكر اجيب google nexus 7 2013 من بره , انا مش عارف ليه الحجات ديه مبتنزلش هنا فى مصر

MostafaMega

2014-01-04 (03:05:36PM)

الرابط ده

-!!-(#.UslV5PQW1ql

انا شارح فيه القصه كلها بس كل ده كلام نظري للاسف مش عملي و انا بسعى فعلا ان شاء الله اني اشتريه من شركة ادفعلي و فعلا ممكن تقابلك مشكله في الشبكة عشان كده لازم تتاكد ان الموبايل في الموقع الاجنبي مكتوب جمبه GSM Unlocked زي كده

موضوع الهارد ويير ماعتقدش ان في موبايل بيبوظ قبل سنه و برضو محدش دلوقت بيقعد معاه موبايل اكتر من سنه ده غير ان الموبايل خاماته كويسه جدا بشهاده كل الريفيوهات بتاعته و شاشه جوريلا جلاس واصلا يعني اي ضمان في مصر مالوش لازمه الموبايل لو باظ بتدفع دم قلبك صيانه لان الضمان في مصر ضد عيوب الصناعه فقط

المشكله فعلا في الاكسسوارات لاني عشان اشتريها مع الموبايل هتبقى مكلفه و احلى ما في الموبايل سعره .. انا مش بحتاج غير جراب و متنازل عنه لو هيبقى معايا مولايل بالامكانيات دي بالسعر ده او هركب عليه جراب و خلاص

يا ريت بس اللي عنده معلومه عن الموضوع ده يفيدنا

mohamedkamal3

2014-01-04 (02:08:39PM)

الموبايل ده من احسن الموبايلات اللى نزلت 2013 وكان نفسى جدا ينزل مصر , خلى بالك ان الموبايل بيجى بكابل usb بس ,من غير شاحن ومن غير سماعات , بس هما طبعا عاملين كده عشان يقللوا التكلفة , ومش هتلاقيله دعم هاردوير هنا ولا هتلاقيله اكسسوارات فحاول تجيب اكسسوراته معاه من بره ,وحاجة تانى اتاكد ان الشبكة بتاعته ممكن تشتغل على شبكات فى مصر لأن كان فيه موبايلات موتوريلا منزلها لأروبا وأمريكا بس ومينفعش تشتغل فى الشرق الأوسط او فى اسيا , بس بأمانة الموبايل وهم بالنسبة لأمكانياته وسعره , ويا ريت لو عرفت تجيبه تقولنا جبته ازاى

MostafaMega

2014-01-04 (11:17:57AM)

بجد حرام امكانيات زي دي و سعر زي ده ماينزلش مصر ده هيتباع في يوم اصلا

كفاية انه نازل كيتكات لوحده و ان جوجل اشترت موتوريلا و انه جوريلا جلاس 3 و فيه جلوناس و بطاريه 54 ساعه و كواد كور

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia M

مقارنة

Android
480 x 854 pixels, 4.0 inches (~245 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia M

Android

480 x 854 pixels, 4.0 inches (~245 ppi pixel density)

3G

5 MP, 25...