هذا الموضوع مرتبط بـ Galaxy Y S5360

بدون عنوان

jimmy83

2011-12-18 (06:15:57PM)

لكل واحد عايز يغير جهازو بجهاز جديد زي دا او الجالاكسي ميني او الجالاكسي فيت او الحاجات الي زيهم كدا...
شاشات الاجهزة الي فحدود الاسعار دي مفيش اوحش منها و اتمنى من اي حد ناوي يشتري يبص فالاجهزة كويس..
اي جهاز كثافة البكسل بتاعة شاشتو تحت ال170 بيبق وحش بشكل مستفز و الصور و الفيديو و تصفح النت بيقرف..اي جهاز كثافة شاشتو فوق 200يبق كويس و فوق 260 يبق ممتاز وفوق 300 يبق حاجة خيال.
المعالجات بتاعتها مش حتديك الي انتا متصورو من الالعاب الي بتسمع عنها و الي انتا جاي تجرب الاندرويد علشانها...يعني لو تقدرو خلو الحد الادنى بتاعكم لو عايزين تنبسطو بجهاز اندرويد معالج Qualcomm MSM8255 Snapdragon يعني سرعة 1 ميجا و gpu Adreno 205 ... اقل من كدا فتجربتك مع الاندرويد حتكون محبطة جدا و حتندم على كل جنيه دفعتو فالجهاز..
الكاميرا.. اي حاجة اقل من 5 ميجا بكسل يتصوير 480p@30fps ملهاش لازمة ووحشة.
الزاكرة..الداخلية كل حاجة مقبولة بشرط ايكون بيقبل اقل حاجة زاكرة خارجية فوق ال16 جيجا
مش قصدي احبط اي حد او اني ازعلكم..بس لو انتا مش شايف الجهاز و مجربو ومقتنع بي مع حد تعرفو..يبق لازم لم تروح تشتري الجهاز تشغلو وتبص في و الا حتتفقس و ربنا ايعوضك على ال 1000 او 1600 جنيه الي حتدفعهم.
يعني من الاخر كدا اقل جهاز اندرويد الواحد يستاهل يشيلو ويتبسط في هو سوني اريكسون اكسبيريا نيو/v/active و الي زيهم و اي حاجة اقل متستاهلش تمنها.. يعني للاسف التمن حيبقى اقل حاجة 1800 جنيه.

jimmy83

2012-02-02 (02:28:55PM)

متأسف جدا يا وائل.. مخدتش بالي للتعليق فالوقت الصح و افتكرت الدعوة شوية كلام وبس...وتحت امرك فاي وقت
الاندرويد موجود ليه برامج فكل حاجة تتخيلها و العاب كمان وباسعار قليلة او ببلاش و البرامج دي موسعة بشكل اكبر من الانظمة العادية(القديمة)
وهو النظام الوحيد الي بيدعم الفلاش (يعني زيو زي الكمبيوتر بالظبط)
دي الاختلافات الرئيسية...غير كدا الباقي عبارة عن موثرات شكلية و شوية حاجات(زي الودجيتس) بتسهل التعامل مع الجهاز بس ملهاش التاثير الكبير.
غير كدا تحت امرك فاي وقت تكون في موجود.

وائل عبد الصمد

2012-01-29 (12:18:34PM)

واضح من كلامك انك خبرة وفاهم مش حافظ :) .... بس عندى استفسار صغير كدا هو ايه الفرق بين الأندرويد والنظام العادى ..... انا مكنتش مهتم بالموبايلات خالص بس فى اوقات مش بعرف اخد اللاب معايا وبقيت مضطر اشيل موبايل لأغراض اخرى غير المكالمات ...انا مش مهتم بالألعاب والكلام الفاضى دا ... هحاول اضيفك علشان اتناقش معك اكتر اسف على الإطالة والرزالة :)

jimmy83

2011-12-27 (11:50:49PM)

يا ريت اكون فدتك بحاجة
عندك اكسبيريا اكتف دا عملو سوني عشان ينافس الديفي بس على اصغر.
و بالتوفيق بالاختيار.

e.haitham

2011-12-27 (10:37:31PM)

شكرا جداا لهتمامك انا كنت محتار بس بين اكسبيريا نيو v و موتورولا ديفى بلس بس دخلت معايا اكسبيريا راى وربنا يسهل استقر على واحده ان شاء الله وبخصوص الجالاكسى W هو موبيل ممتاز بس الخامه بتعتو تحس انها بالاستيك من النوع الردىء

jimmy83

2011-12-26 (03:37:01PM)

