بدون عنوان

للرجوع الي صفحة سامسونج S8530 Wave II الرئيسية اضغط هنا

lomy

2012-01-11 (07:15:09PM)

يا جماعه انا سالت من فتره علي ان مش كل النغمات بتزل علي الموبيل يعني صيغه real مش بيقبلها الموبيل المشكله دي عامه وله معايا انا بس
ممكن الاهتمام والرد لاني ملاحظه ان ما فيش رد علي اسئلتي وشكرا للجميع

Muhammad Fayed

2012-01-12 (02:21:59AM)

هلا وغلا. .. أخبار الموبيل معاكي ايه ؟؟؟؟

أنا نزلت Bada2 عليه ومريحني دلوقت نفسيا علي الأقل بس البطارية مش بتدوم زي الأول .. كبيرها يوم مع الاستعمال..

معظم الموبيلات مش بتشغل RM
الويندوز نفسه مش بيدعم RM تلقائيا .. وبتنزلي كودك علشان يشغله
طالما شركة RealNetworks اللي عاملة RM مش هتدعم تشغيل صيغ ملفاتها علي بادا .. يبقي ما تستنيش حد يعملها من نفسه..

بادا بيدعم تقريبا جميع صيغ الملفات ما عدا الصيغ الخاصة بشركات معينة منها RealNetworks

أنا فاكر من شهور أديتك السنارة للينك برنامج تحويل ميديا من أي حاجة لويف 2 .. وفيه ناس تانية برده أعطتك لينكات لبرامج

هاتي أي برنامج ونزليه وحولي الملفات سواء صوت أو فيديو لصيغة MP3/MP4 لويف 2

احنا بنعمل كده

وده البرنامج اللي رشحته مسبقا Xmedia-recode

وده شرح دقيقة فيديو ليه .. وهو سهل استخدامه

lomy

2012-01-12 (03:08:47PM)

شكرا محمد فايد
هو ازاي احول الملفات لصيغه mp3 _mp4
انت بتقول نزلت البادا 2 هي خلاص نزلت رسمي ومعربه وله انجليش بس

lomy

2012-01-12 (04:37:09PM)

محمد معليش اصلي لما صدقت حد رد علي كلامي هو الموقع اللي بعته هيعمل ايه بالضبط في مووع النغمات

Muhammad Fayed

2012-01-12 (05:10:18PM)

اللينك الأولاني ده البرنامج نفسه XMediaRecode3060_setup.exe
هتنزليه وتثبتيه علي الويندوز .. وبعد كده تشوفي اللينك التاني وده لفيديو علي اليوتيوب فيه شرح للبرنامج ازاي تستخدميه وتحولي بيه النغمات أو الفيديو لصيغة تنفع تشتغل علي ويف 2...
جربي ونزلي البرنامج وهتلاقيه سهل جدااا ومش هتستغني عنه لـ 10 سنين قدام..

بادا 2 أتأجل صدوره أكثر من مره .. وأخر مرة قالو أنه هينزل رسمي في الربع الأول من العام الحالي .. يعني ممكن نستني 5 شهور كمان لحد ما يطلع إصدار رسمي للدول العربية..
والنسخ اللي موجودة دلوقت بيتا للسوق الأوروبي مفهاش عربي أخرها الفيرموير S8530XXKL6 .. لكن كحل سريع ومؤقت, ممكن يتحطلها خط عربي وتقرأ العربي بدون مشاكل في البرامج الأساسية علي النظام .. لكن مفيش كيبورد عربي للكتابة..

أخر مرة بحثت فيها وكان من مدة كانو الإيرانين عاملين شغل حلو ومعدلين في نسخة وحاطين فيها كيبورد فارسي .. والفارسية حروفها عربي فتمشي الحال مؤقتا

بس مين هيحتاج يكتب عربي .. والمعظم بقي بيستخدم فرانكو .. وبيوفر في حجم الرسائل كمان

lomy

2012-01-12 (09:09:41PM)

محمد انا نزلت البرنامج وظهرت الصفحه بس معليش م عارفه ازاي بالظبط احول الصيغه ووفت الyoutubبس مش واضح ليا اوي لو ممكن تعرفني بسرعه كده وبعدين بوصل الكابل بالكمبيوتر الجهاز مش شايف الموبيل مش عارفه ليه مع انه كان شغال كويس ارجو المعذره

lomy

2012-01-12 (09:22:01PM)

ممكن اقولك انا ولت لفين الاول بحدد الاغنيه او الفيديو اللي عاوزاه وبعدين بعمله add
وبعدين بحدد نوع الموبيل وموديله وبعدين بضغط علي formt , وبعدين video ثم filter بعد كده مش عارفه اكمل

Muhammad Fayed

2012-01-13 (06:50:28AM)

طيب أنا عملت فيديو علي يوتيوب فيه الخطوات المهمة فقط لاستخدام XMedia-Recode

ولو الموبيل مش متعرف علي الويندوز فلازم تنزلي Kies .. لإن فيه تعريف الـ USB بتاع الجهاز
ولو متثبت عندك شليه وثبتيه مرة تانية

أو نزلي تعريف الUSB فقط من هنا

lomy

2012-01-13 (12:50:41PM)

محمد شكرا لمجهودك انا نزلت اللي قولت عليه وسطبت البرنامج ولما وصلت الكابل نفس الموضوع الموبيل شايف الكابل والكمبيوتر بتظهر الايقونه اللي من علي اليمين ان في هاردويير للموبيل كالمعتاد ولكن تظهر جمله في الاخر ان في مشكله ادخل علي my computerعشان اشوف الموبيل زي الاول ولكن ما فيش انا مش عارفه كده المشكله في الموبيل وله في الكمبيوتر وله في الكابل مع اني بعتقد ان الكابل كويس بدليل ان الموبيل شايفه وكذلك الكمبيوتر اعمل ايه المشكله دي فارقه معايا اوي معلي يا محمد بس ربنا يجزيك خير علي تعبك مع الناس المتعبين اللي زيي منتظره حلولك بالنسبه للفيديو بتاع النغمات هوفه لما احل مكله الكابل دي

Muhammad Fayed

2012-01-13 (02:28:13PM)

لو متأكده إن الموبيل بيشحن لما بتوصليه بالكمبيوتر يبقي الكابل سليم .. دي غالبا مش مطلوب لها تعريف شغال علي الويندوز ..

