النجدة!!!!!

للرجوع الي صفحة سوني Xperia C الرئيسية اضغط هنا

Bebo77

2014-10-12 (11:10:58PM)

أنا خلاص حتجنن
الموبايل بقاله فترة مهيس في النت، 4 حاجات مش شغالة كويس:
1- الفيس بوك غاليا لا يقبل إني أنشر حاجة.
2- الإيميلات لا يتم إرسالها (فيما عدا الجيميل).
3- البلاي ستورز لا يعمل بالمرة.
4- اللينكد إن خارج نطاق الخدمة.
المشاكل دي كانت موجودة بنسبة أكثر من 80% من الأماكن والأوقات على الموبايل إنترنت (بتاع فودافون).
جربت أدخل على موبايل انترنت اتصالات لاقيت المشاكل موجودة.
كل المشاكل دي لا وجود لها ولا ريحتها على الواي فاي، حتى لو من موبايل آخر داخل بالموبايل إنترنت!!!!
قررت أخيرا إني أعمل ريتور لنسخة السوفت اللي آخرها 6 بعد ما لقيت الجميع بيشكر فيها وبالذات الأستاذ/ عصام، سلمته لواحد زميلي متخصص وقام بالفعل بعمل اللازم وخد مني 35 جنيه!!!
المهم بدأت رحلة استعادة البيانات والتطبيقات الطويلة، وضبط الموبايل إنترنت بتاع فودافون.
وفي النهاية اكتشفت إن المشكلة ما زالت موجودة زي ما هي!!!!
أرجوكم أفيدوني...
للعلم أنا من أشد المعجبين بالموبايل ده، وسهل جدا إرضائي بأقل شيء، يعني لو اشتكيت يبقى فعلا طلع روحي!!!!

essamsherif2003

2014-10-12 (11:32:33PM)

المشاكل اللي حضرتك بتقولها ملهاش علاقة بالسوفت لانها لا وجود لها مع الوايفاي زي ماذكرت
يعني المشكلة في ضبط النت لل ثري جي جرب الاتي
ادخل علي ال setting ثم more ثم mobile network ثم select sim card ثم اختار sim1 اللي فيها النت ثم access point name ثم من الثلاث نقاط اختار new apn ثم امام الname اكتب Vodafone internetبينهم مسافة واما apn اكتب internet.Vodafone.net واكتب امام ال username internet وامام ال password ايضا internetوامام. Authentication اختار pap ومتنساش تعمل save من الثلاث نقاط اللي فوق يمين الشاشة ومتنساش تلغي اي access point اخري موجودة ولو شبكة اخري استبدل موبينيل بفودافون الخ في الضبط انا عامل كدة في الشريحتين موبينيل وفودافون والنت في الاولي ثري جي والتانية تو جي وشغالين زي الفل لو كل دة مظبطش معاك روح للشركة فودافون الدعم الفني يضبطو النت وانشاء الله خير
وعموما السوفت اللي نزلته رقم 6 افضل سوفت متحدث نزل انت مخسرتش

Bebo77

2014-10-16 (09:46:08AM)

دلوقتي أقدر أقول إن المشكلة اتحلت بفضل الله.
قبل أي شيء أشكر الأستاذ/ عصام جدا على وقته ومجهوده المميز.
المشكلة كانت في شبكة النت بتاعت فودافون!!!
والله الواحد زعلان جدا على الشركة اللي كانت صاحبة أقوى شبكات في مصر يوصل بيها الحال إلى هذا المستوى السيء.
وعلى فكرة ظبط ال VPN بتاع فودافون بالطريقة المكتوبة لم يأتي بأي جديد، يعني المشكلة فضلت موجودة برضه...
بمجرد أن قمت بتشغيل الخدمة على شبكة اتصالات بدأت الدنيا تنور تاني... والمشاكل اللي فوق اختفت.
مش عارف بقى الواحد يشرد لبتوع فودافون هنا على البهدلة اللي الواحد شافها، ولا الطيب أحسن :)

تلك الخدمة مخصصة للأعضاء فقط