- الفرق بين C2004 و C2005 ، مجرد فرق في ترددات الـ 3G فقط حسب كل بلد ، ولا يوجد أي إختلافات بينهم ، الإتنين واحد ، و الكلام ينطبق أيضاً على C1904 و C1905
- بالنسبه لأبو شريحتين على حد علمي و حسب ما دورت و سألت هو المتاح فقط في مصر و هو الموديل C2005 شريحتين ، و الكلام المذكور أعلاه بخصوص حجم الـ internal memory من المُفترض إنه معروف لأي حد هيشتري التليفون ، و للتوضيح ملخص الكلام أعلاه أبو شريحه و أبو شريحتين نفس المواصفات بالظبط لكن أبو شريحه واحده المطورين في xda عملوا له طريقه لجعل كارت الميموري يحل محل الإنترنال ميموري عن طريق سكربت memory swap " و دي صوره توضح نجاح العمليه
" بينما أبو شريحتين ليه طرق آخرى ليست بنفس الكفاءه و لكنها تعتبر حل مؤقت حتى توافر سكربت memory swap لأبو شريحتين.
- لا داعي للتردد إذا كنت على علم بحجم الإنترنال ميموري مُسبقاً ، و التليفون يعتبر ممتاز جداً بهذا السعر و هذه المواصفات فيما عدا الإنترنال ميموري إللي إن شاء الله ليها حل و لو مؤقت حتى توافر سكربت memory swap و بإذن الله أنا نويت أجيب التليفون بس أتأكد من شوية حاجات الأول ، و لو جبته و حليت مشكلة الإنترنال ميموري بأمر الله أكون شارحها بالتفصيل هنا.
- حضرتك أثرت نقطه مهمه بخصوص إحتياجك للشريحتين ، و السؤال هنا مُوجه لمُستخدمي الهاتف ؛ هل الشريحتين Dual Stand by ؟ يعني لو مركب شريحتين و معاك مكالمه على شريحه منهم و حد إتصل بيك على الشريحه التانيه ، في الحاله دي الشريحه التانيه هتدي busy / waiting ولا هتدي "هذا الرقم مغلق"؟ نرجو التجربه و إفادتنا بالأمر لأهميته بالنسبه للناس إللي هتشغل شريحتين.
- طيب حد بيقرأ كلامي و بيقولي إيه إللي يخليك تدور على الموديل C1905 أبو شريحه واحده فقط و ليه ما تجيبش أبو شريحتين أحسن؟
- الرد ببساطه لإن أكبر عيب في التليفون ده و إللي شايلين التليفون عارفين كده كويس إن المساحه المتوفره للمستخدم في الـ internal storage أقل من 2 جيجا و ده قليل جداً على تليفون بالإمكانيات دي و بيحجمك في تنزيل المزيد من الـ apps على التليفون أو للناس إللي بتلعب games
- الفكره تكمن في إن الإصدار C1905 ذات الشريحه الواحده تم عمل روت و سكربت له يمكنك من عمل memory swap عن طريق كارت الميموري ، و دي صوره من الموبايل لأحد أعضاء xda توضح حجم الإنترنال ميموري بعد العمليه
- للأسف حتى الآن روت الـ c2004 و c2005 أبو شريحتين تم توافره و لكن عليه كلام و في ناس قابلت مشاكل ، ولا يوجد سكربت لعمل memory swap ، و لكن هناك طرق آخرى لنقل الداتا بتاعت الـ apps أو الـ apps نفسها لكارت الميموري و إشتغلت مع البعض و البعض لا.
*ملاحظات /
- من يومين نزل تحديث رسمي من سوني 4.2.2 للموديل C2005 إللي عندنا فـ مصر و بعض الطرق أعلاه قد تعمل مع هذا التحديث و بعضها لا.
**** هام جداً / عمل روت للتليفون قد يؤدي إلى إلغاء الضمان بل و قد يؤدي لمشاكل بالتليفون أو توقفه في حين حدوث أي أخطاء بالخطوات أو غير ذلك.
* السؤال بقى للناس إللي معاها التليفون أو إللي مُهتمه بشراء التليفون ..
- إللي معاه C2005 شريحتين ممكن يؤكد لنا نسخة الأندرويد إللي جايه مع الجهاز هل هي 4.1.2 مظبوط ولا غير ذلك؟
- هل حد يقدر يدلنا عن مدى توافر التليفون موديل C1905 شريحه واحده في القاهره؟
وإن شاء الله لو توصلت لأي معلومات هعرضها هنا فوراً.
و شكراً جزيلاً.
مع التحيه ،،،