هذا الموضوع مرتبط بـ S8600 Wave 3

بدون عنوان

thescorpion304

2012-03-27 (10:28:48PM)

بسم الله الرحمن الرحيم
السلام عليكم
يا جماعه انا عاوز اشتري الموبايل ده بس الكلام كتير في بيقول انه جامد جدا و في بيقول وحش علشان نظام البادا ممكن الناس اللي استخدموا الموبايل ده يقولولنا رأيهم و ايه اللي ناقصه؟
شكرا

ahmedehab

2012-04-06 (10:11:47PM)

غالبية البرامج الاساسية موجودة فى بادا 2.0 فمتخفش خالص الحاجة الوحيدة اللى مش موجود Opera mini و ده ممكن تجيبه جافا عادى جدا و هيشتغل معاك زى الفل.
على العموم موقع برامج و العاب الويف هو

ممكن تدخل و تشوف ايه البرامج اللى انت ممكن تحتاجها و فى الغالب البرامج الاساسية هتلاقيها هناك و لو زى ما انت بتقول ميهمكش البرامج خلاص اشترى الويف 3 لان امكانياته و خامته عالية جدا بالنسبة لسعره.

thescorpion304

2012-04-05 (07:50:07PM)

شكرا اخي احمد علي الرد و التوضيح انا ميهمنيش موضوع الالعاب اوي لكن البرامج اكيد في بعضها هاستخدمة و خصوصا البرامج الاساسية واعتقد انها موجوده في البادا 2 و لا انت ايه رأيك؟

ahmedehab

2012-04-05 (12:41:40AM)

فى حاجة مهمة عايز اضيفها سامسونج مبتدعمش الشراء فى مصر يعنى مينفعش تشترى اى حاجة لو انت من مصر لكن لان جيمى موبايله جايبه من بره فسامسونج بتدعم الشراء فى البلد اللى جابه منه و اللى فى الغالب بيستعمل اليورو يعنى من اورويا فى الغالب و اكيد فى اوروبا مدعوم الشراء على عكس هنا يعنى لو البرنامج بفلوس انسى انك تجيبه لموبايلك الا لو غيرت حاجات كتيرة فى الموبايل بتغير اعدادات بلد الموبايل و منصحكش خالص تخش فى الكلام ده لانه وجع دماغ و هياخد وقت طويل و ممكن موبايلك ميفتحش تانى.

على العموم دا مش معناه ان الويف وحش ابدا لكن ده غباء من سامسونج لانها مطنشة مصر مع انها سامحة بالشراء فى بعض الدول العربية زى الاردن او الامارات على العموم البرامج و الالعاب المجانية مش وحشة خالص و سامسونج بتعمل عروض مجانيه كتيرة على البرامج و الالعاب اللى بفلوس و خصوصا الالعاب و حتى اللى ببلاش مش وحشة خالص و الويف بتمنو ده و امكانياته يتفوق على موبايلات اندرويد كتيرة لان البادا ثابت و مفيهوش مشاكل خالص و انا معايا Wave 533 اللى هو بادا 1.1 و اللى هو اقل بكتير من الواف 3 فى الامكانيات و مع ذلك فهو ثابت جدا و مفيش ولا مرة فصل منى او اى حاجة زى كده من الى ساعات بتحصل فى بعض الاندرويد فما بالك بالبادا 2.0 اللى هو احدث بكتير من البادا 1.1 اللى عندى.

على العموم فى الاخر الويف 3 موبايل جامد جدا و جسمه المعدنى جميل حدا و شاشته جامده اوى و التاتش حلو و البطارية بتاعتو قوية جدا و تتتفوق على كمية كبيرة من الموبايلات اللى اغلى منه بمراحل يعنى من الاخر هات الموبايل ده لو ميهمكش الالعاب و البرامج غير كده هات اندرويد لانك لو بتحب الالعاب هتتعب اوى مع الواف.

thescorpion304

2012-03-31 (08:17:58PM)

بجد انا متشكر جدا جدا يا اخ جيمي علي المعلومات الرائعه دي و معلش تعبتك معايا

jimmy83

2012-03-30 (05:54:54PM)

