هذا الموضوع مرتبط بـ Galaxy W I8150

بدون عنوان

essamseven777

2012-02-28 (09:25:06AM)

يا جماعة انا معايا 2200 وكنت عايز اشترى جلاكسى اس وفى محل فى السويس بيبعة 2225 فانا لقيت واحد مستعمل قولت لما اقلب فية واشوفة على الحقيقة ولما قلبت فية اتصدمت فى الشاشة
الونها مش كويسة والكلام فيها مكسر شوية واستغربت لان المفروض ان دة شاشتة املويد وppi233 يعنى المفروض تكون شاشة واضحة خاصة ان انا معايا نوكيا n95 يعنى المفروض احس بفرق
فهل السبب ممكن يكون الاندويد القديم الى علية؟
وهل الجالاكسى w فية نفس العيب ولا لا؟
يا ريت يا جماعة اى حد عندة معلومة يقولها

essamseven777

2012-03-03 (01:49:33AM)

يعنى يا محمود انت شفت شاشة الاس ال ولقتها كويسة ولو كويسة انت لو مكانى تجيب الاس ال ولاw هو انا منحاز شوية لw على اساس الجينجر وكثافة البكسل الاعلى بس برضة مش عارف
ا

Mahmoud Samir

2012-03-02 (04:06:49PM)

صديقي الاس اساسا هابط بمعني الكلمة انا كنت هاجيبه ورجعت ف كلامي فضلت ف الايس ال معايا وقولت الحمد لله اني ماشترتهوش عندك اس ال ارخص منه بس شاشه سوبر ال سي دي فاجره ف الالوان الاس عقيم اساسا الويف 3 فاجر جدا وشاشه جميل جدا صدقني والجلاكسي wمافهوش العيب ماتقلقش الوانه جامده وشاشه جامده

jimmy83

2012-03-02 (02:03:02PM)

ههه
على ايه
ياريت كنت اقدر اساعدك اكتر.

essamseven777

2012-03-01 (02:45:45PM)

مول فى السويس ...............لا دة مفيش منة خالص
هو فى محلات موبيلات كتير (تحت البيت فى اكتر من ست محلات) بس المستعمل كلة نوكيا والجديد بالعافية تلاقى ساسونج وسونى واتش تى سى مش عارفنها اساسا
انا حاحاول انزل مصر واروح سيتى ستارز وربنا يسهل
وشكرا تاعبتك معايا

jimmy83

2012-03-01 (02:18:58PM)

في كام حاجة اكدب ما يكون بالفيديوهات الي بنبص عليها على youtube.
*البكسل بتاع الشاشة مستحيل لو اتخن كاميرا hd تشوفو احسن من عينيك.(كاميرا عمال تصور شاشة)!!!!!!!! مينفعش وفوق كدا احنا عمال نبص بالفيديو من شاشة لكاميرا لشاشة !!!..ممكن للحاجات الوحشة جدا زي شاشة فيت ولا ميني بس w و s وطالع كلام فاضي .. لو وهي بتصور طبيعة ولا اي حاجة تانية نقول ماشي و احسن من العين بس شاشة!!!! كلوووو غير واقعي
*زوايا الرؤية الي قارفينا فيها.على الواقع تختلف 100%
* الالوان. على الواقع مفيش الفروق الي بتشوفها..و الناس الي بتحكم على كاميرة السامسونج من الوانها على شاشات الاجهزة نفسها ملهاش دعوة لم تنزل الصورة على الكمبيوتر(الالوان بح بح..مفيش).
بتوع الريفيوهات دول احقر ناس لانهم عارفين الكلام دا و تلاقي بيقولك:لاحظ معايا لم تميل الجهاز بتشوف الصورة اختفت..وبص جمال الالوان ولا تلاقي حاطط شاشتين جمب بعض وبيشرح والناس لا شايفة فرق ولا بتاع و بيكدبو نفسهم و كلو بيبصم !!!
---------------
والله يا عصام 2.3.3 ولا 2.3.5 ولا 2.3.7 شفتهم على جالاكسي ايس و على اكسبيريا راي و على سنسيشن xe واجمل كلام شفتو كان ب2.3.5 بتاع الاكسبيريا راي و احسن بكتير من 2.3.7 الي على السينسايشن.والخط على اكسبيريا راي وحش بالنسبة للايفون مثلا (ممكن لم تبص على فيديو الفروقات بتكون شبه مفيش بس الخط دا بتاع الشاشة مش بتاع نسخة الاندرويد)
فقد مكان في تحسن حيكون بسيط جدا..ومش عارف ازاي بس انت لازم تشوف على الواقع مش بالفيديوهات ..ولا مؤخذة بس مفيش عندكو مثلا مول ولا منطقة بيلتم فيها العيال الي اباهاتهم مدلعينهم تروح تاخدلك نظرة على اجهزتهم..(متستحيش انا بعملها كتير و بقعد اتصيد الناس بالمولات كدا) طلعت عيني لابص على جالاكسي نوت ومعرفتش غير مرة وانا ب فيرجن ميجا ستورز بسيتي ستارز و رحت خدت ازن من صاحب الجهاز لابص فيه !! السينسايشن xe بفكر في من زمان و شفتو مع صاحب محل موبايلات و مستحتش وقلتلو ادي المحفظة و البطاقة و عايز ابص بالجهاز.

essamseven777

2012-03-01 (12:26:20AM)

