بدون عنوان

للرجوع الي صفحة سامسونج Galaxy W I8150 الرئيسية اضغط هنا

caps_look

2012-01-07 (01:52:15AM)

يا جماعة هو فعلا التليفون ده في مشكلة في السماعة اثناء المكالمة زي الريفيو بتاع phonearena ما بيقول

ولا ده اي كلام ؟ .. يا ريت لو حد جربه يقوللي ...

ahmed.gh

2012-01-07 (02:16:58PM)

بص هو phonearena الوحيد اللى اشنكى منه فى المكالمات و فى ناس كتير جربوه و قالو انه فى المكالمات جميل ومفهوش اى مشاكل و عامة لو هتشتريه او هتشترى اى موبايل تانى لازم تجربه فى المكالمات قبل ما تشتريه و دا اساسى عند شراء اى موبايل

jimmy83

2012-01-07 (02:39:14PM)

نفس كلام الاخ احمد..ملقيتش شكاوى من الناس..
هو عادة مفيش دخان منغير نار..بس كلو جايز من بتوع الريفيوهات..لانهم مبيشتروش اجهزة و ايجربوها من السوق..الاجهزة اغلبها نماذج اولية من الشركات الام و هي بتوزعها عليهم ليقولو رايهم فيها و بالتاي الشركة تعمل تعديلات خفيفة على النسخ النهائية..و دي نقطة مهمة لان المواقع الكبيرة هي الي بتاخد الاجهزة الاولية من الشركات و الريفيوهات بتكون مبنية على اجهزة مش كاملة 100% بعكس المواقع الصغيرة و المتوسطة الي بتاخد الاجهزة من السوق او الوكيل او بتشتري الاجهزة و بالتاي الريفيوهات بتاعتهم بتكون واقعية اكتر مع ان في احيان كتير بحاولو يبهدلو اجهزة لمصلحة شركات تانية..عشان ينولو رضاها..و تبتدي الشركات تحاول تدللهم بفلوس اجهزة و هكذا
جبناك يا عبد المعين تعين..لقيناك بتغني على ليلك و كداب و مرتشي

jimmy83

2012-01-07 (02:46:47PM)

اكبر مثال رايهم بالبادا 2
دا لو ios او wp او اي حاجة تانيه كان شرشحو بس لانو بتاع سامسونج..العيوب بتطنش و من كتر كدبهم عايزين يرفعو السما بس خايفين يرفعو اوي فتروح باقي شلة اندرويد تزعل.

caps_look

2012-01-07 (07:37:53PM)

بس المشكلة ان لو جربتوا مكالمات في المحل و لقيت فيه مشاكل هيحاول بكل الطرق انو يثبت انو زي الفل و يفضل يقول مشكلة شبكة و معرفش ايه و صعب جدا يديني واحد تاني لان التليفون ساعتها هيكون اتعمل بيه مكالمات ..

caps_look

2012-01-07 (07:41:19PM)

كلامك منطقي يا jimmy83 فعلا .. بس التليفونات لما بيبقى فيها مشاكل من اولها بتبقى صداع .. و خصوصا ان التوكيلات مش هتاخد منهم لا حق ولا باطل ..

caps_look

2012-01-07 (07:46:57PM)

طب سؤال كمان يا رجالة معلش ... بالنسبة لل S2 .. هو فعلا فيه مشكلة ال yellow tint او البقعة الصفرا على شمال الشاشة لاني لقيت منها شكاوي كتير جدا ..و انهي صناعة احسن الفيتنامي ولا الصيني ؟؟ ... معلش تاعبكوا معايا

ahmed.gh

2012-01-08 (08:14:38AM)

مفيش حاجة اسمها هيحاول بكل الطرق انو يثبت انو زي الفل لان كل المحلات بتقول انها غير مسؤلة عن البضاعة بعد خروجها من المحل و انت هتشترى موبايل هيعدى 2000 جنيه يعنى من حقك انك ممكن تعض و تجرب كل حاجة فى الموبايل قبل ما تخرج من المحل ومحدش يقدر يقولك حاجة و متدفعش فلوس فى حاجة و انت مش مقتنع انها تمام

jimmy83

2012-01-08 (02:46:47PM)

