هذا الموضوع مرتبط بـ Xperia C

بدون عنوان

EngMarwa

2014-01-03 (12:51:33PM)

السلام عليكم .. كنت عايزه اعرف ايه الفرق بين انى اشتري موبايل من توكيل رزق الله نفسه او انى اشتريه من محل زى 888 بضمان رزق الله يعنى فرق ال 300 جنيه ده ليه؟ كمان انا محتاره بين C , L فنويت اجرب الموبايلين وانا بشترى واقرر وقتها فأنهى مكان فيهم بيسمح بتجربة الموبايل ؟؟ آخر سؤال ازاى اقدر اوصل ل888 عن طريق المترو :)

EngMarwa

2014-01-07 (05:45:53PM)

شكرا ليكم جداا وأنا نويت اشترى ال C باذن الله :)

MuhamedT

2014-01-04 (12:19:56PM)

لو لعبه 2 جيجا مثلا بتنزل ع الكارت الخاجي و بياخد من المساحه الداخليه 5 ميجا بالكتير اوي

LordMinds

2014-01-04 (10:52:33AM)

طيب لو سمحتو انا عارف ان الالعاب و الحاجه ممكن تنزل ع الكارت بس ف جزء منها لازم بينزل ع الهاتف ف لو سمحت لو اللعبه 2 جيجا مثلا اد ايه اللي بينزل ع الموب نفسه و شكرا

GhostEgypt

2014-01-04 (01:25:05AM)

mekaa
كلامك فيه كمية مغلطات كبيرة جداً ... ومش هاعلق عليها لأن بكل سهولة اي واحد يقدر يقارن بين الموبايلين على اي موقع خاص بالموبايلات وهايعرف ان اكسبريا سي افضل ويتأكد ان كلامك غير صحيح ..
ومفيش حاجة اسمها موبايل للفقراء يا غالى .. كلنا فقرا والغنى هو الله دة اول حاجة وتاني حاجة لو انت شايفها بالفلوس فموبايل اكسبريا c اغلى من موبايل اكسبريا ال على فكرة ! ..

بالنسبة لاستفسارك التاني يامروة الفروقات ان فيه ناس بتحب تجيب من التوكيل نفسه عشان تضمن ان الجهاز سليم وكامل بكل حاجتة الاصلية والعلبة متفتحتش لأن فيه بعض المحلات اصحابها بيفتحوا العلبة ويغيروا السماعة الاصلية بسماعة هاي كوبى وهكذا فى اغلب الحاجات الموجودة بالموبايل دة غير ان المحلات طبيعى سعرها يكون اقل من سعر التوكيل يعنى لو التوكيل خلى الموبايل بالف جنية مثلا تانى يوم هاتلاقى المحلات ب800 جنية لان تلقائيا التوكيل هو اللى بيظبط سعر الموبايل فى مصر ... وطبعا مش كل المحلات بتعمل كدة وبتفتح علب الموبايلات لأن محلات قليلة اوى هى اللى بتعمل كدة واغلبها محلات من غير سمعة كويسة وبيبقى سمعتها وحشة بس انا بكلمك بشكل عام عن الفروقات بما انك حبيتي تسألى عن الفرق

GhostEgypt

2014-01-04 (01:14:48AM)

زى ماقال genonlyone ان سونى احسن واكسبريا ال بيتميز فى المساحة فقط لأنها 8 عكس السي 4 جيجا .. بس حابب اعلق فى حاجة بسيطة ممكن انتى متلاحظهاش .. وهى انك تقدرى تحطى الالعاب والتطبيقات على الكارت الخارجى فى c يعنى يعتبر مش اقل ولا حاجة بالنسبة للمساحة لانك هاتحطي كل حاجة على الكارت الخارجى اللى هو 32 جيجا يعنى اكسبريا سي احسن ليكي فى كل حاجة

