موبايل أفضل بسعر أعلي بفرق بسيط

للرجوع الي صفحة سوني Xperia C الرئيسية اضغط هنا

ahmadbadrmido

2014-08-19 (01:37:47AM)

السلام عليكم.... نصيحة لكل واحد ناوي يجيب الاكسبيريا سي أو الاكسبيريا M2 أو أي حاجة بحوالي ١٩٠٠ جنيه يجيب Motorola Moto G ... الموتو جي معايا حالياً و الاكسبيريا سي كان معايا بس بجد الموتو جي ده جهاز روعة ... السعر و مكان الشراء : موجود في اللينك ده

... المميزات اللي شايفها : أندرويد خام و شغال دلوقتي بـ كيت كات ٤.٤.٤ و هاينزله أندرويد إل و بما إنه خام فـ ده مخليه سرييييع جداً و لحد دلوقتي مهنجش معايا خالص و أسفلت ٨ شغالة عليه بدون أي تهنيج - الكاميرتين الخلفية و الأمامية بجد إتفاجئت بيهم ، الخلفية أحسن من الـ ٨ بتاعت الاكسبيريا سي و الاكسبيريا إل و الأمامية ممتازة - البطارية بتقعد يوم كامل و شغل أعلى من المتوسط و لعب و تصفح - الشاشة هي الأعلى دقة بالسعر ده و كمان عليها طبقة حماية Corning Gorilla Glass 3 مش موجودة في أي موبايل بالسعر ده - الموبايل مقاوم للمياه - تصميم جامد و حجم مناسب ... أي حد أي إستفسار يقدر يعلق أو يبعتلي رسالة.

essamsherif2003

2014-08-19 (04:09:48AM)

اولا مبروك بس انا دخلت علي موقع gsmarena ولقيت الاتي 1- مفيهوش حماية ضد الماء 2- شاشته 4.5 بوصة اصغر من السي 3- مفيهوش،sd card يعني اقصي مساحة 16 جيجا فقط بما فيها تسطيب البرامج 4- كاميرته 5 ميجا اقل من السي باقي مواصفاته اللي قلتها صح وتقريبا باقي المواصفات عموما واحده

ahmadbadrmido

2014-08-19 (03:28:02PM)

حضرتك بتتكلم عالورق بس ... أنا كان معايا السي و على الرغم إن كاميرا السي أعلى إلا أن بتاعت الموتو جي جودتها أعلى ... و الموبايل مقاوم للمياه و تقدر تشوف الكلام ده على اليوتيوب ... الشاشة فعلاً أصغر بس بالنسبالي مناسبة جداً السي كان كبير أوي ... المساحة فعلاً أقصاها ١٦ جيجا و فاضي منها ١٢ جيجا تقريباً تقسمهم براحتك ده غير أنك ليك ٥٠ جيجا على الجوجل درايف و فيه إمكانية إضافة وصلة OTG و دي عن طريقها تقدر توصل فلاشة أو ميموري.

تلك الخدمة مخصصة للأعضاء فقط