النيو v موجود حاليل فكل المحلات الكبيرة من موبايل شوب لحد ما توصل اسكندرية عند سيليكت..و هو البديل للنيو العادي الي صعب تلاقي دلوقت
الراي اكتر موبايل فمصر سعرو غريب.. فمحلات تلاقي 2200 و محلات يوصل 2550 و عشان كدا لقيت ان 1850 جنيه من غير ضمان فرصة و اشتريتو مع ان معايا جهاز ميقلش عنو (و عشان انا بفضل الاجهزة الصغيرة )
الجهاز ممتاز جدا من كل النواحي بس عيبو (لو تعتبر عيب ) ان شاشتو مبتشوفش منها حاجة خالص بالميل.. غير كدا مش لاقي حاجة اقولها.. صوت حميل و تصوير جميل و التتش بتاع الشاشة روعة..و انا مجرب السنادي بس بالترتيب ايفون فور بعدي جالاكسي اس 2 بعدي نوكيا اي7 بعدي htc تيتان بعدي htc hd7 و حاليا ويف 3 و الراي مع بعض .. يعني لا انا غشيم ولا بفتي .. صحيح هو مش بسلاسة الايفون و الجالاكسي و التايتان بس فرق السعر الكبير بينهم مش منطقي خالص لم نحسبها من ناحية اي الموصفات المؤثر و الي بتخليك تحب جهاز او تكرهو.
و في حاجة تعلمت اعملها مع كل جهاز بجيبو اني اول حاجة ادورلو على ثيمات لونها اسود و حتى الثيم بتاعة الانترنت براوزر لو بتتغير بحاول الاقيلها حاجة سودة و الwallpaper دايما لونها اسود و بكدا محدش يتصور قد ايه بتفرق مع شحن البطارية و منغير مبالغة بتصمد ضعف الفترة عن الناس التانية..
يعني بالعموم انا راضي جدا بالسوني الراي و مش بفكر خالص اغيرو مع اني مش معجب خالص بالاندرويد بس لانو حيتحدث و عشان افهم الاندرويد اكتر ( مكنش عجبني بالجالاكسي و الناس عموما نتمدح في فقولت جهاز لقطة و اشوف تاني ) و حمارس هويتي بتغيير الاجهزة مع الويف 3 و حسيب الراي للتجارب على طول.
عالموم لو بتدور على جهاز فحدود ال 2200 عندك الراي لو بتفضل الحجم الصغير و بيفرق معاك انو حيتحدث او النيو بس حجم اكبر حبة او الجالاكسي w دا برضو ممتاز جدا و مواصفات تمام بس ملوش تحديث..
ملاحظة اني عمري مجبت جهاز بضمان و عمري مواجهة مشاكل و مبداي اني اجيب جهاز من غير ضمان و اخلي تمن الضمان فجيبي ولو حصلو حاجة ف99.9% مش حيزيد تمن تصليحو عن تمن الضمان.

e.haitham

2011-12-25 (07:27:25PM)

هو اكسبيريا نيو v نزل فين

وياريت تقولى ايه مميزات و عيوب اكسبيريا راى انا شايف انو موبيل ممتاز جدااا وهيتحدث للايس كريم ساندويتش قريب بس هو امكانياتو عاليه بالنسبه لسعره ياترى ليه ممكن تفيدنا يعنى شاشه ليد باك ليت و بكسل بتاعو عالى وكاميرا 8 ميجا بيكسل و اوتو فوكس كمان ومعالج محترم
و ppi عالى ماشاء الله انا كنت فاكر سعرو هيعدى 2200

jimmy83

2011-12-25 (03:40:33PM)

اكسبيريا ميني 1450 جنيه و شاشتو 3 انش و 192ب و معاها سوني برافيا انجن
اكسبيريا ميني برو 1730 جنيه و نفس شاشة الميني
لايف ووكمان 1600 جنية و شاشة 3.2 و 180ب بس منغير سوني برافيا انجن
و كلهم بالضمان
اكسبيريا نيو v منغير ضمان 1970 جنيه و شاشة 3.7 و 256ب مع سوني برافيا انجن
اكسبيريا راي منغير ضمان 1866 جنيه و شاشة 3.3 و 297ب مع سوني برافيا انجن و دا الجهاز الي انا شايلو حاليا و جبتو من اسكندرية ب 1850 م غير ضمان( و دا الي خلاني اشتري مع ان معايا ويف 3)

مع العلم ان كل ماكانت الشاشة اصغر بتفرق فيها كثافة البكسل يعني شاشة 3.5 و كثافة بكسل 200 تفرق كتير عن شاشة 3 بنفس كثافة البكسل
بعدين السوني برافيا انجن هو الدرجة الي تحت شاشات الاموليد بالظبط
وكمان ان سرعة المعالج بتفرق بين شاشتين نفس الكثافة بس بيكون اسرع مع الشاشة الاصغر و بيكون اسرع بكتير مع الشاشات الي كثافتها وحشة (عشان كدا الجالاكسي اس 2 فارق بالسرعة عن اجهزة بمعالجات اسرع منو )
و المعالج دا موجود فاجهزة تانية زي
arc
htc rhyme
htc desire/s/hd
htc incredible s
htc radar
شوف الفرق بالسعر بين الاكسبيريا نيو و htc rhyme ايه و شوف فرق المواصفات بينهم ايه بعيدا عن الذاكرة الداخلية

e.haitham

2011-12-24 (05:29:37PM)

طيب ممكن حضرتك تقولى على جهاز فى المواصفات اللى انت قولت عليها و ب 1800 وركز فى ال ppi عشان دى مهمه جدااااااااااااااااااااااا بالنسبه ليا

ahmedhekal95

2011-12-20 (06:51:02PM)

الجهاز ممتاز بالنسبة للسعر
في الاجهزة الغالية فيها امكانيات كتير ملهاش طلب ومش هستخدمها
وكل واحد يشتري الامكانيات اللي تناسبة
في الغالي وفي الرخيص وكل واحد وعلي قد فلوسه :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Y S5360

مقارنة

Android
3.0″

3.0 بوصة
3G

2G / 3G
2 MP, 16...
1200mAh

Li-Po 1200 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Y S5360

Android

3.0″

3G

2 MP, 16...

1200mAh