روم إكسبريا Z1 لسونى C

للرجوع الي صفحة سوني Xperia C الرئيسية اضغط هنا

AbuAli

2014-12-19 (10:17:06PM)

ياجماعه أثناء تصفحى أحد الصفحات لقيت طريقه لتحمل روم يجعل سونى C يعمل على روم أو سوفت Z1 أيه رأيكم هل الموضوع يستحق المغامرة
تانى حاجة بقى لو إن شاء الله عملت كده التحديثات اللى بتيجى لمستخدمى Z1 هاتجيلى ولا مفيش تحديثات هاتظهرلى تانى تبع الشركة

AbuAli

2014-12-19 (10:36:57PM)

مش بس كده أنا لقيت طريقة لتحميل روم
أندرويد 5.0 لولى بوب الجديد
الروم مخصص لهاتف سونى C بالخصوص
وبيشكروا فيه جامد وبيقولوا مجربينه ويعمل بكفاءه عاليه
لو حد جرب يقولنا يا جماعه بلييييز

Bebo77

2014-12-25 (09:02:13AM)

بصراحة أنا ماعنديش خبرة في الموضوع ده، بس بحب آخد فكرة.
عملت بحث زيك لقيت طريقة لعمل روم Z3 بأندرويد 5.0 لولي بوب كمان مخصص على ال C.
كل المزايا المكتوبة ماتفرقش معايا ماعدا ميزة واحدة بس، اللي هي إنه حيحول الذاكرة الداخلية المتاحة للبرامج إلى 2 جيجا!!!
لينك الموقع أهو:

هل ده ممكن؟
وهل ده ليه عيوب؟ وهل ممكن يعمل مشكلة في الجهاز أو الضمان بتاعه؟
وأهم من ده كله، هل ممكن أرجع تاني لو ماعجبنيش الكلام ده؟
محتاج رد من متخصص.
ملحوظة/ الموبايل مستقر جدا جدا معايا على السوفت وير اللي آخره 6، ومش شايف أي مشكلة والحمد لله غير موضوع خنقة الذاكرة اللي خايف منها على المدى الطويل.

AbuAli

2014-12-25 (07:24:20PM)

بص هو اللى انا اعرفه انه بيخرج الموبايل من الضمان فعلا
بس علشان تحل المشكلة دى لازم تاخد نسخه احتياطيه من الروم اللى على الجهاز علشان ترجع ليه لو حصلت مشكلة وبالطريقة دى لو روحت مركز الصيانه المعتمد مش هايبقى فيه مشكلة
بس أنا بصراحه ما جربتش وخايف أجرب
كمان بالإضافه للميزة اللى أنت قولتها فى ميزة تانيه جامدة جدا وهى
DOLBY DIGITAL PLUS FOR BETTER SOUND QUALITY
ودى بتخلى جودة الصوت تحفه حاجة فوق ما تتخيل لو معاك هاند فرى محترمة
بالإضافة لموضوع الذاكرة ممكن تتحكم فى التطبيقات اللى نازلة مع الجهاز تلغى تثبيتها وتبقى تثبتها
تانى أو تنقلها على كارت الميمورى
إحنا محتاجين الأستاذ عصام لو موجود كان جاب الخلاصة
ولا شكله باع الجهاز أو غير
على فكرة الأندرويد اللى أنت بعته مش لولى بوب هو مبنى على إصدار 4.2.2
فيه والله لولى بوب وهابقى أجيبلكم موقعه

essamsherif2003

2014-12-26 (09:54:35AM)

ازيك يا ابو علي وسلام لكل الاعضاء
انا قرأت الموضوع من اكتر من شهر بس الطريقة طويلة ومعقدة والصراحة انا خفت ان حاجة تبوظ في الهاردوير
اما السوفت وير مفيش مشكلة انا عامل رووت ومنزل السوفت القديم اللي اولة 6 من اليمين وعندي ال source بتاعه
وكل اللي اتكلمو علي الرومات قالو تنزلوها علي مسئوليتكم. الشخصية وانه ممكن تبوظ البوردة طيعا حاجة تقلق
عموما الموبايل معايا مستقر وعاجبني رغم عيوبه والمتاح من الذاكرة خوالي 400/350 ميجا والاندرويد 4.4 مش فارق عن 4.2

AbuAli

2014-12-26 (04:10:50PM)

إزيك يا عصام باشا منور الدنيا كلها

بصراحة الموضوع عايز مخاطره بس شكله تحفه
وهو مبنى على lollipop وشكله جامد موووت
المشكلة انى مش عارف آخد نسخة إحتياطيه من الروم اللى على الجهاز

وده الموقع اللى عليه الطريقة وصوره ممكن تشوفوها

ياريت لو حد جرب يقوللى أخباره أيه

emashal

2015-01-06 (09:39:10PM)

انا عملت الروم اللي Bebo77 حاطط الرابط بتاعه في كومنت فوق وبصراحه حاجه فخيفه و الموبايل خفيف جدا ولحد دلوقتي مش شايف اي مشاكل .. و فعلا مساحة التطبيقات بقت 1.9 جيجا ..
بس وانا بدور بالصدفه في الموقع لقيت توبيك عن حكاية الـمساحه بتاع التطبيقات دي ممكن تنزلها من غير ما تعمل روم للموبايل ..
هتنزل ملف 170 كيلو و تعمله بوت ريكافري و تحرقه .. المساحه الداخليه هتتغير ..
ده رابط الموضوع و الشرح بتاعه

انا مطبق روم الـZ3 علي موبايلي .. وقبل ما اطبقه .. طبقه موضوع المساحه الداخليه اللي في اللينك فوق ..

وده رابط صفحتي علي الفيبس بوك .. عشان لو حد حابب يسألني علي حاجه ..

تلك الخدمة مخصصة للأعضاء فقط