بدون عنوان

للرجوع الي صفحة سامسونج S8530 Wave II الرئيسية اضغط هنا

el3andalip

2011-06-26

مبروك يا مصراوي ألف مبروك ياباشا، بالنسبة للأبديت، فالجهاز دلوقتي إلي معاك متظبط على آخر تحديث، لسه مفيش أيّ تحديثات جديدة نزلتله
وبالنسبة للوايرلس أو اسمها الواي فاي، هتلاقي خطين صغيرين في النص كده في أعلى الشاشة جنب الساعة، دوس عليهم هتنزلك قايمة فيها 3 حاجات، أول حاجة عاليمين لو دوست عليها هتخلي الموبايل سايلانت، والتانية علشان تفتح البلوتوث والتالتة علشان الواي فاي أو الوايرلس يعني، دوس عليها، ولو في شبكة وايلرس قريبة، يبقى إن شاء الله هتقدر تشتغل عالنت عادي وبراحتك
بالنسبة لبرنامج الكيز، فا لازم تعمل أكونت جديد وده من جوه البرنامج برضه، لما بيطلب منك تدخل الإيميل والباسورد، بتلاقي كلمة مكتوبة تحتها على طول sign up new user أو ما شابه لهذا الكلام، اضغط عليها وسجل حساب جديد
ولو إني أنصحك تشيل النسخة دي من عندك، وتنزل النسخة إلي قبلها على طول وإلي اسمها Kies_2.0.0.11011_16_5
لإنها بصراحة أفضل نسخة، وهتقدر عن طريقها تنزل أيّ حاجة بدون ما تعمل أكونت أو تكتب إيميل وباسورد، والأفضل كمان إنها هتخليك تنزل اللعبة الأسطورية أسفلت 5 إلي أحد الأخوة المحترمين هنا في الموقع شرح كيفية تنزيلها
لو احتجت تعرف أيّ حاجة تانية، اسأل على طول وإن شاء الله نقدر نساعدك
وألف مبروك مرة تانية ياباشا

تلك الخدمة مخصصة للأعضاء فقط