نصيحة

للرجوع الي صفحة سوني Xperia C الرئيسية اضغط هنا

talaat1965

2014-03-29 (11:37:07AM)

اخ عصام انا عايز اشتري الموب ده تنصحني اجيبو ولا لاء واي عيوبو واي مميزاتو وانا اه حاجة بنسبالي هو الاداء العالي والشاشة اما الكاميرا والحاجات دي ما بتهمنيش !!!

essamsherif2003

2014-03-29 (01:38:54PM)

شكرا على ثقتك
الموبايل معايا بقاله 3 شهور ونص تقريبا والصراحة هو عاجبني
مميزاته (سريع مبيهنجش بروسيسور رباعي النواة/ بطاريته كويسة جدا بتقعد في المتوسط يوم ونص/ شاشتة كبيرة والوانها ممتعة /صور وفيديو دقة عالية جدا/ صوته حلو وفي السماعات الراس تحفة/ الموبايل به خاصية استخدامه كراوتر hotspot / ممكن تنزل البرامج على sd card / كاميرا 8 ميجا صورتها بالنهار تحفة وبالليل كويسة بس مش تحفة / سوفتوير سهل الاستخدام وفي مزايا تانية كتير

عيوبة (الذاكرة الداخلية قليلة شوية ممكن تأثر على اداء الموبايل للي بيستخدم العاب كتير كبيرة/ (مجربتش لاني مش غاوي العاب على الموبايل ) لا يدعم الفيديو كول بس في فيديو شات عن طريق برامج نت / الكاميرا الامامية وحشة بس في الشمس حلو / شحن البطارية بيقعد حوالي 3 ساعات
الخلاصة بعد مقارنة مع اجهزة تانية كتير فيها تقريبا نفس المواصفات
السوني اكسبيريا سي افضل من حيث الاداء وارخص بكتير