المشكلة بينا و بين المحلات و التوكيلات ان مفيش قانون يحكم بينا و بينهم..و غالبا للاسف المسائل بتتحل بالفهلوة بتاعة البياعين..
كلو بيرجع انك تقدر تفتح الموبايل و تجربو قبل ما تدفع جنيه و دي صعبة جدا.
الاس 2 الصيني و الفيتنامي هم اصلا الي فيهم المشاكل بتاعة الشاشة و الي بينكر الكلام دة بيكون يكدب على نفسو..
صنع في كوريا او كلمة صنع من قبل سامسونج المشكلة دي اقل كتير عندهم.
النقطة الرئيسية مش بالجهاز صنع فين..الشاشة دي بالزات (سوبر اموليد بلس ) فيها تكنولوجيا سخيفة هدفها تغطية النقص بالبكسلات وتلاعب بالالوان و الناس انبهرت فيها بطريقة كويسة جدا بينما الشركات التانية ( غير سامسونج ) قالت مبتلزمناش و ( حاجة غريبة ان الناس عاجباها الشاشة و الشركات مش عايزاها ).. و اذ نكتشف بمرور الوقت ان الشاشات دي صحيح اوفر و مش بتسحب جامد من البطارية و سمكها اقل سمك بين كل الشاشات..بس بالمقابل هي اقل شاشات بتقاوم عوامل الحياة اليومية من رطوبة و اقل اختلال بالتيار الكهربائي ممكن يبهدلها و كتير حاجات..بس لانها سامسونج كلو منفض..حتى انا كفرد مواطن بسيط على قدي لم كنت اكتب او اجيب سيرتها بحاجة و حشة في اي منتدى او موقع و اقول يناس بالعقل ايشمعنا شركات الموبايل التانية منفضالها لو كانت زي ما بتقولو اوضح و ارخص و ارفع و اوفر بالشحن !!! كانت الناس تهيج كاني غلطت فابوهم..و بالنهاية سامسونج نفسها نفضة للشاشة دي و شالة البلس منها ..
الواقع انها تكنولوجيا جميلة ف ي حالات معينة بس الظاهر و مع مرور الوقت ان فيها مشكلة عمر قصير و عدة نقاط ضعف و سامسونج استعجلت فيها...و التعتيم الاعلامي الي سببو جبروت سامسونج المادي في المواقع العالمية حيخلي الفضيحة تتلم و متبنش بالشكل الي تستاهلو سامسونج لحد ما سامسونج تعدل النوع دا و تطرحو فجهاز جديد و ايقولونا اهو بصو مفيش مشاكل يا ناس يا مفتريين..مرات بحس ان رئيس سامسونج بالسر هو واحد عربي !!!!!!!!!!1

caps_look

2012-01-08 (09:51:36PM)

طب انت ايه رأيك يا jimmy83 اشتري ال s2 ولا لأ ..؟ و خصوصا ان مفيش في مصر دلوقتي الكوري ولا حتى made by samsung كله فيتنامي او صيني ... انا حاسس ان كل التليفونات ال s2 فيها مشكلة البقعة الصفرا ..

jimmy83

2012-01-11 (04:07:50PM)

انا فاي وقت و تحت اي ظروف حفضل اي htc سواءevo 3d او سينساشين او سينساشينxe ..
صحيح كلهم اقل منو عالورق بس من ناحية استخدام و خامات فهم اجمد منو بمراحل..
كفاية htc sense و htc hub الي بيدوك المجال لبرامج روعة متناسبة و متطابقة لابعد الحدود مع جهازك منغير مشاكل و وجع دماغ.
شخصيا بعتبر كل مواصفات و نقاط قوة الاس2 ملهاش لازمة و مش مؤثرة و وهم مش اكتر.
سمحت لنفسي اقول رايي بناء على طلب حضرتك.
و فالنهاية الواقع بيقول ان الاس 2 ارخص جهاز بالمواصفات دي بالسوق عند السعر دا..بمشاكلو و بسلطاتو و بابا غنوجو.

تلك الخدمة مخصصة للأعضاء فقط