بدون عنوان

بدلت htc hd7 بالجهاز دا و خدت فرق سعر ..المهم الجهاز طلع تكلفتو عليا 3000 جنيه من غير لا ضمان ولا بتاع ومفيهوش لغة عربية حتى.
طبعا الكل ماخد فكرة عن البادا 2 انو حاجة درجة تانية و مفيهوش حاجة مميزة وان اندرويد احسن منو بكل حاجة ودا في الحقيقة ملهوش علاقة بالواقع و استعمالي للجهاز دا هو الحاجة الوحيدة الي خلتني احترم سامسونج و اتقبلها.
الجهاز كخامات و حسب معرفتي الي على قدي احسن من اي جهاز سامسونج تاني(مليش دعوة باجهزة زمان والي بقصدو هي خامات الاجهزة الحديثة)
كنظام البادا 2 شبيه جدا بالاندرويد واستعمالو تقريبا بنفس الطريقة بنسبة 90% تقريبا والtouchwiz 4.0 الي هي على اغلب اجهزة سامسونج التقيلة موجودة على الجهاز دا بالاضافة الى social hub خاص بي فيو كل ما تتخيلو من برامج خاصة بشبكات التواصل + e-mail client لكل من جوجل و هوتميل و ياهو .
اي حد جرب الاندرويد لحد 2.3.5 و بعديها جرب بادا 2 حيحس بتفوق البادا 2 من ناحية الاتقان و اشكال الايقونات دقيقة جدا + تقليب الصفحات مفيهاش اي هفوات وممكن اي حد يلاحظ قد ايه النظام جميل بانو يجرب يقلب صفحات بسرعة بطيئة جدا ويشوف التفاصيل متقنة قد ايه..طريقة دخول و الخروج من البرامج برضو بتتم بطريقة روعة بتبين قد ايه النظام متعوب عليه..وبقصد فالاندرويد لم نخش على برنامج او نطلع من لعبة تقيلة بتحس ان في لحظات كدا النظام بيكون فيها عبيط بينما على البادا تحس كانك قلبت صفحة وخلاص.
نيجي للبرامج و الالعاب..ممكن للبعض يقول مفيش مقارنة بين اندرويد وبادا 2 (بالتحديد بادا 2 لان ليه برامج اكتر بكتير من بادا 1) و بالغالب الكلام دا صح لو قعدنا نحسب كل نظام ليه برامج قد ايه من غير منحسب المهم و المؤثر بالبرامج..ولو شلنا التوافه من برامج الاندرويد حيكون النظامين متساوين و بيفضل تفوق الاندرويد بالالعاب بس والفلاش(لو يتحسب تفوق فحالة الناس الي مش قادرين يلغو الفلاش)
مفيهوش فلاش طبعا و دا بالنسبالي شخصيا احسن لان كل استعمالي للانترنت من الموبايل بيكون وانا خارج البيت او الشغل وبالتالي استعمال الفلاش على ال3g مأساة ونكبة و مخسر كبير.
البطارية عمرها تحسن بالبادا2 عن الاندرويد و دي من الحاجات ااي تلاحظ بسرعة.
----------------------------------------------------------------------------------------------
الجهاز حاليا وعلى حد علمي مش متوفر بالسوق و السعر المعلن فالموقع هنا هو سعرو باميركا او بريطانيا او الهند او كندا...بتفرق من 100 ل 200 جنيه الاسعار بين البلاد دي.
اتمنى انو ينزل بسعر معقول...يعني لو 2500 او لحد 2700 يبق حاجة تحفة واحسن من اي جهاز تاني بالسوق عند السعر دا بكل المقاييس.لانو حيوفر للناس نظام زي الاندرويد بس منغير مشاكل وتعليق واقل غلطة سوفتوير ضارب و اعمل روت واستر يا رب..غير عن كدا الاندرويد بيجي من الشركة عقيم و كل حاجة لتشتغل بشكل كويس وزي محنا متعودين لازمها برنامج بينما دا بيجي من الشركة كانو اندرويد بعد متضيفو عليه كل البرامج(المهمة مش السفيهة)
هم كام انتقاد للجهاز دا و هي مسئلة شخصية فمعظم النقاط
الشاشة كبيرة بريزيليوشن عادي وانا متعود على ريزيليوشن عالي فالشاشة دي بالنسبالي مستفزة جدا
برنامج الملاحة الي عليه(gps) وقف وبطل يشتغل و عايزيني ادفع تمن البرنامج..ودي حاجة معدتش موجودة عند كل الشركات التانية وبقا كلو ببلاش
الصوت عالي جدا لمة يتظبط على اعلى درجة لكنو وحش واعلى درجة مقبولة للصوت هي عند 75% او عند الشرطة السابعة حسب البرنامج ودي بتخلي صوتو زيو زي زغيرو مش زي ما معظم المواقع قايلة.
سامسونج اعلنت من فترة ان بادا 2 هو اخر نظام بادا و حيبدلو بنظام تاني ولو فعلا الكلام دا صح تبق سامسونج اكدب شركة بتاريخ اجهزة المحمول و مفيش اي مستخدمين لنظام موبايل بالعالم اتدحك عليهم او انكدب عليهم او اتنصب عليهم(سموها زي متسموها) قد الناس الي اشترت اجهزة بادا و دول مش قليلين خالص ومبيعات سامسونج من اجهزة بادا بتوصل ل17% من مبيعاتها من السمارتفونز.
فللاسف الي حيتشجع بانو يشتري جهاز سامسونج اصلي(هاردوير وسوفتوير) لازم يكون مقتنع بان السوفتوير دا هو اخر حاجة حيشوفها وان اي كلام من سامسونج حيكون كدب * كدب.
وللسبب دا ولاني قلت ان الجهاز دا هو السبب الوحيد لاحترامي سامسونج وتقبلها(لان الي حتعمل نظام زي دا ..شبيه بالاندرويد بس منغير عيوبو..لازم تكون شركة محترمة)
و بمجرد ما سامسونج اعلنت عن النظام البديل للبادا..الاحترام الي كسبتو عادت وخسرتو وفوقي عدم ثقة كبيرة مش مني بس ..من تقريبا 13 مليون مستخدم بعتو شتايم لسامسونج لانها خدعتهم ودحكت عليهم.ولانهم قرفو من كلام سامسونج ان التحديث جي اليوم وبكرة وبعد بكرة وكمان اسبوع وبالنهاية التحديث وصل لاجهزة قليلة و بشكل ممكن ميتحسبش انو تحديث اصلا و كتيرين وصفو بbada2.0 theme on bada 1.2