هذا الموضوع مرتبط بـ S8600 Wave 3

بدون عنوان

Mahmoud Samir

2012-02-22 (01:21:21AM)

الموبايل دا ياجدعان فااااااااااااااااااااااااااااااااااااااااااااااااااااااجر جدااااااااااااااااااااا جداااااااااا جداااااااا سامسونج ناقص تعمل ماركت للبادا وبرامج بالهبل والعاب اتش دي للبادا وهاتنافس اندرويد ويمكن تتفوق عليه والله

reemkhaled

2012-03-18 (07:46:21AM)

السلام عليكم ازيكوا ياجماعه من فضلكوا انا عايزه اتشرى موبايل فى حدودد1100ممكن حد يقولى على افضل موبايل ممكن اشتريه بالسعر دا

jimmy83

2012-02-26 (01:21:38PM)

ممكن تبص على جالاكسي ميني او جالاكسي y او ويف y و تختار منهم ايه الي مواصفاتو بتناسبك.

mohamedspeed

2012-02-25 (05:51:10PM)

انا نفسي اشتري موبيل ويكزن في حدود 1
100

Mahmoud Samir

2012-02-23 (12:23:28PM)

لو ربنا كرمك بالنوت طبعا دا حاجة جامده جدا باذن الله

jimmy83

2012-02-23 (07:18:55AM)

eslamnta
الجهازين دول من اجمل ما يكون
الراي فالحجم دا ممكن يكون احسن جهاز فالعالم(مسمعتش عن جهاز بحجمو وبامكانياتو)
الويف 3 محدش حيسدق جمالو غير الي جربو و الي حيجربو مش حيندم اكييد.
فالراي للناس الي بتفضل الاجهزة الصغيرة وفيها كل حاجة و الويف 3 بيجيلك من الشركة (جميع الكماليات) و حقولك بكل ثقة و امانة ان الويف 3 يشكل عام افضل.
------------------------------
محمود صديقي..هو موخرا وبسبب ان الواحد صار يخاطر يخرج و يوصل البحر او يلف فاوقات فراغو المسائية فالبلد و فين متروح الكلام فكل مكان فالسياسة وقرف.. فالواحد نفسو اتسدت من شوفة الناس !!! اقلمت نفسي على قعدة النت و اي حاجة تسليني بس مخرجش من البيت.. و بيع وشرا الاجهزة مسليني..وكانت حركة متسرعة اني ابيعو..حستنى ليوم 27 واشارك فعرض سوق .كوم على الجالاكسي نوت ب 2900 و حاجة ولو ظبطت يبق الحمد لله ولو لأ جايز اشتريلي واحد تاني اشوف شكلو مع العربي عامل ايه.
--------------------------------------
والله يا عصام الناس دي غريبة و كتيير..وحاجة اتدحك البلد فيها ال بيشتري Gtide ب999 على انو زي النوكيا e72 وناس تشتريلك ايفون ب 6000 عشان يعلقو برقبتو ولا على قزاز العربية و يتمنظر بي ولا البلاكبيري العظيم (دا حكاية لوحدو) عيال بيشترو بلاكبيري عشان يورو صاحباتهم انهم دماغ و رجالة المستقبل...اصل استررررجل معدتش للبريل الايام دي ورجولة العيل فتمن البلاكبيري الي شايلو..و البولد تتش 9900 دا بيبق عيل 15 ولا 14 سنة بس كلو شششعر (فعنين صاحبتو) بشفهم فالحتة عندنا ..بيسرقو علبة السجاير الفاضية بتاعة ابوهم من الزبالة و ييجو يشترو سجاير فرط بالعدد وولاعة حسب الوقت الي حيتمشى بيه هو وصاحبتو (عشان مش حيعرف يدخلهم البيت لم ايخلص)
ولله في خلقه شؤون

essamseven777

2012-02-23 (12:54:30AM)

المفروض كل واحد يعرف احتياجاتة وعلى اساسها يختار الموبيل المناسب لكن للاسف فى ناس بتشترى موبيلات الاندوريد لمجرد ان اسمة بيشتغل بنظام اندوريد وخلاص حتى ولو كانوا مش بيستخدموا العاب او برامج ونفس الكلام فى الايفون والبلاك بيرى
يعنى ليا واحد صاحبى معاة بلاك بيرى قولتلوا انت بتستخدم الbbm قالى اية دة يعنى مش عارف اهم ميزة فى الموبيل وشارية وخلاص لمجرد ان اسمة بلاك بيرى

Mahmoud Samir

2012-02-22 (10:06:18PM)

وأكتر قرار خطاء انك فرطت ف الموبايل دا ياصاحبي

eslamnta

2012-02-22 (07:30:51PM)

استاذ جمال واضح انك جربت الموبايل ده و الراى وهما تقريبا نفس السعر ايه الافضل فيهم؟؟؟

Mahmoud Samir

2012-02-22 (01:23:13PM)

