مراجعة galaxy s6

السلام عليكم ورحمة الله و بركاته ..
دي اول مشاركة ليا في الموقع وحبيت اكتب رئيي عن هاتف galaxy s6 علشان الكل يستفيد .. المهم .. الحمد لله انا اشتريت الجهاز مع اني كنت نازل اشتري iphone 6 64giga بس لما خد الايفون والبايع قص الشريحه لقيت الايفون مش بيرسل او يستقبل .. حب يخرج الشريحه لاقاها مش عايزه تخرج من مكانها المهم بعض اكتر من محاوله اضر يروح بي على الصيانه علشان يخرج الشريحه وللاسف بردو ماخرجتش .. طبعا انا رفض استلام الايفون .. وفي نفس الوقت مكنش عجبني حجم الشاشه بتاعته .. ولفت نظري جهاز ال galaxy s6 r قوووي وقررت اشتري هو بدل الايفون .. معلش سامحوني على التطويل ونجي بقى للتقييم :
أولا عيوب الجهاز :
1 - الشكل من الامام تقدر تميز انه سامسونج لحصوله على نفس شكل الحساسات وازرار الهوم والباك والسماعه " مع انه شيك جداااااااااااااااااا
2 - الضغط الكبير على الرام من غير سبب مع ان واجهة الاندرويد الجديده خفيفه جداا
3 - الغاء ميزة مضاد للماء الموجوده في galaxy s5 "
4 - عدم امكانية تركيب كارت ميموري خارجي " سعة الجهاز 32 و 64 و 128 giga المتاح في مصر 32 giga ..
5 - وضع مكان سماعة الاذن في الاسفل


ثانيا المميزات :
1 - خامات الجهاز روعه رغم انه مصنوع من الزجاج من الامام و الخلف لكنه من نوع جوريلا جلاس 4 وده قووووووي جدااااااااااا بشهادة كل مواقع الاختبارات .. وكمان الاطار المعدني اللي حواليه مديله شكل رهيب ومتانه جاااامده جدااااااااااا بصراحه ابدعت سامسونج في التصميم مع تحفظي على نفس واجهة كل اجهزتها من الامام ..
2 - الشاشه تحفه بجد طبعا هي اعلى شاشه موجوده على تليفون ولا تقولي iphone ولا سوني ولا الكلام بتاع العين مش بتشوف اي فرق بين ppi لما بيزيد عن 330 ppi اي حد يقولك كده هو بيبرر وخلاص علشان يظهر تليفونه انه افضل تليفون وان ده كلام على الورق .. بجد اي حد هيمسك الفون ده هبعرف يعني ايه شاشه 4k
3 - الكاميرا خيااااااال افضل كاميرا سمارت فون والله مش كلام كفايه ان اي حد بيشوف الصور بتاعتها بينبهر بيها مهما كان تليفونه ..ومش بيفرق معاها الاضاءه قويه او ضعيفه حتى الكاميرا الاماميه ..
4 - البصمة تم تحدثها عن الموجوده في الاس5 بقت اسهل و اسرع بكتير جدااا بقت عامله زي اللي في الايفون باللمس ومن اي اتجاه بتفتح جميله جدااااااااا
5 - الفون صوته جميل وعالي من اعلا تليفونات سامسونج وواضح وبقى اسفل الجهاز مش بالخلف
6 - الاداء .. اول لما شغلت الجهاز و وصلته على الواي فاي جالي تحديث للنظام مساحته حوالي 290 ميجا
اداء الجهااااز طياره انسى حاجه اسمها تهنيج رغم الضغط على الرام المعالج ثماني النواه
اربع انويه بيشتغلو لما بيكون لجهاز مش محتاج معالج قووي علشان توفير الطاقه والاربعه التانين بيشتغلو لما بيكون محتاج اداء اعلى لكن الثمانيه مش بيشتغلو مع بعض ..
الجهاز بيجي ب 3 giga bit رام
بعض تنزيل البرامج وعمل جميع الحسابات الباقي من الرام 900 ميجا
7- خاصية الشحن السريع محدش هيقدر يتخيلهل غير لما يجرب .. شحن 10 دقايق يكفي استخدام حوالي 3 ساعات
8 - خاصية الشحن اللاسيلكي

البطارية مع الاستخدام التقيل قاعدت معايا 8 ساعات متواصله وكنت مشغل الجهاز على الواي فاي

يارب اكون اتوفقت و وصلت المعلومه عن الجهاز ده وسمحوني على الاطاله و الكلام الغير تقني
بس هي محاوله مني افيد اي حد حابب يشتري الجهاز ده

معلومه بس انا مراتي معاها galaxy s5 وانا مسكت الايفون وانا بشتريه وللمعلومه انا سيبت الشريحه بتاعتي جوه االايفون لانها مخرجتش و جبت شريحه جديده

علشان محدش يجي يقولي انت بتتكلم عن حاجه وماشوفتهاش

اخيرا جهاز galaxy s6 افضل تجربة اندرويد وسمارت فون
اي استفسار انا في الخدمه ومعلش على الاطاله تاني ..