لكن ما دام تعريف الـ USB وقع مرة واحدة ومحاولات إعادة تثبيت Kies والـ USB Driver ما جبتش نتيجة

فلو عندك كمبيوتر تاني, جربي توصلي الموبيل عليه وثبتي Kies .. وشوفي النتيجة ..

ولو مش تحت أيدك كمبيوتر تاني دلوقت .. جربي تنزلي ويندوز مرة تانية علي جهازك ..وده أسرع من إنك تدوري علي حل للمشكلة دي لأيام..

نسخة الويندوز الجديدة هتحل المشكلة .. ويكون أفضل لو كان Windows 7 .. مشاكل الهاردوير عليه بتبقي بسيطة

علي XP لما تعريف الـ USB يوقع لموبيل .. ده العادي بتاعه .. ودايما كانت بتحصل معايا وبريح دماغي وأنزل نسخة جديدة في 10 دقائق أسرع وأريح من أني أدور أيام علي حل...

لكن علي 7 أنا مستريح من مشاكل التعريفات دي كلها .. مفيش ولا مرة لحد دلوقت..

بس لو عندك 7 وحصلت المشكلة دي معاكي .. بيقي ارمي الموبيل ده بسرعه .. عليه عمل :)

lomy

2012-01-13 (03:53:42PM)

شكرا يا محمد ممكن يكون كده صح انا عندي xp فعلا هحاول اجرب تنزيل نسخه جديده هودي الكمبيوتر لحد ينزله وهقوله ينزل ويندوز 7 او نسخه xp جديده وياريت المشكله تتحل
جزاك الله كل الخير وهبقي اعرفكم ايه اللي حصل حتي يستفيد غيرنا بهذه المكله وما اضطرش ارمي الموبيل

lomy

2012-01-13 (03:56:43PM)

بس مش الxp احدث من الوينوز 7 وله ايه

Muhammad Fayed

2012-01-13 (06:11:17PM)

XP ربنا يديله طولة العمر ويكمل 20 سنة ونفرح بيه .. عدي الـ 11 سنة دلوقت
الجديد حتي الآن وبقاله سنتين هو 7 Windows
واللي أجدد هو Windows 8 نازل رسمي خلال شهور قليلة

فيه ناس لسه بتحاول تعدل في XP وتديله روح العصر الحالي وتطلعه بأسماء زي XP 2011 أو حتي XP 2012 مع برامج وثيمات و Hot-Fixes جديدة .. بس هو نفس الـ XP بتاع 2001 بمشاكله بسلاطاته...

وما تنسيش تطمينا علي صحة الموبيل .. علشان نعمله جنازة عسكرية تليق بيه :)

lomy

2012-01-13 (08:31:25PM)

بجد يا محمد علي كده الواحد متاخر اوي حاجه تكسف علي العموم ربنا يسهل بس حرام عليك عاوز تموت الموبيل ليه هو انت م معاك برضه الويف وله استغنيت عنه خلاص برضه هعرفك التطورات اكيد

lomy

2012-01-15 (09:12:32PM)

فايدمحمد بجد شكرا جدا جدا علي النصيحه بتاعتك فعلا نزلت الويندوز 7 هو بس بطئ مع الكمبيوتر عندي بس هعمل ايه وبمجرد ما حطيت الكابل شاف الموبيل حتي ما نزلتش الكيز لاني اصلا مش بستفاد منه وكمان البرنامج اللي بيحول النغمات برضه اشتغل بجد جزاك الله كل الخير علي مساعدتك وخبرتك شكرا مره تانيه ويا ريت لو حصلت حاجه تانيه الاقي عندك مساعده شكرا ليك

Muhammad Fayed

2012-01-16 (07:59:54AM)

بيييس قوي إن كل حاجة شغاله معاكي تمام .. الحمد لله .. نأجل الجنازة شوية يعني :)
لما تتعودي علي 7 مش هتقدري ترجعي لـ XP تاني
بس هوه محتاج رامات زيادة علشان يشتغل أسرع..
2 جيجا رامات تخليه يشم نفسه شوية خصوصا لو مشغله الـجرافيك بتاعه والزجاج الشفاف أو واجهة الـ Aero بصفة عامة..
Windows7 بيستفيد من إمكانايات الهاردوير حاليا وبيبقي أسرع بكثير من XP علي الأجهزة الحديثة نسبيا..

عموما إن شاء الله أحاول أتابع لو فيه استفسارات أخري .. والبركة في باقي الأخوة

lomy

2012-01-17 (03:41:36PM)

محمد فايد بما انك بقي استاذ في السوفت ويير في مشكله عندي بس مش في الموبيل مع الويندوز 7 عاوزه انزل القران الكريم والقاموس برنامج اسمه الوافي المهم حاولت انزلهم بس بينزلوا علي win zip ومش عارفه اسطبهم بعد كده عندك فكره في المشكله دي وكمان ازاي اعدل الفونت بتاع الdesk topمعليش اسئله كتيره

تلك الخدمة مخصصة للأعضاء فقط