*انا لم كان معايا مكنش لسة نازل فمصر و مكنش عليه لغة عربية.
وبرنامج الملاحة بتاعو انتهت الرخصة بتاعتو و طلبو تجديد على ما اذكر 9 يورو و تمن خرايط مصر كاملة 24 يورو.
عالميا في ابديت لبرنامج مجاني بس لحد دلوقت مسمعتش عن حاجة بالوطن العربي عن الابديت دا..فصراحة مش متأكد
وكمان وعشان الامانة البرنامج شكلو وحش(بالاول وبالاخر هو بيعرف انت فين ورايح فين وازاي بس انا اقصد الشكل)
كل الكلام خلاصتو ان خرايط مصر موجودة بس موضوع هي لسة بفلوس ولا بقت ببلاش دي مش متأكد منها لاني لحد دلوقت مش لاقي حد اتأكد منو وبتوع المحلات مبيفهموش فالامور دي و مفيش اسهل من انهم يفتو بحاجة مش متأكدين منها.
---
دا بخصوص البرنامج الرسمي و طبعا البرامج التانية وعلى راسها جوجل مابس متوفرة و باحدث اصدار
---
بخصوص ارفاق ملفات بالايميل موجودة و مجربة و بيدعم word , excel ,power point , adobe pdf سواء بالعرض او بانشاء او بتعديل وامكانية cut -copy -paste وغيرو
والبرنامج هو polaris office
وعن نفسي بخصوص انك تجيب جهاز من السعودية فهي تعتمد على فرق السعر..يعني لو في فرق محترم يبق هاتو .
---
بخصوص المتصفح كويس ويشبة الي على الاندرويد و الجهاز صحيح منغير فلاش بس بيشغل الفيديوهات عادي من على يوتيوب و غيرو (اي فيديو ب 360P و تحت حيشتغل) و حتى الاعلانات كانت اغلبها بتشتغل و في حاجات مبتشتغلش و صراحة مش عارف مواصفات الي بيشتغلو والي مبشتغلوش وهو عموما الفلاش اغلب تأثيرو فموضوع العاب الفلاش مش الفيديوهات ولا الاعلانات.
---
موضوع اني احسن..
لاي واحد مش جايب الجهاز عشان الالعاب فانا مش شايف اي سبب الاندرويد افضل من البادا 2.0
كفاية ثباتو و مشاكلو القليلة.
اما كجهاز فالارك بكاميرة اعلى و شاشة اكبر و هم الحاجتين دول الي احسن بس والباقي كلو لمصلحة الويف
طبعا انتا لو من الي بيفضلو الاجهزة الكبيرة حتفضل الارك و نفس الكلام للكاميرة و جايز دول يكونو كفاية بالنسبالك لتختار.
بالوبف عندك خيارات فالكاميرة اكتر و ذاكرة داخلية اكبر و بشكل عام الاداء كلو افضل و كل الاساسيات الي على جهاز فالاندرويد حتجيبلها برنامج بس على الويف مبتحتجش لانها موجودة من السوفتوير نفسو ودا معنا تقليل المشاكل و بانها بتكون بكفاءة و اعتمادية اكبر. و في فرق بالسعر بنهم لمصلحة الويف و مع اني بحب شكل السوني و خصوصا مديلات الارك بس الويف شكلا اجمل وكخامات ممتاز جدا و مميز جدا.

thescorpion304

2012-03-29 (10:08:23PM)

معلش يا اخ جيمي انا هازهقك انا عارف بس بجد عاوز استفيد من خبرتك مع الموبايل ده هل لو في فيديو علي اي موقع تاني غير اليوتيوب بيشغله ولا لأ؟ علشان انا عارف انه مبيدعمش الفلاش بس بيشغل فيديوهات اليوتيوب بس معرفش باقي المواقع شكرا اخي الكريم

thescorpion304

2012-03-29 (09:10:12PM)

ايه رأيك يا اخ جيمي في المتصفح بتاعه؟

waeldosoky

2012-03-29 (05:00:08PM)

يا جيمي معلهش انضم للسؤال واضيف عليه سؤالين ومعلهش علي تعبك
- هل الجهاز ده بيشتغل عليه GPS فعلاً بخرائط مصر ولا فيه مشكلة
- وهل الجهاز ده بيعمل edit لملفات الward ,EXCEL علشان الواحد لما يجي له ايميل يعرف يرد علي الملفات المرفقة به
- وسؤال اخيراً للكل انا ان شاء الله مسافر للعمرة فهل تنصحوني اجيب الموبيل ده من السعودية ولا اشوف نوع تاني هناك ولا بلاش السعودية خالص واجيب الموبيل من هنا
وشكراً لكم

thescorpion304

2012-03-28 (08:21:01PM)

معلش في كمان سؤال هو الاحسن ولا xperia arc?

thescorpion304

2012-03-28 (06:30:56PM)

شكرا يا جيمي علي الرد بس ممكن اعرف هل نظلم البادا 2 له برامج ملاحة و gps كويسه ولا لأ و يكون في خرائط لمصر مجاني طبعا بجد انا عاوز استفيد من خبرتك مع الموبايل ده لاني نفسي اشترية بس كتر الكلام عليه مخليني قلقان
شكرا اخي جيمي

jimmy83

2012-03-28 (02:38:57PM)

انا من الناس الي جربتو وبتقول عنو انو جاااااامد جدا
والي بيقول عنو وحش دا لانو سامع ان البادا 1 و بادا 1.2 وحشين...معرفش هم شكلهم ازاي بس الواضح انهم كانو وحشين..والبادا 2 يختلف 100% عنهم لانو كشكل تحفة و كاداء تحفة و كامكانيات تحفة...في مثل بيقول الي ميعرفش الكافيار يقول عنو عدس!!! دا بالظبط الي حاصل.
الحاجة الوحيدة الي نقصا انهم يزيدو عدد الالعاب.
في ناس بتقولك يزيدو عدد البرامج بس انا عن نفسي مش مع كدا ابدا.. ليبقو زي اندرويد لان عندهم اكتر من 50% من البرامج عيب الواحد يعزب نفسو واينزلها و يدفع قرش ساغ فيها.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung S8600 Wave 3

مقارنة

Bada
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung S8600 Wave 3

Bada

4.0″

3G

5 MP, 25...

1500mAh