بدون عنوان

للرجوع الي صفحة سامسونج Galaxy W I8150 الرئيسية اضغط هنا

maryoma11

2012-08-23 (10:52:05PM)

السلام عليكم ورحمة الله وبركاتة
انا مشتركة جديدة في السايت دة وعجبني جدا والاعضاء فية بيساعدوا بعض واتمني كمان انهم يساعدوني عشان عايزة اشتري تليفون جديد ومحتارة جدا مع العلم اني بحب النوكيا وبرتحلها في الاستخدام والاستحمال وكل حاجة بس بعد اللي قريتة م الاعضاء انة نظام قديم فاتجهت لسامسونج ونظامة بس انا مش بفهم فيهم خالص ولا بهتم بالبرامج كل اهتمامي التصوير والميوزيك وكنت هشتري الان 8 فعايزة حد يقولي الافضل بالنسبة لي اية ؟ اشتري نوكيا الان 8 ولا اشوف نوع سامسونج احلي يكون في حدود 2000 واية هوا ؟ اسفة ع الاطالة ولكم جزيل الشكر....

hussam487

2012-08-24 (01:39:50AM)

سامسونج شغاله بنظام اسمه اندرويد ودا احسن بكتير من نوكيا نظام اندرويد مرن ف الاستخدام مش قص ولزق زى نوكيا موبايل جلاكسى وندر جميل جدا

georgewagdy

2012-08-24 (12:52:26PM)

ده في مميزات و ده في مميزات و ده في عيوب و ده في عيوب حاجه تجنن

maryoma11

2012-08-24 (10:39:54PM)

شكرا ع الرد ... بس انا محتارة بين الوندر والايس بلس وعاجبني شكل الايس اكتر بس امكانيات الوندر احلي وبما ان الوندر احلي اجيبوا ولا استني الايس 2 لما ينزل؟؟ اية احلي الوندر ولا البلس ولا استني الايس 2 ؟؟

georgewagdy

2012-08-25 (08:01:11AM)

استني الايس 2

The Fox

2012-08-25 (04:30:03PM)

ما دامتى مش مهتمه اوى بالتطبيقات , تبقى بالتالى مش مهتمه اوى بان الجهاز يكون اعلى بروسيسور او رام . واللى انا ممكن استنتجه من الكلام ان اهم حاجه شكل الموبيل وسهوله استخدامه وتصويره بغض النظر عن كونى الاقوى ادائا او الاحدث .

لو كلامى ده دقيق يبقى افض جهاز فى الحدود دى "2000" هو سونى اريكسون ارك اس
Sony ericsson Arc S

شاشه ممتازه وحجم كبير وسماعات قويه وكاميرا من افضل الكاميرات فى مستوى ال 8 ميجا وشكله وتصميمه انيق واكثر من ممتاز وسعره 1900 بضمان 14 يوم سلكت و 2300 بضمان سنه .

عيوبه عدم وجود كاميرا ثانيه و البروسيور والرم بتاعه ليس الاحدث .

البدائل هو سامسونج ادفنس 2300 بضمان سنه i9070 وميزته بروسيور ورام اعلى ولكن حجم وجوده شاشه اقل بالمقارنه ,, وجود كاميرا ثانيه ولكن الكاميرا الاساسيه 5 ميجا بعكس الارك اس 8 ميجا اساسيه ولا يوجد كاميرا ثانيه .

اعتقدى فرص الاثنين ضعيفه فى الحصول على تحديث الجيلى بين لاسباب مختلفه ,, سونى اعلنت عدم التدحيث وبعدين تراجعت علشان وعدها بدعم سوفت وير الاجهزه لمده 18 شهر من تاريخ طرح الاجهزه فى السوق ,, وسامسونج مش بتبذل مجهود فى تحديث الاجهزه والجهاز يتطلب تحديثه لنظام ايس كريم اولا ثم جيلى بين وده صعب فى رأئي .

الافضل فى حاله الاهتمام بالتصوير والموسيقى بشكل رئيسى هو الارك اس .
بالتوفيق

تلك الخدمة مخصصة للأعضاء فقط