هو صحيح الموبيل كان2.3.3 بس نفس الخط القديم والايقونات القديمة والمشكلة ان انا عايش فى السويس يعنى علشان انزل القاهرة واشوف فى التوكيل حيبقى الموضوع صعب
هو انا حاسس ان الجلاكسى اس عامل مثلا زى انك تجيب شاشة كومبيوتر دقتها عالية وتشغل عليها ويندوز98 اوxp يعنى دقتها مش حتستفيد منها
بس فى نقطة عايزك تفدنى فيها :
انا شفت فيديوهات للاس برومات مش اصلية زى xda وgo lancher لاحظت ان الشاشة بقت انضف فيها شوية فهل فى روم يكون الخط فى كويس ونفس الوقت يبقى مفيهوش مشاكل
ومعلش تاعبك معايا

jimmy83

2012-02-29 (04:05:34PM)

من كتر ما الناس بتضخم الامور فكل واحد جاي يشتري جهاز جديد بيكون متوقع يشوف حاجة مبهرة و الواقع انها حاجة عادية فحاجات كويسة و فحاجات اقل منغيرها.
فانت مدامك شفت الجهاز شغال على 2.3.3 يعني مفيش حاجة حتتحسن...وانا شايفك من الناس الي زيي و الي عيونهم حتركز على البكسل فحاول دور على حاجة البكسل بتاعها فوق 250 ومش سوبر اموليد لان عينيك حتلقط العباطة بتاعت الPentile matrix sub-pixel الي بيستعملوها.
وانا والله مبهزر و بكلمك بجد لان في ناس كتير عندهم نفس الحكاية..جايز مش تسدق بس ممكن جدا تشوف شاشة الsl احسن.
فانتا جرب روح على التوكيل عدل (لانهم عادة عندهم جهاز مفتوح من كل نوع ) و بص وشوف ايه الي يعجبك..سوبر اموليد ولا tft ولا sc-lcd ولا غيرهم.

essamseven777

2012-02-28 (11:34:17PM)

هو ممكن يكون الاندويد القديم ماثر جامد على الخط وشكل الايقونات دة غير ان الوانة افتح من الجينجر ودى لاحظتها فى فيديوهات للمقارنة مع الاس بلس(الشاشة واحدة فى الاتنين) فهل مثلا لو جبت الاس ممكن انزل روم يكون بيعالج المشاكل دى وفى نفس الوقت يبقى مفيهوش مشاكل ولا لازم اجيب موبيل بروم جينجر بريد زى الw

essamseven777

2012-02-28 (07:36:38PM)

واللة يا جيمى عندك حق انا بقلب فى الموبيل وعمال اضرب اخماس فى اسداس واقول يمكن دة اس ال مش اس وبعد كدة شوفت العلبة لقيتة اس لقيتة كمان متحدث ل2.3.3 بس واللة وانا بقلب فية حسيت انى بقلب فى جهاز صينى واللة مش ببالغ وقعت اقول ازاى الناس بتقول على املويد شاشة جامدة لدرجة انى شكيت فى نفسى وقولت انا حقلب فى الموبيل تانى بس افتكرت كلامك وقولت يبقى انت صح وانا اشوف الريفوهات واقول جيمى بيقول الكلام دة ازاى معرفش
عموما ياريت ترشحلى اى موبيل تانى لان موضوع انى اتعود على الشاشة دة حيبقى صعب اوى
هو الجالاكسى w البيكسل بتاعة اعلى 19 زيادة بس عن الاس غير الجينجر الى بيحسن الكلام شوية فهل دة حيفرق ولا اية والمشكلة انى دلوقتى لازم اشوف الجهاز على الحقيقة عشان اشوف الشاشة والw مستحيل الاقية مستعمل
مش عارف اعمل اية!!!!!

jimmy83

2012-02-28 (02:18:06PM)

الله اكبر..بقالي شهرين عمر بحالو شاكك فنظري و حاسس ان عنيا بتوع سوبر مان و بشوف الي مبيشفهوش باقي الناس..الحمد لله
امال يا عم عصام مش شايفني نفسي مقطوع وانا بلف على الاجهزة ومصمم على موضوع الشاشات..خصوصا للي بيستعملو شاشات صغيرة و رايحين للجالاكسي ميني و y و الفيت و لم اقول يا ناس ينفع تلعبو على البكسل بتاعهم شطرنج كلو بيقلك ايه المفتري دا.
هو انتا عنيك شكلها زيي..نظرك كويس و عندك حساسية للبكسل..عالعموم هو في فرق بين الكلير و الجنجر بريد و حيتحسن الكلام..لكن مع كدا السوبر اموليد لازم تخليها بعيدة عن وشك شوية!!! عشان التكنولوجيا العبيطة الي فيها بتبق مفضوحة قوي من قريب..ولو بصيت في الشاشات الtft او sc lcd حتشوف فرق للاحسن..
فالنهاية حتبتدي تتعود وانا كدا اتعودت او عشان اكون صادق استسلمت...كنت اتدايق الاول بس دلوقت اتعودت اقول حسبي الله و نعم الوكيل فعيونكم يا بتوع الريفيوهات ويا رشاويكي يا سامسونج..و اخر جهاز سوبر اموليد كان معايا... الويف 3 استسلمت وقبلت بالامر الواقع..بس حاليا رجعت للايفون و عنيا رجعت نضفت من تاني ومش قادر ابص فشاشة تحت ال 290 ppi
قول يا معين وهاتو و كبيرك شهر و حتشوفها 88% معرفش ازاي..و حلاقيك طالعلي بتقولي انا معايا سوبر اموليد وانتا راجل بتكره سامسونج و بتفتري عليهم.
الناس قدرات و ازواء و كل واحد و الي ايناسبو.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy W I8150

مقارنة

Android
3.7″

3.7 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy W I8150

Android

3.7″

3G

5 MP, 25...

1500mAh