بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ S8530 Wave II
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن Samsung S8530 Wave II
-
Bada
-
3.7″
3.7 بوصة -
3G
2G / 3G -
5 MP, 25...
-
1500mAh
Li-Po 1500 mAh, قابلة للازالة
أنا كنت جبته من فودافون في شهر 3 اللي فات كان كوري..
ومش فارقه كتير...
المحتويات اللي المفروض تتأكد إنها موجودة : جراب أسود .. سماعة .. كابل USB
بطارية الجهاز ده بتدوم لأيام طالما مش هتشغل WIFI or GPS
الفلاش في الضلمه مش بيفتح الصورة للدرجة دي .. الصورة هتفضل غامقة
بالنسبة للرد من علي التاتش .. فلازم Hold on key يعني اللمس لوحده مش هيفتح المكالمه .. علشان لو اتلمس بطريق الغلط .. لكن لازم اللمس مع الضغط لمدة ثانية كده.
وكذلك قفل المكالمة من علي التاتش ..
عموما المفتاحين اللي تحت أحسن في الرد والإغلاق علي المكالمات
الصوت ممكن يتعدل من الـ Configuration ويعلي عن كده .. الطريقة موجودة علي النت للي عايز.
لكن الصوت مثالي ونقي فعلا .. فيه أغاني بتبقي صوتها واطي أصلا .. ولو مشغل Headset فيه نظام 5.1 surround sound بيطلع صوت رائع.
أثناء نسخ فيديو إلي ميموري الجهاز .. برنامج Kies ببيعترض عملية النسخ لكل ملف ويشوف لو الملف ده ينفع يشتغل علي الجهاز أو لأ .. لو ينفع بينسخه من غير ما يقولك حاجة .. لو لأ بيطلب منك أنه يحول الفورمات بتاع الملفات دي أثناء النسخ .. لو مطلبش منك يحول الفورمات يبقي الملف مش هيشتغل وهيطلعلك رسالة بتقول كده.
بصفة عامة فكل ملفات MP3,WMA بتشتغل من غير مشاكل.
فيه مواقع تتعد علي الصوابع زي اليوم السابع مش بتبان علي الموبيل ده وبتبقي مقطوعه لعيب في ستايل CSS الموقع نفسه وليس عيب براوزر الدولفين .. فيه مواقع تانية معقدة وأكثر احترافيه من اليوم السابع وبتبان زي فايرفكس زي الفيس بوك مثلا.
علشان المواقع بتعمل Detect for Browser وشغاله Valid Standard CSS مش شغل حموكشه زي اليوم السابع.
فيه مشكلة وهي في تصفح النت .. فيه مواقع بتقلب مباشرة علي نسخة الموببل للموقع زي m.live.com ... m.facebook.com .. ودي حلها تغيير الـ User-Agent.
فيه مشكلة تانية كانت بتواجهني ولقتلها حل من مدة .. وهي مشكلة المنبه اللي مش بيضرب.. دي خلتني اتأخر عن الشغل 5 مرات وافوت كذا ميعاد ..
طلعت مشكلة في الـ Notification بتاع المنبه .. إنه بيتعمله Overwrite لما يبقي فيه Notifications تانية .. زي مثلا لما تضبط الـ Email Account علي الموبيل .. وكل شوية يقولك عندك عدد كذا ايميلات جديدة ..
التنبيه بتاع الايميل بيلغي التنبيه بتاع المنبه .. ويخليك نايم في العسل..
أضحكك بقي لما أقولك إن سامسونج عندها علم بالمشكلة دي وموجوده في أكثر من موبيل ليها .. ومش عايزه تحلها .. عارف ليه .. كسل بعيد عنك .. من مبدأ ليه تحل مشكلة مهمة زي دي دلوقت .. ما دام تقدر تحلها السنة الجاية.
لا إحنا بس نحل مشاكل الكراكات بتاعه البرامج ونعمل ابديت اجباري كل فترة علشان نغلس علي مستخدمي الجهاز.
أنا برده ما زلت في انتظار اندرويد علي الجهاز ده .. ومش عايز سامسونج تزنقها عليا بمقاس 39