بدون عنوان

للرجوع الي صفحة سامسونج S8530 Wave II الرئيسية اضغط هنا

Muhammad Fayed

2011-07-28

أمري لله هأستني Bada2 .. لو مكنش علي المستوي المطلوب .. أنا هأكسر التليفون ده وأريح دماغي لإن مفيش مغفل هيشتريه بعد اللي قولناه عليه هنا.

أنا شلت كل البرامج والألعاب الهبلة بتاعه بادا من عليه .. ومحوله دلوقت لجهاز MP3 Player...

لو حد عنده برامج Jar حلوه يشاركها معانا يبقي كتر خيره

lomy

2011-07-28

ليه بس كده هو الموبيل مش وحش اوي كده بالعكس انا اشتريته بعد ما قريت اراء الاعضاء فيه هو بس الناس اللي متعمقه اوي بالسوفت ويير ممكن يكون ليها اراء تانيه بس اكيد لو لاقيت ميزه السوفت ويير في موبيل هتلاقي عيوب تانيه الكمال لله وحده بلاش تكسره خساره الفلوس

zizo30

2011-07-28

اة انا قلت زيك كدة واستنى لحد لما بادا 2 ينزل بس كل يوم بكتشف عيب بيخلينى عايز ابيعو واريح دماغى
يا لومى مش موضوع متعمق بالسوفت بس فى حاجات بسيطة ممكن تشل الواحد مع انهم ممكن يظبطوها بس تقولى اية بقى

zizo30

2011-07-28

معلش يا محمد يا ريت تقولى البطارية بتقعد معاك اد اية واستعمالك ازاى انا حاسس بردو انو اضعف من الاومنيا اللى كان معايا بس دة ممكن علشان البروسيسور اعلى وكارت الجرافيك كمان :(

Muhammad Fayed

2011-07-28

البطارية كويسة بتقعد في المتوسط 3 أيام مع الشغل والنفاذ
لو عايز حاجة تقريبية للاستخدام اليومي
فمثلا نص ساعه كلام في اليوم
ساعتين موسيقي
ساعه فيديو
ساعه نت
ساعة لقلبك

Muhammad Fayed

2011-07-28

lomy@
الموبيل مش وحش .. لكنه Didn't meet my expectations ودي مشكلة ممكن سامسونج تحلها

zizo30

2011-07-28

حلوة ساعة لقلبك دى :) بتعمل فيها اية ؟ :) ... انا تقريبا نفس الحاجات اللى بعملها ما عدا الفيديو وساعة لقلبى :) المهم البطارية شحنتها امبارح الساعة 12 باليل ودلوقتى فيها شرطتين اية بقى دى كدة ضعيفة ..دة الموبايل كدة دة رابع يوم ليه :(

zizo30

2011-07-28

وسؤال كمان انت جايب الموبايل من امتى ؟ والموضوع دة حصل معاك فى الاول ولا لأ

Muhammad Fayed

2011-07-28

اوعي تفهمني صح ..... ههههههههه

علشان تعرف استخدام البطارية فيه طريقتين ..
الطريقة اللي من
Settings -> About phone -> System Info -> Battery Tab

لكن من التجربة ... الطريقة دي مش دقيقة .. ممكن تكون مستخدم نص البطارية ويقولك 70% أو العكس

لو عايز تعرف استهلاك البطارية بالضبط وتكون دقيقة .. كود صغير كده ..
*#0228#
نجمه شباك زيرو اتنين اتنين تمنيه شباك
BAT adjusted SOC

بس علشان توفر في البطارية فلازم تكون متأكد إنك قافل البلوتوث والواي في .. لإنهم ساعات بيشتغلو شيطاني كده بلمسه صغيره من غير ما تحس..

ويا ريت تقلل الـ Brightness برده .. خليه علي واحد وهتلاقي الشاشة بتقول معاك برده

فيه في الـ Gestures خاصية اسمها
Double tapping
دي لو متشغله بتاخد من البطارية

مش هأقولك علي الجي بي اس..
كل ربع ساعة تقريبا بياخد 10% من البطارية

لو بتشوف فيديو HD أو بتصور HD كتير .. فبرده مش مضمونه

لو مشغل برامج في الباك جروند .. خد بالك منها برده
انا مره سبت الجهاز لواحد .. بعدها بيوم ببص لقيته مشغل 10 برامج مع العاب ومكنش بيقفلها..

Muhammad Fayed

2011-07-28

لو رجعت لأول مشاركات هنا في الموبيل ده كنت هتلاقيني بتكلم عليه وعايز أجيبه.. تقريبا في شهر 3
البطارية كانت بتخلص معايا في الأول لإني كنت مفتري قوي خصوصا في موضوع الـ GPS .. انت معاك شهر مجانا لبرنامج 66Route فلازم بقي الواحد يستغلهم
لكن بعد ما ضبطت الحاجات دي .. فالبطارية بقت بتقعد لأيام
الناس علي اندرويد لا مفروض عليها شهر ولا يحزنون

Muhammad Fayed

2011-07-28

كنت ساذج ساذج ساذج

هههههههههههههههههه

Muhammad Fayed

2011-07-28

ملقتش حد جابه ونصحني

zizo30

2011-07-28

الكلام اللى انتى بتقولة لسة حالا شيفوا على موقع اجنبى :) ....بس بجد متشكر ليك جداااااا بس فى حاجتين عايز اسألك عليهم اول حاجة انا عامل ال brightness على 8 :) اصلى متعود على الشاشة الاميلود يعنى لو عملت ال brightness على1 هشوف فى الشمس الشاشة كويس ؟ تانى حاجة ال gps اتاكد ازاى انى قفلة انا اصلا مفتحتوش غير اول امبارح اجربة وقفلتة تانى لانى اصلا مبستخدموش احنا فى مصر يعنى :) فى حاجة فى ال settings ولا مجرد انى اشوفو شغال فى ال tasks ومعلش فى حاجة كمان انا عامل widget اللى هى زى ال speed dials دى بس بردو هتاثر على الشحن انا لقيت ناس كتير فى الموقع اللى شوفتوا عندهم نفس المشكلة وفى ناس بتقول ان البطارية هتتحسن بعد اول شهر او اول كام اسبوع استخدام وناس تانية بتقول ان لازم اول ما اجيب الموبايل اشحنة واسبة يطفى لوحدة الكلام دة فى اول 5 مرات بس ؟ اية رايك

Muhammad Fayed

2011-07-29

طيب يا زيزو ابعت الموقع ده .. ممكن يبقي فيه حاجة جديدة نستفيد بيها

رقم واحد في الشمس المباشرة مش هتبان..
لكن في الضوء الغير مباشر هتبقي كويسة جداا

خلي بس الـ Brightness علي واحد وهتتعود عليها ومش هتحس بفرق والله
وبعدين هوه حد بيستحمل يقف في الشمس ولا الحر ده دلوقت

ايوه الـ GPS ما دام برنامج الـ Navigation مش شغال يبقي خلاص..

وأنا استخدامي للبطارية سيء جداا .. يعني من النوع اللي باشحنها وهي نص أو ربع مليانة مثلا.. مش باسيبها تفضي لأخرها وأشحن ... ومش شايف فيها فرق لحد دلوقت عن ما جبتها...
بس الناس بتتكلم عن تجربة ونظرية .. فمعاها حق..