وبالنسبه للناس والالعاب ف اندرويد والكلام دا مش هانقول ان دعم دا اكتر لا دعم اندرويد اكتر وانا شغاله على اندرويد وجامد وكل حاجة بس اتصدق وتؤمن ب ايه الموب دا بنظام البادا لو نازل ومعاهوش ولا برنامج وولا لعبه ولا نزلة حتي عندي استعداد اشتريه كفايه ان معاك جهاز سريع وسوفت وير جامد جدا والله وامكانيات رائعه

Mahmoud Samir

2012-02-22 (01:20:50PM)

ياصاحبي الجهاز دا نقله جامدة اوي والله وفعلا فيه ناس كتير تقولك بادا ايه ومقلقه وكدا بس لا الجهاز اساسا مش ناقصه حاجة نهائي وفيه كل حاجة يعني جهاز كامل ماشاء الله وشاشه حلوة وامكانيات جامده وكل حاجة

jimmy83

2012-02-22 (10:39:10AM)

والله يا صاحبي انا مش قادر افهم الناس...
*كل الاضافات الي بالكاميرات موجودة من تحديد الوش للابتسامة لرمشة العين+ اعلنو ان في تحديث جاي لتصور ب 60 اطار للثانية.
*مشغل افلام + اغاني بيشغلو كل حاجة زيو زي اتخن جهاز و سارقين الشكل من zune بتاع اجهزة الويندوز الجديدة..
* برامج التشات و المحادثة و الايميلات كلها built in و مدموجة بالسوفتوير نفسو ..يعني احسن من البرامج
*عمر بطارية من احسن ما يكون في الاسواق العالمية
*شاشة من احسن الانواع و بوضوح ممتاز و حجم وسط بين اكتر الاجهزة مبيعا من4.3 او 3.7
*صوت من احسن الاجهزة
*معالج 1.4 على جهاز شغال بادا 2 خفيف جدا وسرعة من احلى ما يكون.
* تعرف على كتابة سواء من الكاميرا او على الشاشة..صحيح مش دقيق بس مع التعويد بيحصل تفاهم.
*تعرف على نغمات.
*عرض الرسايل يا بالشكل المعتاد او زي اندرويد.
*wireless lan بكل الاضافات.
*3g سرعات بزيادة لكمان 5 سنين قدام.
*ذاكرة داخلية الحجم المتوسط.
*كاميرا امامية موجودة والبادا بيدعم استخدامها.
*خامات ولا اعلى و شكل مدروس مريح للمسك + طريقة فتح الكفر عمرها لا بتبوظ ولا بتتكسر.
*برنامج قراءة ملفات موسع وشامل ومش بحاجة لاضافات.
*برنامج تعديل الصور ولا اتخن برنامج.
*متصفح انترنت يدعم كل حاجة الا الفلاش + ضغط بيانات ممكن و كبديل لبرامج اوبرا...
--------------------------------------
يعني الجماعة سامسونج بصو على اجهزة الاندرويد و شافو اكتر البرامج الي الناس بتنزلها وشغالة عليها و دمجوها فالنظام نفسو عشان لا ماركت ولا روت ولا bug ولا تطبيق عمل crash ولا متفلش وشغال بالخلفية و دور عليه واقفل..ونظام يصنف من احسن الانظمة ثبات.
هي الي فاضلة العاب..فالله اكبر يا ناس سايبين كل دا فجهاز سعرو ولا حاجة بالنسبة للامكانيات دي وراحة البال كلها عشان كام لعبة..
دانا معتبر وحدة من اغبى الحاجات الي عملتها فاستخدامي للموبايلات اني بعتو..و والله قبل بيوم واحد من ما عرفت انو نزل بالسوق..لاني كنت فاكرو مش حينزل و موضوع ان مفيهوش عربي كتابة كان قارفني..وعمال اتحايل على خدو ايرجعو.
----------------------------------------
يعني بسمع الناس بتتكلم عن اندرويد تحس انهم مش حيخلو برنامج ولا لعبة غير ميجربوها و ترجعلهم بعد فترة تلاقي شغال على 5 او عشر برامج اساسية الي هي built in فبادا 2 و لعبتين تلاتة وخلاص. هي اول شهر الناس بتنزل كل حاجة و تجمع مشاكل فجهازها ويا عالم يبوظو سوفتوير كام مرة بعدين يعقلو تاني.
صحيح دا لو باظ السوفتوير عايزلو حكاية عويصة لعمل فلاش لسوفتوير جديد بس النقطة انو ممكن طول عمرو ميلزموش تصليح.
---------------------------------------
انا بتكلم و عارف ان الكلام لا حيقدم ولا ايأخر ولا ايجيب نتيجة و فالهوا..جايز الناس تستغرب قوي بس انا من الناس الي بتدايق جدا من ان الناس تبخس فجهد حد و بالزات لم يكون المجهود دا فعلا حاجة متقنة و جديدة ومفيدة..
بس اهو الواحد بيعمل الي عليه و بيرضي ضميرو وكلمة حق اتنطقت.
وكل واحد حر بفلوسو يصرفها زي مهو عايز.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung S8600 Wave 3

مقارنة

Bada
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung S8600 Wave 3

Bada

4.0″

3G

5 MP, 25...

1500mAh