بالنسبة للمترو .. تركبى من محطة المترو اللى انتى فيها .. وتنزلى فى محطة مترو عين شمس هاتخرجى من المحطة هاتلاقى نفسك فى شارع كأنوا سوق هاتتمشي فيه خطوتين لحد الاخر هتلاقى نفسك وصلتي لشارع عمومى هاتعدى الشارع هاتلاقى كنيسة فى وشك وبجوارها شوية ميكروباصات .. هاتركبى اي ميكروباص منهم وتنزلى فى الاخر هاتبقى انتى بكدة فى شارع العشرين اللى موجود فيه محل 888 .. تسالى على محل 888 وممكن بردو لو معرفتيش توصلي لمحل 888 تسالى على محل دريم 2000 ودة محل كبير بردو ومعروف فى عين شمس واي حد هايقدر يدلك عليه بسهولة ..

genonlyone

2014-01-03 (07:30:09PM)

mekaa

يعني ياريت تتكلم بأسلوب احسن
فقراء ايه وبتاع ايه -_-

وكلامك مش صح !!!!

مشكله الذاكره تجيبلك كارت ميموري وخلاص المشكله اتحلت

وعدد فرق البيكسل ( 8 )
يعني الفرق مش ملحوظ وشاشه ال c اوضح !
وعايز اعرف ليه فئه خاصه ازاي يعني؟
بيفتح لوحده مثلن!؟
ومشكله السوفتوير هتتحل في اول مارس او ابريل

علي كلام العضو
#Ahmed Nabeeh

وبعدين هو في فقير هيمسك تليفون 2200؟؟

و علي فكره كاميرا C احسن حتي خش شوف

genonlyone

2014-01-03 (07:23:54PM)

محل 888

ومفيش فرق

نفس الحوار

في موبيل شوب ب 2400
و قي بقيت المحلات 2100-2200
هو اسعارم غاليه بس :S

وأضمن محل تجيبي منه
888-البحيري جروب- التميمي

للعلم التميمي متوفر عنده التليفون ب 2100
ومتوافر عنده جميع الأكسسوارات

EngMarwa

2014-01-03 (07:20:55PM)

تمام شكرا على الرد بس برده لسه معرفتش ايه الفرق بين انى اشترى من رزق الله نفسه أو من محل بيبيع بضمان رزق الله !! و ايه أضمن مكان اشترى منه ويكون متوفر فيه اكسسوارات الموبايل كمان

mekaa

2014-01-03 (06:04:28PM)

الL افضل طبعا واقولك ليه 1-خامات افضل بكتير.2-شكل اشيك بكتير وبذات الابيض.3-مساحه داخليه اكبر تصل لاكثر من الضعف.4-شاشه اوضح لان عدد بيكسلات اعلى فى الانش الواحد.5-كاميرا افضل وبذات بليل .6-لا ينسى شورت كات والسوفت وير افضل عموما.7-جهاز له فئه خاصه ومستقل لكن الc تحس انه تقليد للzيعنى معمول للفقراء اللى معهمش تمنه الz ونفسهم يمسكوه فعملينو نفس الشكل بس رخيص وخاماته تعبانه جدا وسوفت وير تعبان وذاكره داخليه رايحه فداهيه . وده مجرد رأى . وشكرا.

genonlyone

2014-01-03 (03:11:30PM)

Sony Xperia c
أحسن طبعا

L احسن في المساحه فقط
والمحل الي بيخليكي تجربي التليفون موجود في الدقي اسوم zero11 في البحوث

هاتروحي 888 بالمترو ؟

روحي رمسيس واركبي المترو من هناك

او لو تعرفي تروحي الجيزه موجود هناك في شارع مراد ب 2150

او موجود في العجوزه عند التميمي جمب نعمه ب 2100

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia C

مقارنة

Android
540 x 960 pixels, 5.0 inches (~220 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia C

Android

540 x 960 pixels, 5.0 inches (~220 ppi pixel density)

3G

8 MP, 32...