بدون عنوان

للرجوع الي صفحة سامسونج Galaxy Young S6310 الرئيسية اضغط هنا

nada1411

2013-12-11 (07:41:04PM)

انا اشتريت الموب دا امبارح موب تحفـــــــــــــــــــــــــــــــــــــــــــة

Hboshkash

2013-12-11 (08:55:52PM)

و ايه اخبار شاشته يا ندا هل عارفه تستخدمي الكيبورد عليها

bibo144

2013-12-11 (09:18:54PM)

على الشاشة مش صغيرة اووووووى كده بتستخدم فى الكيبورد عادى على كده الله يكون فى عون اصحاب البوكيت

عادل طاهر ابراهيم

2013-12-11 (10:20:24PM)

nada1411 : اولا الف مبروك وثانيا مشكلة الصورة اللى بتظهر مع كل الاغانى اتحلت؟؟ ومشكلة ان الكاميرا صورتها غامقة ؟؟؟ لانى بافكر اشترية بس لسة متردد ......... ارجو الرد

nada1411

2013-12-12 (07:58:17PM)

لا انا مش عارفة احل موضوع الصورة والكاميرا بتاعته مش وحشة عادية بس في الفيديو وحشة شوية

XTurbo

2013-12-13 (12:37:58AM)

الف مبروك ع الموب الجديد وفعلا الموب جامد وتحفه :D

بالنسبه لمشكله الكاميرا هى فعلا فى الفيديو وحشه وبتكون ضلمه بس انتى تقدرى تفتحيها شويه
ادخلى عالكاميرا واضغطى على الترس اللى عالشمال تحت بتاع الاعدادات واختارى Brightness وارفعى الاضاءه شويه بس مش عالاخر علشان متكونش باهته..

بالنسبه لمشكله الصور بتاعت الاغانى دايما خلى الاغانى فى فولدر لوحده ميكونش فيه صور لانه لو فى صور مع الاغانى هيحطها ثيم للاغانى وهتفضل ع الاغانى حتى لو مسحتى الصور دى .. وعلشان تحذفيها ادخلى على My Files بعدين sdcard0 "الهاتف" بعدين Android بعدين data بعدين الفولدر اللى اسمه "com.android.providers.media" هتلاقى اخر كلمه فيه media بعدين هتلاقى فولدر اسمه albumthumbs امسحيه دا الفولدر اللى متسجل عليه صور الاغانى وهتلاقى الاغانى اتظبطت ان شاء الله "وطبعا تكونى مسحتى او نقلتى الصور اللى فى نفس فولدر الاغانى".. ولو عايزه تخلى الاغانى على صوره تانيه حطى الصوره اللى انتى عايزاها فى نفس الفولدر وشغلى الاغانى بس بعد ماتمسحى الـ albumthumbs زى ماقلتلك..

بالتوفيق ^^